VOV4.K’ho-Dăk Lăk geh bă ù geh is ơnàng rlau 13 rbô kơi sồ vuông, bal mờ pơgăp 1 tơlak 900 rbô nă làng bol gam ơm kis. Là càr tiah kơh bơnơm bal mờ ù tiah dờng ơning ơnàng ngan, làng bol ơm kis rơha, bơh 10 nam lơh jăt Broă lơh Jơnau kờ` dà lơgar dê bè bơ\t bơtàu [òn lơgar pa, lơh sa- mpồl bơtiàn bơh càr Dăk Lăk dê neh geh uă tam gơl pa. Kuơmàng, ală gùng lòt [òn lơgar geh sền gròi bơcri priă ờ mìng ai tơl bơta niam ai broă lòt rê, pơndiang kă bro phan lơh geh bơh sươn sre mờ gam là “bơta dong kờl” lơh tam gơl muh mat [òn lơgar bơh càr dê.

Gơl gùng tàm tơrbo\ bal [òn Yông mờ tiah tờm xã Ea Drơng tàm kơnhoàl Cư Mgar, càr Dăk Lăk, jòng rlau 3 kơi sồ, geh dă bê tông ring niam ngan. Bàr gah gùng, làng bol tam uă ngan bơtàu, chi nhơl lơh geh ù tiah [òn lơgar sền bơkah mat ngan. Mò H’Blong Mlô ơm tàm [òn Yông pà gi\t, 2 nam lài, geh dà lơgar dong kờl sơmang, bràs, lu\, làng bol tă pơgồp ngai lơh broă nàng lơh gùng bê tông, broă lòt rê [ươn ngan, [òn tam gơl loh làng.

Mò H’Blong Mlô, đơs: Lài do, ờ hềt geh gùng, làng bol tàm [òn Yông lòt rê bòl glar ngan, ngan là tàm nhai mìu bo\ bil lơm bè lơm ờ gơtùi lòt, priă tăc ală bơta phan lơh geh bơh sươn sre dùl êt lơm, hìu r[ah tàm [òn uă. Bơh dì tu\ gùng geh lơh gơs den broă lòt rê [ươn ngan, làng bol bol a` lơh ngan pơđơl pràn lơh sa nàng lik klàs bơh rài kis jơgloh r[ah, bơh hơ\ priă lơh geh bơh làng bol dê gơguh tai, bal mờ gơ\p bơ\t bơtàu rài kis niam bơne\, bơ\t bơtàu [òn lơgar tam gơl pa.

Gùng bê tông [òn lơgar pa [òn Yông, xã Ea Drơng, kơnhoàl Cư Mgar

Ồng Nguyễn Xuân Diện, Chủ tịch Ủy ban Nhân dân xã Ea Drơng, kơnhoàl Cư Mgar pà gi\t, xã sền broă bơ\t bơtàu [òn lơgar pa dong lơh bơtàu tơnguh lơh sa- mpồl bơtiàn den broă lài ngan pal lơh niam wơl jơh ală gùng lòt. Bal mờ bơta lơh ngan bơh gơnoar atbồ bal mờ làng bol dê, tơnơ\ mờr 10 nam lơh jăt broă lơh [òn lơgar pa, tus tu\ do, 98% gùng lòt tàm [òn, tàm thôn neh geh lơh mờ bê tông lơm. Gùng lòt bơh xã dê neh gơtùi lòt rê niam mờ ală tiah rềp bal. Lơh sa kă bro niam, rài kis làng bol dê ngai sơlơ geh bơtàu tơnguh tai.

Ồng Nguyễn Xuân Diện, Chủ tịch Ủy ban Nhân dân xã Ea Drơng, đơs: Pơndrờm mờ lài mờ nam 2015, broă lòt rê bơh làng bol dê tàm xã kal ke ngan, mơya tus tu\ do, jơh ală gùng lòt tờm bơh thôn, [òn dê mờ gùng lòt bơh xã tus ală thôn, [òn neh geh dă jơh mờ bê tông mờ dă cài jơh. Tu\ bơtàu tơnguh ală gùng lòt den muh mat [òn lơgar geh tam gơl loh làng ngan. Nam 2016, khà hìu r[ah là 9%, mơya tu\ do gam geh 4% lơm.

Jăt ồng Phạm Quang Mười, Kuang atbồ Phòng Nông nghiệp mờ Phát triển Nông thôn kơnhoàl Cư Mgar dê yal, tơngai lài, srơh jơh gùt làng bol tus bal pà ù, tă pơgồp priă jền, ngai lơh broă nàng lơh gùng lòt tàm [òn tàm kơnhoàl geh lơh duh hồl ngan. Bal mờ priă dong kờl bơh Dà lơgar dê, gi\t nđờ rhiang nơm gùng lòt tàm ală thôn, ală [òn geh lơh. Tu\ do, jơh ală xã neh lơh geh broă bè gùng lòt tàm bơ\t bơtàu [òn lơgar pa. Kơnhoàl Cư Mgar lơh ngan tus lồi nam 2020 geh lơh jơh ală broă [òn lơgar pa.

