VOV4.K’ho – Sở Giáo dục mờ Đào tạo càr Dak Lak pa geh sră nggal sồr ală hìu bơsram sơlơ tơnguh broă lơh gàr niam ờ do ờ dă hìu bơsram, rơcang sơndră kòp bơ tờp kàl rlô bơkang mờ rơcang sơndră rềs àr, sồt să ai kơnòm bơsram in. Jat hơ\, Sở sồr ală hìu bơsram rơcang lài pơgồp bal mờ mpồl atbồ tiah ơm kis tiah drà lòt sền, kờp sền jơh khà tờm chi tàm [làng anih lơh broă, hìu bơsram digơlan lơh gơbàn ngòt rơ ngơt, pă gơpừ nàng koh, klah mờ kơt kơ\ ală tờm chi pa tam, rơcang lài bơt bơtàu broă rơndap lơh rơcang sơndră bơta tờm chi pă, gơ pừ tàm kàl mìu, dà ko\ dà cò nàng kờ` gàr niam ờ do ờ să tus mờ kuang bàng, cau pơgru, cau lơh broă tàm hìu bơsram mờ kơnòm bơsram, cau bơsram dờng.

Sở kung sồr ală mpồl lơh broă Đoàn, Hội, Đội tàm hìu bơsram sơlơ tơnguh broă mblàng yal tus mờ kơ nòm bơsram, cau bơsram dờng bè ală broă lơh gàr niam ờ do ờ dă tàm kàl mìu dà ko\ dà cò nàng ală oh in git tơl làm ală bơta ngòt rơ ngơt nàng rơcang sơndră mờ pleh.

Cau mblàng K’Duẩn