VOV4.K’ho – Tàm 2 nam do, tàm càr Dak Lak geh tus 2 rbô broă lơh đèng mat tơngai lơh hơđang rơkàng hìu, mờ bơta pràn lơh gơlik rlau 120 rbô kWp gẹ tơrbo\. Đèng mat tơngai “geh crap ua\” lơh gùng che đèng ua\ tiah tàm càr Dak Lak neh kơn jơ\ ir.

Tă pria\ rlau 10 tơmàn đong lơh trang trại tam bơsềt mờ ròng iar jat sră pơrgon mờ 1 kong ti lơh bal kă bro, mơkung crap đèng mat tơngai hơđang rơkàng hìu trang trại dê, ồng Lê Hoàng Đức Uy, cau tờm trang trại Nhật Minh tàm thôn 6, xã Cư Dliê Mnông, kơnhòal Cư Mgar, càr Dak Lak đơs nền cồng nha lơh sa là loh làng ngan.

Đèng mat tơngai lơh hơđang rơkàng hìu ờ mìng tơnguh tai pria\ lơh geh tài tơm pria\ ngui ờ kas, ờ gam dong lơh mrềt mờ sơndră nggồr nggàc trang trại in tai, pơgồp bơnah nàng broă lơh sa geh cồng nha rlau: “Broă lơh sa kal ke, khà pria\ phan lơh gơs bơh suơn sre kung bè ală bơta chi tam tờm tàm tiah do ờ gam jơnhua, den tàng a` sơ nơng là pal lơh sa jat ală gùng dà ndai. Den a` go\ broă tă pria\ nàng lơh đèng mat tơngai hơđang rơkàng hìu là geh cồng nha mờ Chính phủ kung geh ua\ jơnau cih adat boh lam nàng dong kờl, pơn jờng làng bol kung bè mpồl lơh sa kă bro lơh đèng mat tơngai hơđang rơkàng hìu, den tàng a` neh pin dờn tă khà pria\ ua\ ngan nàng lơh. Den a` tă pria\ lơh trang trại đah đơm ne, lài ngan là tam bơ sềt, dơ\ 2 là ròng sur, mờ go\ khà pria\ ngui đèng ờ huan kas den tàng a` lơh đèng mat tơngai, di mờ ơnàng rơkàng hìu, pơgồp bal jơh 2 broă nàng gơ in geh cồng nha lơh sa jơnhua rlau”.

Đèng mat tơngai lơh hơđang rơkàng hìu trang trại Nhật Minh

Đèng mat tơngai lơh hơđang rơkàng hìu ờ mìng dong làng bol, mpồl lơh sa kă bro tềm pềr đèng ngui tàm rài kis, broă lơh sa, mờ gam geh tai pria\ jền tu\ tac đèng jơngkah dà lơgar in. Ală bơta kuơ ngan ngồn tàm rài kis bal mờ broă lơh pơn jờng bè khà pria\ mờ bơnah pria\ bơcri ai tơl kWh đèng lơh hơđang rơkàng hìu lơyah ua\ rlau mờ lài (tu\ do pơgap 12 tơlak đong 1 kWh), neh lơh gơlik bơta ur ar lơh đèng mat tơngai tàm Dak Lak.

Khin cha tă rlau 700 tơlak đong nàng crap đèng mat tơngai hơđang rơkàng hìu, bi Mai Thị Ánh Kiều ơm tàm thị trấn Quảng Phú, kơnhòal Cư Mgar pà git: “Hìu a` dê crap đèng 60 kWp, kờp jơh pria\ tă lơh pơgap 720 tơlak đong. A` crap đèng mat tơngai ờ hềt tus 1 nhai sơl, mờ pah ngai neh lơh gơlik pơgap 300 kWh đèng tơn”.

Nam do, tàm Dak Lak geh lơh tus 1 rbô 500 broă lơh đèng mat tơngai hơđang rơkàng hìu, kờp jơh bơta pràn mờr 100 rbô kWp

Ồng Hà Văn Chương, Phó Kuang atbồ Kong ti ồs đèng Dak Lak pà git, bơh bồ nam tus tu\ do, gùt càr neh geh tai 1 rbô 500 broă lơh đèng mat tơngai lơh hơđang rơkàng hìu, kờp jơh bơta pràn mờr 100 rbô kWp mut bal mờ gùng che ồs đèng dà lơgar, gơguh ua\ rlau 5 dơ\ pơn drờm mờ nam lài. Đèng mat tơngai lơh hơđang rơkàng hìu geh lơh ua\, lơh gùng che đèng tàm 2, 3 tiah gơ wèt ală kơnhòal Buôn Đôn, Ea Sup, Cư Mgar kơn jơ\ ir. Kong ti ồs đèng Dak Lak gam rơcang bơt bơtàu broă rơndap lơh nàng bơcri pria\ lơh niam gùng che đèng tàm càr, drơng jơnau kờ` bơh làng bol dê: “Ală gùng che 22 mờ trạm lơh kòn gùng 35 KV kung bè ală gùng che đèng bơ tơl den kong ti gơtùi jat tàm broă cih mat mhar pria\ tă lơh mờ dan gơnoar Tổng kong ti geh tă pria\ lơh gờ`. Lài ngan là gơtìp kòl tàm tiah Buôn Đôn, den Kong ti ồs đèng Dak Lak neh dan mờ Tổng Kong ti mờ jàu broă rơndap lơh ai lơh niam wơl trạm 35 KV tàm Buôn Đôn, nàng bơsong dùl bơnah tiah kơn jơ\ ir, drơng jơnau kờ` bơh ală cau bơcri pria\ dềt mờ rah rài mờ ală hìu bơnhă tàm tiah hơ\ dê in pơn jat tai crap đèng mat tơngai hơđang rơkàng hìu”.

Mờ bă ù ơnàng mờ geh khà bức xạ mat tơngai ua\, Dak Lak geh ua\ bơta pràn nàng ngui năng lượng kloh niam bơh mat tơngai. Bơdìh mờ ală rơndap broă lơh đèng mat tơngai dờng khà dùl tàm tiah Đông Nam Á gam geh tă pria\ lơh tàm Dak Lak, đèng mat tơngai lơh hơđang rơnàng hìu gam lơh gơlik bơta sền gròi ua\ tă pria\ lơh tàm càr do, pơgồp bơnah tơnguh cồng nha lơh sa làng bol in.

Cau cih Công Bắc – Cau mblàng K’Duẩn