Ồng Phạm Quang Mười, Kuang atbồ Phòng Nông nghiệp mờ Phát triển Nông thôn kơnhoàl Cư Mgar, đơs: Bơh 10 nam bơ\t bơtàu, Mpồl đơng lam [òn lơgar pa bơh kơnhoàl dê kung sền broă bơ\t bơtàu broă sồ 2 là bơta sac rwah lài ngan khà dùl nàng lơh. Tơnơ\ mờ tu\ geh broă dong kờl bơh Chính phủ dê, priă ai càn bơh Ủy ban Nhân dân kơnhoàl dê mơkung hòi jà bal bơta tă pơgồp bơh làng bpl dê den ală gơl gùng lòt tờm tàm ală thôn, [òn, gùng lòt tus tàm sươn, sre neh geh lơh mờ bê tông lơm, ai tơl bơta [ươn ai làng bol in lòt rê bơtàu tơnguh lơh sa. Muh mat [òn lơgar tam gơl loh làng ngan.

Gùng lòt niam lơh geh bơnàng jă ai bơtàu tơnguh lơh sa- mpồl bơtiàn tiah [òn lơgar càr Dăk Lăk in

Jat tơrgùm kờp bơh Văn phòng đơng pơlam bơ\t bơtàu [òn lơgar pa càr Dăk Lăk dê, tus tu\ do, neh geh 63 tàm 152 xã neh lơh geh broă sồ 2 bè gùng lòt [òn lơgar. Bè, jơh gùt càr neh lơh geh 16 rbô 730 kơi sồ gùng bê tông [òn lơgar, 433 nơm rbàng làng bol lòt rê. Kờp jơh priă hòi jà tă pơgồp nàng lơh broă sồ 2 là 6.130 tơmàn; tàm hơ\, priă dà lơgar là 366 tơmàn, kes priă càr là 4.127 tơmàn, hòi jà làng bol tă pơgồp geh pơgăp 1.636 tơmàn.

Ồng Dương Tín Đức, Phó kuang atbồ Văn phòng đơng pơlam bơ\t bơtàu [òn lơgar pa càr Dăk Lăk dê pà gi\t, priă bơcri lơh broă sồ 2 tàm Dăk Lăk sùm jơnhoa rlau 2 dơ\ tus 3 dơ\ pơndrờm mờ ală tiah ndai tàm gùt lơgar. Mơya, mờ bơta lơh bal bơh jơh ală anih lơh broă chính trị dê, bơta tàm sơm băt tê bal tă pơgồp bal bơh làng bol dê, broă lơh jơnau kờ` dà lơgar bè bơ\t bơtàu [òn lơgar pa neh lơh geh ală cồng nha niam ngan. Tu\ gùng lòt [òn lơgar geh lơh niam ngan, lơh sa- mpồl bơtiàn kung bơtàu tơnguh jăt bal, rài kis làng bol dê geh tam gơl loh làng.

Ồng Dương Tín Đức, Phó kuang atbồ Văn phòng đơng pơlam bơ\t bơtàu [òn lơgar pa càr Dăk Lăk dê pà gi\t:Tu\ do broă lơh broă sồ 2 dilah jat tu\ tơngai den neh lơh geh broă rơndăp lơh jơnau kờ` càr dê sồr. Càr Dăk Lăk sền broă gùng lòt là broă ai lài khà dùl tàm bơ\t bơtàu [òn lơgar pa, bol a` pơn jăt tai cribơyai Hội đồng Nhân dân càr. Gơ wèt mờ ală xã, thôn, [òn, tiah sar lơgar ngài den broă dong kờl dà lơgar dê kung gam là ai lài là dong kờl 100% nàng ală xã r[ah, xã 135 kung gam lơh geh sơl jơnau kờ` ai broă sồ 2 in jăt jơnau kờ` bơh càr dê.

Tus tu\ do, làng bol Dăk Lăk neh tơrgùm bal pràn lơh mờr 17 rbô kơi sồ gùng lòt ală thôn, [òn

Bơta geh ngan pà go\, broă lơh gơs ală gùng lòt [òn lơgar neh lơh geh bơnàng jă bơtàu tơnguh pràn kơldang, lơh tam gơl muh măt jơh ală ù tiah kal ke tàm Dăk Lăk. Jơnau đơs “gùng lòt tus tiah lơi- làng bol pas tus tiah hơ\” neh geh Dăk Lăk tơngo\ bơh ală tam gơl tàm làm gùt ală kơnhoàl ù tiah [òn lơgar pa.

Cau mblàng Lơ Mu K’Yến