VOV4.K’ho  - Ală mpồl lơh broă mờng chài Kuang àng kơnhòal M’Drak, càr Dak Lak pa git go\ dùl khà dơm chi kơl mus ờm ua\ ngan geh tơrgùm tàm tiah rềp nhàr đah 2 kơnhòal Ea Kar mờ M’Drak. 

Lài hơ\, lam lơh kơ nòl lòt sền, sền gàr lơngap lơngai tàm kấp hơ đơm, mpồl lơh broă kấp hơ đơm kuang àng kơnhòal M’Drak pơgồp bal mờ Kuang àng xã Cư San bơyai lơh lòt sền tàm thôn 11, xã Cư San, rềp nhàr mờ xã Cư Yang, kơnhòal Ea Kar den git go\ dùl [làng tơrgùm dơm chi tìs mờ adat boh lam mờ khà ua\ ngan, geh tus 35 hộp dơm chi lơm pòng ơnàng bơh 30 tus 50 phơng, jòng bơh 3 tus 5 thơk, ờ git loh là bơta dơm chi lơi.

Jơh khà dơm chi do ờ geh cau lơi dờp kơ nòl là cau tờm. Dùl nă kuang bàng lơh kơ nòl broă lòt sền pà git, do digơlan là [làng tơrgùm dơm chi kơl mus ờm bơh mpồl bol blơ\ pa tơrgùm geh, rơcang pơndiang lik hờ bơdìh nàng tac. Tơ nơ\ hơ\, Kuang àng kơnhòal M’Drak neh lơh sră, jun jơh khà dơm chi kup bàn lik bơh [làng tơrgùm nàng drơng broă lùp khàu, đal git mờ lơh glài jat jơnau cih bơh adat boh lam.

Cau mblàng K’Duẩn