VOV4.K’ho- Lơh jăt srơh “Jơh gùt làng bol tơrgùm bal pràn bơ\t bơtàu [òn lơgar pa”, tàm ù tiah càr Dăk Lăk dê neh geh uă cau pơnrơ, lơh krơh lam lài tàm broă pà ù, tă pơgồp ngai lơh broă, tă pơgồp phan bơna priă jền tus bal lơh broă do. Kơnờm bè hơ\ mờ phan bơna [òn lơgar geh tam gơl uă ngan, pờ tơlik tu\ tơngai niam ai lơh sa in bơtàu tơnguh, rài kis phan bơna mờ nùs nhơm bơh làng bol dê sơlơ bơtàu tơnguh tai, muh mat [òn lơgar pa ngai sơlơ tam gơl. Bơta lam lài, lơh krơh niam bơh ală cau pơnrơ hơ\ dê neh geh bơta pràn lơh gơrề uă làm bă tiah, lơh gơlik nùs nhơm tàm pơrlòng pa tàm jơh gùt làng bol nàng Dăk Lăk lơh gơs niam jơnau kờ` bơ\t bơtàu [òn lơgar pa.

Ai tê sơ`io hờ bă ù lời gời rềp tềng hìu, mò Nguyễn Thị Tố Qùy, ơm tàm tổ 9, [òn H’Đơk, xã Ea Kao, [òn dờng Buôn Ma Thuột pà gi\t, bă ù do ơnàng 1 sào, kờp priă pơgăp 2 tơmàn 500 tơlak đong neh geh hìu bơnhă mò dê pà ai Ủy ban Nhân dân xã Ea Kao in nàng lơh hìu pơrjum. Đơs bè broă pà bă ù do, mò Quỳ pà gi\t, [òn H’Đơk tu\ do ờ geh hìu niam chài, jơh ală broă bơh broă dờng tus broă dềt tàm [òn ndrờm pal pơrjum yòng mờ hìu làng bol dê lơm. Tài bơh ờ geh anih pơrjum [òn den tàng broă lơh niam chài, đơs crih tam ya, tàp pràn să jan kung ờ geh bơyai lơh gơ gơs srơh dờng sơl mờ mìng lơh dềt rah rài, lơh is lơm. Làng bol tàm [òn kơ\p kờ` ngan geh hìu niam chài nàng geh anih pơrjum mơya xã den ờ geh wơl bă ù nàng ai lơh. Wa\ wờng geh bơta kal ke bơh xã dê, mò neh bơyai mờ ală kòn mờ lơh nền pà bă ù bơh hìu bơnhă dê. Mò Qùy pà gi\t, bulah bă ù dờng mờ priă jền uă, mơya hìu bơnhă kung ờ go\ pơlai sơl tài bơh lơh hìu pơrjum [òn den làng bol geh anih nàng tìp mat, pơrjum cribơyai.

Mò Nguyễn Thị Tố Qùy, ơm tàm tổ 9, [òn H’Đơk, xã Ea Kao, [òn dờng Buôn Ma Thuột pà gi\t tai bè do: A` sền go\ pơrjum bơh mpồl ală hìu bơnhă dê den pơrjum sùm tàm ală hìu bơnhă, a` sền go\ gơlơh ờ di ngan den tàng a` hơ\ sồng kơlôi là pal lơh geh anih pơrjum niam ai làng bol in, ai ală sau dềt in, tài bơh ală sau dềt ờ geh anih nàng nhơl, dô rê khai nhơl gơlềng gơlàng tềng m[ur chi che, sươn rhàng, geh ngai ală sau dềt tus hờ rbòng dà nàng nhơl, sơbơng roh ngan. Den tàng a` pà 1 sào ù nàng lơh hìu pơrjum, anih nhơl chờ hờp ai ală sau in. A` mìng kờ` di kàr hơ\ lơm gời.

