VOV4.K’ho – Bơh khà priă tềm pềr cau tàm mpồl dê, mpồl cau dờng sonam kơnhoàl Cư\ Kui`, càr Dak Lak neh lam sồr geh tàm kes priă mờr 1 tơmàn 800 tơlak priă, ai uă ngan cau tàm mpồl geh rài kis kal ke càn priă nàng bơtàu tơnguh lơh sa.

Mpồl cau dờng sơnam [òn 23, ntum Ea Ning, kơnhoàl Cư\ Kui`, càr Dak Lak geh 75 nă cau. Tàm tu\ tus bal pơrjum mpồl, ală ồng mò neh tă pơgồp tềm pềr geh 125 tơlak priă, lời ai ală ồng mò geh rài kis kal ke in càn nàng bơtàu tơnguh lơh sa halà dong kờl kòn sau lòt bơsram. Mò Nguyễn Thị Thuận 68 sơnam pà git, nam 2010, tài rài kis hìu nhă kal ke, dùl nă mò pal ròng ală kòn lòt bơsram ngài, ờ tơl priă ròng phan den tàng mò càn bơh mpồl dê 5 tơlak priă. Priă càn bulah ờ uă, mơya kung neh dong kờl hìu nhă in uă ngan. Mò yal: “ Kơnờm nđờ tơlak priă càn hơ\ mờ kung neh lơh uă broă. Lài do a` mìng dùl nă să mơya a` kung ròng kơn rồ, ròng sur. Ờ geh priă bơcri den tàng geh càn ală ồng mò dê 5 tơlak priă nàng lơh broă sa, blơi rơndeh rơn dồ kòn in lòt rê. Tu\ do den kung neh ờ huan kal ke tai mơkung gơtùi tơm jơh dồs.”

Ồng Bạch Hưng Trung, atbồ mpồl cau dờng sơnam [òn 23 pà git, bơh tu\ crơng gơs tus tu\ do, ngan là bơh nam 2006, khà priă tă pơgồp bơh ală ồng mò tàm mpồl dê neh gơguh mhar ngan, geh 26 nă ồng mò tă pơgồp bơh 2 tơlak priă rlau hơđang, ngan là geh ồng mò tă pơgồp tus 5 tơlak priă. Broă tă pơgồp là jat nùs nhơm kờ` is mờ ală ồng mò ndrờm jơh nùs tus bal. Sră nggal càn priă kung [uơn [ùai den tàng priă tă pơgồp tàm kes priă neh lơh geh cồng nha niam ngan. Ồng Trung đơs: “ Mpồl lam sồr ală ồng mò geh priă jền jơngkah đau den tus bal tă pơgồp nàng dong ală ồng mò geh rài kis kal ke in càn nàng dong hìu nhă tơn jơh jơgloh tơmù rơbah. Tàm 125 tơlak priă den neh ai càn 123 tơlak. Kuơ màng mpồl tàm do ai tơl nă ồng mò in càn bơh 10 tus 15 tơlak priă nàng ròng kơn rồ. Hơ\ sồng pah tu\ bè ngai 6/6, 1/10, gờm chờ kis jo\ sơnam halà bồ sơnam ndrờm top sră loh làng ai tơl nă ồng mò in git loh làng ngan, den tàng priă jền ală ồng mò tă pơgồp kung pơrgon là dong kờl ală ồng mò in den tàng ală ồng mò pin dờn ngan.”

Mpồl cau dờng sơnam kơnhoàl Cư\ Kui` geh mờr 7 rbô 600 nă cau tus bal pơrjum tàm 113 mpồl [òn. Tơngai lài, ală mpồl ndrờm lơh broă geh cồng nha, geh uă pơn rơ jak cau dờng sơnam lơh sa jak, uă ồng mò là cau tờm anih suơn dờng, cau tờm mpồl lơh sa kă bro, jơh nùs tus bal pơrjum mờ tă pơgồp tàm broă lơh mpồl dê. Tus tu\ do, mpồl cau dờng sơnam kơnhoàl Cư\ Kui` neh lam sồr tă pơgồp tàm kes priă geh mờr 1 tơmàn 800 tơlak priă bơh ală mpồl atbồ tơn, dong kờl rlau 700 dơ\ cau tàm mpồl in càn nàng bơtàu tơnguh lơh sa, rề ơnàng broă lơh sa. Ồng Phạm Quỷnh, kuang jat jơng atbồ mpồl cau dờng sơnam kơnhoàl Cư\ Kui` pà git, gơtùi geh cồng nha hơ\ là kơnờm bơta sền gròi bơh gơnoar atbồ tàm [òn lơgar mờ bơta nhap nhar bơh ală cau geh jơng tàm mpồl đơng lam. Ồng pà git: “ Tơl ntum bơt bơtàu kes pruă ai cau dờng sơnam geh rài kis uă kal ke in, tu\ do ală ntum neh lơh jơh. Kơnhoàl dong kờl bè tơl bơta, priă jền, cau lơh broă mờ ai geh bơta niam ngan rlau jơh nàng kes priă lơh broă cau dờng sơnam kơnhoàl dê lơh gơs. Kơnờm bơh hơ\ neh pơn jờng cau dờng sơnam tus bal lơh sa. Bơdùh mờ tus bal lơh sa tàm hìu nhă, ờ uă hìu nhă cau dờng sơnam, ală ồng mò gam tus bal tàm broă kă bro.”

Bơh kes priă tềm pềr lơh broă geh cồng nha, uă cau dờng sơnam tàm kơnhoàl Cư\ Kui` neh khin cha tus bal rề ơnàng lơh broă sa, bơtàu tơnguh lơh sa, brồ guh bơngă cau dờng sơnam dê pơgồp bơnah tơn jơh jơgloh tơmù rơbah.

                                                           Cau cih mờ yal tơngit K’ Duẩn.