VOV4.K’ho - Ngai òr, Anih duh broă làng bol càr Dak Lak bơyai lơh Pơrjum sền wơl cồng nha mu\t lơh rơndăp broă lơh bơsong dồs kal ke lùp mờ bơta tus bal pơrjum bơh ală anih priă jền tàm càr dê. Kờp tus jơh nhai 5 nam do, kờp jơh priă ai càn bơh ală anih priă jền dê tàm ù tiah càr Dak Lak là rlau 45 rbô 700 tơmàn. Tàm hơ\, dồs kal ke lùp là pơgăp 1 rbô 200 tơmàn, geh tus 2,71% pơndrờm mờ kờp jơh priă ai càn. Geh uă jơnau gơlam tus dồs kal ke lùp, mơya uă ngan là gơbàn bơh broă kờp khà priă phan bơna jơtài hơ pơrgon ờ di mờ khà priă geh ngan, gơlam tus ală hoàc hươr digơlan gơ aniai tus mờ ală bơnah priă càn.

Pơrjum bơsong dồs kal ke lùp

Ồng Nguyễn Xuân Thịnh kuang jat jơng atbồ Anih priă jền lơh broă sa mờ bơtàu tơnguh [òn lơgar [òn drà Buôn Hồ, pà gi\t, broă bơsong dồs kal ke lùp bơh anih priă jền dê tìp uă kal ke tài bơh gơrềng tus ală anih lơh broă yal yă: “Kal ke ngan rlau jơh là bơta pơgồp bal mờ kơnòl bơh ală anih cah r`a mờ anih lơh broă lơh jat kơrnoat lơh glài bơh anih cah r`a dê. Anih priă jền kờ` yă den cau càn priă pal ki\ tàm sră nggal là ờ jàu jơtài phan bơna. Mơya, tu\ do cau càn priă cau ờ bài kờ` lơh, ờ ki\ tàm sră nggal den tàng ală dơ\ yă jo\ jòng. Ală anih cah r`a mờ anih lơh broă lơh jat kơrnoat lơh glài bơh anih cah r`a dê pal pơgồp bal niam, jơh nùs jơh pràn, geh kơnòl uă tàm broă bơsong den hơ\ sồng lơh gơtùi, mờ anih priă jền là gah gơtìp aniai mờ ơm dùl đah den ờ gơtùi bơsong geh tài bơh ờ geh gơnoar ku\p bơklơn jơtài phan bơna”.

                                                            Cau mblàng Lơ Mu K’ Yến