Làng bol pà ù, tă pơgồp ngai lơh broă nàng lơh gùng lòt

Kung ndrờm bè mò Quỳ sơl, ồng Y Ngôn Knul, Bí thư Chi bộ [òn Tría, xã Ea Tul, kơnhoàl Cư Mgar, neh tă sờr ir pơngàr hìu bơh hìu bơnhă dê mờ pà 4 chuồng ù nàng lơh hìu mpồl bơtiàn ai [òn in. Ồng Y Ngôn Knul yal: tài bơh ờ geh hìu mpồl bơtiàn den tàng pah tu\ [òn geh dơ\ pơrjum halà ală broă lơh bal, làng bol ndrờm pal lòt tus hờ hìu mpồl bơtiàn tàm xã dê ngài mờ [òn pơgăp 3 kơi sồ. Ală ngai trồ tơngai den là ờ go\ geh chi lơi, mơya ală ngai trồ tiah ờ niam den là kal ke ngan nàng bơtòm tơrgùm làng bol. Tam pà bal bơta kal ke bơh làng bol dê, ồng Y Ngôn Knul neh lơh nền pà ù nàng lơh hìu mpồl bơtiàn. Geh ù, làng bol tàm [òn tă pơgồp is priă jền nàng lơh hìu mpồl bơtiàn. Hìu mpồl bơtiàn [òn Tría lơh jơh 240 tơlak đong neh geh lơh bơh bơta tă pơgồp is bơh hìu bơnhă ồng Y Ngôn dê mờ bơta tơrgùm bal pràn bơh làng bol tàm [òn dê.

Ồng Y Ngôn Knul, đơs: Să tờm a` mờ gơnoar broă là dùl nă đảng viên, mờ là Bí thư den a` sền go\ làng bol ờ geh ù lơi lời gời nàng lơh den tàng să tờm a` neh pà dùl êt ù ơnàng pơgăp 4 chuồng, pơgồp bơnah dùl êt tàm broă lơh bơ\t bơtàu [òn lơgar pa. Tơnơ\ mờ tu\ lơh gơs hìu niam chài den bol a` gơlơh chờ hờp ngan, bol a` geh anih nàng pơrjum bè pơrjum chính trị, pơrjum làng bol, tìp mat mờ cau te\ khà, halà pờ ală ơdu\ nàng bơto pơlam bè broă ngui phơng sih.

Hìu niam chài thôn 9, xã Hoà Lễ bơh làng bol dê tă pơgồp mờ lơh

Ai ồng Phan Văn Vở, ơm tàm thôn Đoàn Kết, xã Ea Kuêh, kơnhoàl Cư Mgar den là dùl nă cau lam lài tàm broă pà ù lơh gùng lòt tàm [òn lơgar. Ồng Vở pà gi\t, pah ngai pal sền go\ broă lòt rê bơh làng bol dê, ngan là ală sau kơnòm bơsram pal lòt gùng dềt, kàl prang den thul kơmbuh ù uă ngan, kàl mìu den bo\ bil ntiar lơm bè lơm, sơbơng roh ngan, ồng kơlôi sơnơng sùm. Den tàng bè hơ\, tu\ xã lam lơh jăt broă lơh bơ\t bơtàu [òn lơgar pa, ồng Vở neh bơyai mờ hìu bơnhă mờ pà rlau 5 chuồng ù tam tiêu nàng lơh ơnàng gùng drơng jơnau kờ` lòt rê bơh làng bol dê. Ờ go\ di mìng pà ù lơm, hìu bơnhă ồng Vở gam lam lài tus bal tă pơgồp priă jền, ngai lơh broă nàng lơh ală rbòng dà, hìu niam chài, mơkung hòi jà oh kòn, kòn sau tàm hìu bơnhă mờ làng bol tàm thôn jơh nùs tă pơgồp tus bal bơ\t bơtàu [òn lơgar pa.

