VOV4.K’ho- Ngai 14/3, tàm xã Ia Rvê, kơnhoàl Ea Súp, càr Dăk Lăk dê, Tỉnh đoàn Dăk Lăk mờ Tỉnh đoàn Lâm Đồng bal mờ Huyện đoàn Ea Súp pơgồp bal bơyai lơh broă lơh Nhai pe tiah nhàr lơgar nam 2021 bal mờ uă broă lơh geh kuơ ngan ngồn.

Pà 800 nơm bồng bi dà lơgar ai ală hìu bơnhă kis rềp tiah nhàr lơgar in

Broă lơh geh lơh uă broă geh kuơ, bè: lòt còp jrong sồ 41, chu ñàng tàm Rùp mòn kah kơlôi ală cau khin cha jak chài chơ̆t màng tàm Pôs đồng ling sền gàr tiah nhàr lơgar Ea H’leo, bơyai lơh tơmŭt đoàn ai 40 nă cau in tàm jrong sồ 41. Kham kòp, bơto pơlam sền gàr pràn kơldang să jan, phàt sơnơm ờ sa priă ai 300 nă làng bol in mờ pà 800 nơm bồng bi dà lơgar ai ală hìu bơnhă kis rềp tiah nhàr lơgar in. Sơnđờm lơh Tiah nhơl chờ ai kơnòm dềt in; jàu broă lơh sòl àng gùng ƀòn; sơnđờm ai ngui broă lơh cơldŭ bơsram anih hìu bơsram mẫu giáo in mờ sơnđờm lơh hiù Kờñ gơboh kòn bơnus ai hìu bơnhă kal ke in.

Bi Y Lê Pas Tơr, Phó Bí thư thường trực Tỉnh đoàn Dăk Lăk pà gĭt, do là broă lơh nàng kờñ lơh pràn ală broă lơh srơh Đoàn di Nhai Ơruh pơnu, bơh hơ̆ ngui niam nùs nhơm lam lài, lơh broă dong kờl is bơh cau tàm mpồl dê, ơruh pơnu dê tàm broă sền gròi, dong kờl rài kis làng bol, ơruh pơnu kơnòm pa tàu, kơnòm dềt in tàm ală ƀòn tiah nhàr lơgar kal ke in.

Cau mblàng Lơ Mu K’Yến