VOV4.K’ho – Ală ngai do, ua\ mpồl bal, cau dùl nă să mờ ală cau geh nùs nhơm niam neh bơyai lơh ală broă lơh wă rò sa tềp Trung thu, lơh chờ àng kơnhai ndar me ai git nđờ rbô nă kơnòm dềt r[ah, kơnòm dềt kuet kơlte tàm càr Dak Lak in. Ală phan pà geh kươ geh jàu tus ală oh tàm dơ\ sa tềp Trung thu do neh cèng tus kơnòm dềt tiah do in dùl kàl Trung thu niam mờ ram mhu\.

Mho mang ngai 28/9, di ngai 13/8, jat sră kờp nhai lơgar he dê, tàm làm gùt gơl gùng tus tiah tờm xã Ea Tiêu, kơnhòal Cư Kui`, càr Dak Lak gơ gơs chờ hờp, nggồr nggàc ngan. Ală oh dềt soh phan sàng goh, ồi àu hàng niam rê mờ Tiah tờm xã. Ală mè bèp kung gơ lơh chờ hờp ờ lin tu\ pal tru\ gơm piang mho mhar nàng di tu\ jun ală kòn lòt tus tiah tờm xã nàng tus bal broă lơh chờ hờp Trung thu.

Bi H’Rim Hmok, ơm tàm [òn Ea Tiêu pà git, tài lòt gờ` den tàng bi mờ 3 nă kòn geh dùl anih nggùi niam nàng gơtùi sền ală jơnau đơs crih tamya tàm broă lơh chờ hờp Trung thu: “Mang do jơh hìu bơnhă a` sàu piang gờ` rlau nàng lòt sền trung thu, broă lơh chờ hờp trung thu nam do chờ hờp ngan, geh sền tamya đăng grài mờ ală sau dềt đơs crih tamya”.

Ơm tơ nơ\ anih bơyai lơh nàng kơp tus tu\ guh tamya, oh Trần Hoàng Ngọc Thu ơm tàm [òn Kram, xã Ea Tiêu, kơnhòal Cư Kui` pà git, do là dơ\ 2 oh geh tus bal ală broă lơh đơs crih tamya tàm ngai Trung thu, mơya dơ\ do oh gơlơh rơm nùs rlau tai bơh Trung thu nam do, ală oh geh ală wa, ală mơi bơh tàm càr tus lơh chờ hờp Trung thu.

Trung thu nam do, oh ờ mìng tamya ai ală bơyô tàm [òn in sền, mờ oh geh tamya tềng đap git nđờ rhiang nă bơyô tus ua\ [òn tàm xã in tai: “Tàm tơngai tàp den ờ huan jo\, mìng dùl tơngai lơyah lơm, jơnau tamya do kung kal ke tài jơnau do pal tamya mờ sơ gơn quai thao, mơya geh cau pơlam tàp bol oh in niam ngan den tàng bol oh gơtùi tamya jơh jơnau do. Oh kơp kờ` tamya niam nàng drơng ală cau sền in tàm mang chờ àng kơnhai ndar me do”.

Tàm broă lơh chờ hờp Trung thu do, rlau 300 nă oh dềt bơh xã Ea Tiêu dê neh geh sền tamya đăng grài, geh sền wa Cuội, bi Hằng, sền ua\ jơnau đơs crih tamya niam ngan mờ bal mờ gơp sa ba` kèu. Tàm dơ\ bơyai lơh, kes pria\ sền gàr mờ dong kờl kơnòm dềt càr Dak Lak gam pà 63 bơnah pria\ dong kờl bơsram ai ală kơnòm bơsram r[ah sơr lèt gan kal ke bơsram jak in mờ 330 bơnah phan pà ală oh geh rài kis kal ke in.

Ờ mìng geh chờ hờp trung thu mờ gam geh dờp pria\ dong kờl bơsram tai tàm dơ\ do, oh Hqiuk Hmok, ơm tàm [òn Hra Eahning, xã Dray Bhăng, kơnhòal Cư Kui` đơs: “Ngai do, oh chờ hờp ngan tu\ geh nggui tềng do nhơl chờ hờp trung thu mờ geh pà pria\ dong kờl bơsram tai. Oh kơp kờ` pah nam ndrờm geh trung thu niam bè do nàng ală oh in geh nhơl `o\ chờ hờp mờ ală bơyô tàm xã ndai mờ [òn ndai”.

Ồng Lâm Đình Nhiên, Kuang atbồ Kes pria\ sền gàr mờ dong kờl kơnòm dềt càr Dak Lak pà git, nàng kờ` cèng wơl kơnòm dềt r[ah, kơnòm dềt kuet kơlte tàm càr in dùl kàl trung thu ram mhu\, Kes pria\ sền gàr mờ dong kờl kơnòm dềt càr Dak Lak neh pơgồp bal mờ ală mpồl lơh sa kă bro, ală anih lơh broă, mpồl lơh broă tàm càr mờ bơdìh càr bơyai lơh broă lơh chờ hờp Trung thu ală oh dềt tàm tiah sar lơgar ngài in. Pal sền gròi là broă lơh “Trung thu kờ` gơboh” ai kơnòm dềt xã Cư Kbang, kơnhòal Ea Sup; Broă lơh “Chờ hờp Trung thu” ai kơnòm dềt xã Ea Tiêu, kơnhòal Cư Kui` in, pà phan kơnòm dềt tàm [òn Knia 2, xã Ea Bar, kơnhòal Buôn Đôn in mờ bơyai lơh broă lơh “Mang chờ àng kơnhai ndar me” nam 2020 tàm kơnhòal Krông Ana…

Tàm ală broă lơh, bal mờ ală jơnau đơs crih tamya, sa ba` kèu Trung thu, mpồl bơyai lơh gam pà phan, pà pria\ dong kờl bơsram, rơndeh coh mờ hìu nùs nhơm ai mờr 1 rbô 400 nă kơnòm dềt in, mờ kờp pria\ tă lơh ală broă do mờr 720 tơlak đong. Bơdìh hơ\ tai, gơ noar atbồ ală kấp, ală tiah mờ ală cau geh nùs nhơm tàm càr mờ bơdìh càr kung dùl ròt bơyai lơh ua\ broă lơh sa tềp Trung thu ală oh in.

Ồng Lâm Đình Nhiên pà git: “Tàm ală ngai tus, kes pria\ sền gàr mờ dong kờl kơnòm dềt pơn jat tai bal mờ ală cau geh nùs nhơm niam, ală cau dong kờl tàm càr mờ bơdìh càr nàng dong ală kơnòm dềt r[ah, kơnòm dềt geh rài kis kal ke geh dùl sa tềp Trung thu chờ hờp, ram mhu\ mờ wil tơl, geh kuơ nàng lơh gơlik bơta pơn jờng, geh tai bơta chờ hờp ală sau in, kuơmàng là ală sau tàm tiah ngài geh chờ hờp bal mờ kơnòm dềt gùt lơgar”.

Bulah gam ua\ siơu\ siar, kal ke mơya mờ bơta sền gròi bơh ală mpồl lơh broă mpồl bơtìan mờ ală cau geh nùs nhơm dê, nam do ua\ kơnòm dềt r[ah tàm càr Dak Lak neh geh kis tàm nùs nhơm ram mhu\ bơh sa tềp Trung thu dê.

Cau cih H’Xíu – Cau mblàng K’Duẩn