VOV4.K’ho- Mìng gam 1 poh tai là tus ngai Noel, tu\ do, ală hìu tac phan, siêu thị, hìu tac sră tàm [òn dờng Buôn Ma Thuột, càr Dak Lak gam ràng tac ua\ ngan phan bơka, phan pà gơ hòi gơ jà cau ngui, pơgồp bơnah lơh nùs nhơm ngai Noel sơlơ chờ hờp rlau.

Lòt jat ală gơl gùng gùt dar drà tiah tờm [òn dờng Buôn Ma Thuột bè: Lý Thường Kiệt, Quang Trung, Y Jút, Hai Bà Trưng… ua\ phan bơka drơng ngai Noel in neh geh ràng tac bal mờ tơl dà niam ngan, li la bè bơta phan.

                                                                    Làng bol rơ wah phan bơka Noel

Cau blơi kung gal sơl. Bi Trần Thị Minh Hoa, ơm tàm sơnah [òn Thắng Lợi, [òn dờng Buôn Ma Thuột đơs:

“Hìu bơnhă jat yàng Bàp den tàng pah tu\ tus ngai Noel den a` tus ndo nàng blơi phan bơka nàng lơh niam hìu đam mờ sơlơ tơnguh bơta chờ hờp ngai Noel in. Tờm chi nho mờ rơgồng lu\ là ờ gơtùi ờ geh. Bulah kong gơ rềng bơh kòp Covid-19, lơh sa hìu bơnhă dê kung kal ke rlau, mơya bơka ngai Noel là broă ờ gơtùi ờ geh, dilah kal ke den he gơtùi blơi tờm nho dềt rlau, phan ngui, phan bơka dùl êt rlau. Kơp kờ` Noel nam do geh ua\ bơta niam mờ ram mhu\ tơ nơ\ dùl nam kal ke”.

 Jat ală cau tờm hìu tac phan yal, jơnau kờ` bơkah Noel ngai sơlơ ua\, den tàng bơh bồ nhai 12, ua\ mpồl, mpồl lơh sa kă bro neh sơn đơm blơi ală tờm nho dờng nàng bơka, ai tu\ do den ua\ ngan là làng bol lòt blơi phan bơka tàm hìu bơnhă.

Pơn drờm mờ nam lài, drà kă bro phan Noel nam do geh ua\ bơta phan niam rlau, khà pria\ den ờ tam gơl den tàng [uơn ngan tac. Nàng drơng jơnau kờ` bơh tơl bơta cau blơi phan dê, tu\ do tàm drà kă bro geh ua\ ngan phan bơka, phan pà mờ ua\ bơta khà pria\ krơi is, bơh ală phan bơna mìng 2, 3 rbô đong bè plai châu, gar 5 bơta dà màu, bơkàu piar, che bơka kim tuyến tus ală bơta tờm chi nho, rùp yàng Mè geh khà pria\ tac tus 2, 3 tơlak đong…

Mò Lê Thị Thu Na, cau tờm dùl hìu tac phan bơka Noel tàm [òn dờng Buôn Ma Thuột pà git: “Nam do a` go\ cau tus blơi ală phan bơka tàm hìu bơnhă ua\ rlau. Kung bè pah nam, phan pơn rơ ngan kung gam là cau piar, ồng Noel, phan nhơl jeh mờ đềs, tờm nho mờ sơ gơn mã. Tu\ do, ală tờm nho dềt geh khà pria\ bơh 80 tus 200 rbô đông tàm dùl tờm, tờm nho dờng dimơ geh khà pria\ bơh 500 tus 700 rbô đong tàm dùl tờm, sơ gơn mã geh khà pria\ bơh 130 tus 250 rbô đong. Bơdìh hơ\ tai, sră cih jơnau nting bơr gờm chờ Noel kung là phan geh ua\ cau lùp blơi, khà pria\ bơh 10 tus 50 rbô đong”.

Tàm 2, 3 tiah tờm, siêu thị.. ală tờm nho Noel kung geh bơka niam ngan, gơ gơs là anih nhơl `o\ tàm mang Noel

Nam do, tài gơ rềng bơh kòp Covid-19, ua\ cau tàm [òn dờng Buôn Ma Thuột càr Dak Lak pà git geh lời ua\ tu\ tơngai wă rò Noel tàm hìu bơnhă. Kung bè hơ\ den tàng bơta duh hồ bơh drà kă bro, bơta chờ hờp blơi phan, bơka hìu đam neh ai tơnggo\ bơta kơp kờ` bè dùl kàl Noel lơngap lơngai, gơboh gơbài, chờ hờp bơh làng bol dê.

Cau mblàng K’Duẩn