VOV4.K’ho – Drim ngai 29/7, kuang đơng lam bồ càr Dak Lak pà git, càr pa geh dùl nă cau bơ tờp kòp Covid-19. Cau kòp là H.T.Y.N, deh nam 1999, ơm tàm thôn 2, xã Ea Tiêu, kơnhòal Cư Kui`, là cau bơsram dờng hìu bơsram Đại học Đông Á, Đà Nẵng. Jat jơnau yal gah lơh sơnơm in, H.T.Y.N lòt pơlam tàp lơh broă ngan ngồn tàm hìu sơnơm dờng Đà Nẵng bơh ngai 22/6 tus ngai 17/7.

Ngai 20/7, cau kòp geh tềl tơnggo\ duh să, tơ nơ\ hơ\ geh hùc sơnơm duh să mờ neh bời. 7 jơ mang ngai 26/7, cau kòp lòt bơh Đà Nẵng rê hờ Dak Lak mờ rơndeh nac. Rê tus [làng rơndeh đah tô Buôn Ma Thuột, cau kòp hòi rơndeh Grab mut tàm hìu sơnơm Thiện Hạnh nàng yal gah lơh sơnơm in. Hìu sơnơm Thiện Hạnh neh jun cau kòp tus hìu sơnơm dờng tiah Tây Nguyên. Ngai 28/7, Tiah tờm sền gròi kòp tê jê să càr Dak Lak neh ai mẫu pơyua Viện Vệ sinh dịch tễ Tây Nguyên in. Cồng nha xét nghiệm bơ tờp mờ virus SARS-CoV2. Tu\ do cau kòp gam sơm tàm Khoa kòp bơ tờp, hìu sơnơm dờng tiah Tây Nguyên.

Cau mblàng K’Duẩn