VOV4.K’ho- Dak Lak neh mut tàm tơngai trồ tơngai duh uă ngan, jơnau kờñ ngui đèng gơguh uă. Nàng gàr niam khà đèng ờdo ờdă mờ kơ̆ kơl jap, ngan là drơng broă  bồm dà sơn dră wơl mờ mờ trồ prang dờng soăt dà ai gĭt nđờ rơhiang rơbô lồ kơphê, tiêu in, Gah lơh Ồs đèng Dak Lak neh rcang lài lam lơh uă gùng dà broă lơh ai đèng tàm kàl prang do in.

Tŭ do, bơta ngui đèng tàm Dak Lak neh gơguh pơgap 7% pơn ndrờm dùl tŭ bal mờ nam lài. Nàng gàr niam broă ai đèng, PC Dak Lak neh ngui geh cồng nha ală măy SCADA lơh broă lơh bơh tàm tiah ngài, sơr băc mhar lơh sir tàm tơrbŏ bal gùng che ồs đèng pa; kờp crăp ală măy biến áp ai tơl tiah tờm in.... Gah lơh ồs đèng kung lơh ngan lòt sền ală gùng che ồs đèng, pơgồp bal niam mờ gơnoar atbồ ală tiah dê tàm broă sền gàr ờ do ờ dă gùng che ồs đèng cao áp. Công ty ồs đèng Dak Lak sồr jơh 15 mpồl lơh broă gơ wèt gah lơh ồs đèng geh ală gùng dà broă lơh tàm pà ring bal gùng che đèng ngui ing di tŭ mờ rcang lài ală măy biến áp rcang lài nàng gàr niam broă ai đèng ờdo ờdă, geh sùm ai ală năc in tàm gùt tiah do dê.

Cau mblàng K’ Hạnh