VOV4.K’ho- Tơnơ\ tu\ geh sră nggal bơh UBND càr Dak Lak dê tơn bè broă lam lơh ală gùng dà broă lơh jal mhar, rcang sơn dră kòp Covid-19 jat hơ\, bơh 0 jiơ mang ngai 30/7 ơm ală broă lơh tơrgùm ờ uă ir 20 nă cau, Mpồl đơng lam pơr lòng jơh bơsram kấp pe dà lơgar nam 2020 tàm Dak Lak neh pơrjum mhar mờ dan geh lời bè ờs broă lơh ai 24 nă cau pơr lòng tàm 1 cơl du\ pơrlòng.

Kơnòm bơsram hìu bơsram kấp pe Buôn Ma Thuột lơh jat ală gùng dà broă lơh rcang sơn dră kòp Covid-19

Bơdìh hơ\, broă tàm pà mpồl ală cau pơr lòng jat 4 mpồl:  F0, F1, F2 mờ ală cau pơrlòng ndai jat jơnau pơlam bơh Bộ Gíao dục mờ Đào tạo dê nàng kờ` gàr niam gơnoar kuơ bơh cau bơsram dê kung bè broă rcang sơn dră kòp Covid-19 tàm tơngai tu\ do, Sở Giáo dục mờ Đào tạo càr Dak Lak neh crơng gơs 1 anih pơr lòng rơcang lài tàm tơl kơnhoàl, thị xã, [òn dờng.

Dơ\ pơr lòng jơh bơsram kấp pe nam 2020, càr Dak Lak geh 1 Hội đồng pơr lòng bơh Sở Giáo dục mờ Đào tạo dê đơng lam mờ 32 anih pơr lòng, mờr 820 cơl du\ pơr lòng tàm 15 kơnhoàl, thị xã, [òn dờng. Gùt càr geh mờr 19 rơbô 500 nă cau pơrlòng cih mat dan pơrlòng. Tus tu\ do, tơl broă lơh rcang ai dơ\ pơr lòng sền bal là neh gàr niam tơl ală bơta jat mờ jơnau sồr.

Cau mblàng K’ Hạnh