Jăt ồng Vở đơs, [òn lơgar pa hơ\ ngan là lơh niam ai [òn lơgar he dê in, ai hìu bơnhă he dê in den tàng geh bơta phi să dùl êt kung dipal ngan sơl. Ồng Vở đơs bè do: Dilah bè tàm ală broă lơh bơh thôn Đoàn Kết dê den a` gi\t jơh ndrờm bè broă tàm hìu bơnhă a` dê tơn. Tài bơh jơh ală, a` sa piang hìu bơnhă dê, hùc dà lọc, ờ geh dùl đong dùl xu lơi ờ, lơh bè hơ\ pah nhai sùm, a` bal mờ Mpồl ătbồ is mờ Chi bộ sồr tơn, mờ tê tờm he dê lơh tơn, sền gròi tơn, mờ ala mat làng bol in tơn đơng lam. Bol a` lơh bè hơ\, chờ hờp là tờm ngan, hơ\ là lơh geh jơnau kờ` ai să tờm in mờ ai mpồl bơtiàn in, lơh bè lơi nàng rài kis làng bol in ngai sơlơ geh bơtàu tơnguh, tàm hơ\ geh hìu bơnhă he dê.

Ală gơl gùng [òn lơgar pa tàm Dăk Lăk geh dà kơlhề tă pơgồp bơh làng bol dê

Ờ go\ di mìng mò Quỳ, ồng Y Ngôn, ồng Vở lơm ờ mờ tàm 10 nam lơh jăt broă lơh Jơnau kờ` dà lơgar dê bè bơ\t bơtàu [òn lơgar pa, tàm càr Dăk Lăk neh geh gi\t nđờ rhiang nă cau pơnrơ tă pơgồp is phan bơna, ngai lơh broă nàng bơ\t bơtàu [òn lơgar pa bal mờ priă jền tă pơgồp rlau 3 rbô 400 tơmàn đong. Pal sền ngac ngan là, làng bol neh tă pơgồp rlau 1.600 tơmàn đong, 1 tơlak 140 rbô thơk vuông ù mờ rlau 200 rbô ngai lơh broă nàng lơh ală broă phan bơna kuơmàng tàm [òn lơgar, bè lơh gùng lòt tàm [òn, lơh rbòng dà tàm sươn sre, [làng tàp pràn să jan, hìu niam chài…

Đơs bè gơnoar broă bơh làng bol dê tàm ală tu\ bơ\t bơtàu [òn lơgar pa tàm càr, ồng Phạm Minh Tấn, Phó Bí thư thường trực Tỉnh ủy Dăk Lăk pà gi\t: Gơtùi đơs, phan bơna bơh càr dê bơh ală ngai sơnrờp lam lơh jăt broă lơh bơ\t bơtàu [òn lơgar pa tơn rơ\p mìng pa lơh geh 3 broă lơm kờp bal tàm dùl xã. Ală tu\ lơh broă hơ\ den gơtùi đơs là gơnoar broă bơh làng bol dê là dờng màng ngan rlau jơh, làng bol neh pà uă ngan ù, ngai lơh broă mờ kuơmàng là gi\t nđờ rbô tơmàn đong tă pơgồp bơ\t bơtàu [òn lơgar pa. Tus dì tu\ do den cồng nha pal chờ hờp ngan rlau jơh kờp bal là neh geh 14,08 broă tàm dùl xã mờ neh geh 43 xã geh 19 broă tàm bơ\t bơtàu [òn lơgar pa.

Tơrgùm bal pràn, dùl nùs dùl tồr bal bơh làng bol dê hơ\ ngan là bơnàng jă kuơmàng lơh nền tus cồng nha lơh geh tàm ală tu\ lam lơh jăt Broă lơh jơnau kờ` dà lơgar dê bè bơ\t bơtàu [òn lơgar pa tàm càr Dăk Lăk.

Cau cih Vũ Nam Trang- Cau mblàng Lơ Mu K’Yến