VOV4.K’ho - Tơngai do, g^t rơbô dơ\ sào ờ sa priă bơkah, piang duh geh jun tus ală mpồl [òn gơtìp tam cah is tàm sơnah [òn Tân Lập mờ tus tềng tê ală cau kal ke tàm [òn dờng Buôn Ma Thuột, càr Dak Lak in.

Ală dơ\ sào geh mpồl “Hìu tru\ piang mpồl bơtiàn” sơnah [òn Thống Nhất ([òn dờng Buôn Ma Thuột) tru\ neh pơgồp bal tàm broă tam pà ală kal ke mờ ală cau rơ[ah gơtìp aniai bơh kòp Covid-19, mờ là broă lam sồr gơwèt mờ ală cau lơh broă nùs nhơm dong kờl gam lơh jăt kơnòl tàm ală anih sền gròi kòp.

                        Hìu tru\ piang mpồl bơtiàn dong kờl piang sào ai ală anih sền gròi kòp kòp gơtòp in

Dờp piang sào bơh mpồl lơh broă nùs nhơm dong kờl jun tus hờ hìu, mò Nguyễn Thị Được, 80 sơnam, kis tàm tổ dân phố 1, sơnah [òn Thống Nhất, [òn dờng Buôn Ma Thuột ngoh rơngăc đơs, ală piang sào neh dong kờl 3 nă mò mờ sao tơmù kal ke tàm broă jòi geh piang sào pah tu\ tàm ngai tam cah is mpồl bơtiàn do.

-Rài kis kal ke, bơklao chơ\t neh 10 nam. A` ròng is 4 nă sao lòt bơsram sră, dùl nă bơsram jơh ơdu\ 12 neh bao, dùl nă bơsram jơh ơdu\ 7 den lòt lơh broă, tu\ do mìng gam 1 nă bơsram ơdu\ 6 mờ 1 nă ơdu\ 1.

Bè ờs pah ngai a` lòt tăc kit trồ, plai pơ-ồs, plai pơ-ò chồl mờ rơndeh lòt tàm gùng bơh 8 tus 9 jơ mang hơ\ sồng rê. Tàm kàl gơtìp kòp Covid do a` ơm, neh ơm kung mờr 20 ngai.

Piang do a` geh sơnah [òn pà pah ngai, cau cèng piang tus tềng hìu, tàm 11 jơ pah ngai là cau cèng piang tus, phan sa kung bơkah ngan. Kàl kòp gơtòp do kung ưn ngài sơnah [òn uă ngan tài neh ai a` in geh piang sào, kung ờ hoan kal ke.

Kung kal ke bè mò Được dê sơl, lo\ Hồ Thị Mỹ Lệ, kis tàm khối 6, sơnah [òn Tân Tiến geh dờp 3 pò piang ai ùr bơklao lo\ bal mờ kòn ùr in. Lo\ Lệ pà g^t, ală pò piang gam duh geh jun tus tềng hìu lơh lo\ chờ mờ ram nùs ngan, bu\ lah gam tàm tơngai kal ke tài gơtìp bơh kòp gơtòp.

-Bàr nă ùr bơklao ndrờm koe\t kơl te, bơklao den gơtìp koe\t kơl te tềng jơng mờ a` den gơtìp jơngo măt, bè ờs den tui pơnơs cèng tăc jăt gùng tàm [òn dờng.

Kàl kòp gơtòp do den broă kă bro kung kal ke, mơya dờp geh broă dong kờl bơh ală oh mi lơh broă nùs nhơm dong kờl den a` chờ ngan, geh ală oh mi cèng piang tus, a` ưn ngài ală oh mi neh cèng tus ală dơ\ sào di tàm tu\ kòp gơtòp bè do.

Ală pò piang geh di pơgăp 25 rơbô đong, mờ geh tơl poăc, ka, biăp sa, plai chi geh ală cau tàm mpồl lơh broă nùs nhơm dong kờl “Hìu tru\ piang mpồl bơtiàn” sơnah [òn Thống Nhất tru\ is mờ cèng tus pà ală cau rơ[ah gơtìp kal ke in geh lơh bơh ngai 05 nhai 8 tus tu\ do.

                               Cau tàm mpồl hìu tru\ piang mpồl bơtiàn jun piang tus tơl hìu cau rơ[ah in

Mò Ngô Thị Đoan Trang, Chủ tịch mpồl tam klăc cau ùr sơnah [òn Thống Nhất, là cau tàm mpồl hìu tru\ piang mpồl bơtiàn pà g^t, hìu tru\ piang neh lơh broă bơh nhai 06 nam 2015 nàng drơng ală dơ\ sào sa geh khà priă ờ kas ai cau rơ[ah in.

Ală cau tàm mpồl hìu tru\ piang mpồl bơtiàn mìng là kuang bàng, cau lơh broă gam lơh broă tàm UBND sơnah [òn Thống Nhất mờ ală cau lơh broă nùs nhơm dong kờl gơwèt ală mpồl lơh broă, tổ dân phố gùt dar hìu lơh broă.

Tu\ kòp Covid-19 gơtòp wơl mờ gơbàn tus mờ cau tàm [òn dờng Buôn Ma Thuột, bal mờ broă chồl pràn broă lam sồr rơcang sơndră mờ kòp gơtòp, mpồl tru\ piang mpồl bơtiàn neh lơh jăt uă broă lơh nàng tă geh kes priă dong kờl rơcang sơndră mờ kòp gơtòp mờ dong kờl ală mpồl lơh broă tàm tiah lài ngan in.

-Kờ` tus bal rơcang sơndră mờ kòp gơtòp den hìu tru\ piang kung neh dan mờ mpồl đơng lam rơcang sơndră mờ kòp [òn dờng dong kờl dơ\ sào ngai ai ală anih sền gròi kòp in den neh tru\ bơh ngai 06 nhai 8 tus tu\ do nàng drơng ală oh mi lơh kơnòl tàm tiah lơh broă lài ngan rơcang sơndră mờ kòp.

Mờ sơnah [òn kung geh ală dơ\ dong kơl piang sào ai ală hìu rơ[ah tàm [òn dờng in. Tàm kàl kòp gơtòp do den dùl ngai tru\ geh 100 pò piang, mìng is ngai dơ\ 7 tru\ tus 150 pò piang nàng dong kờl ală cau kal ke, cau tăc vé số in.

Mờ mờr 20 nă cau tàm mpồl tòm mờ uă cau lơh broă nùs nhơm dong kờl, tàm hơ\, geh uă ngan cau là kuang bàng, cau lơh broă den tàng kờ` geh piang sào pah ngai, tơngai do, ală cau tàm mpồl neh tam pà is broă lơh nàng lơh jăt broă lơh do.

Pah drim geh dùl mpồl tus rào phan mờ tru\ piang, klơm phan sa mờ tam pà nàng cèng tus ală anih geh dờp in. Mìng is ală ngai lồi poh, ală cau tàm mpồl geh tơrgùm tru\ tai uă piang rơlao mờ tam pà nàng jun tus tơl ală hìu rơ[ah, hìu cau kra ờ geh cau ròng siam, cau koe\t kơl te in.

Bu\ lah neh rơlao 70 sơnam, ồng Trương Quốc Trình, Chủ tịch Hội Chữ thập đỏ sơnah [òn Thống Nhất kung gam `hăp `har ngan tàm broă tru\ piang mờ là cau tòm mpồl tru\ piang mpồl bơtiàn bơh tu\ geh crơng gơs tus tu\ do pà g^t:

-Dơ\ gơtìp kòp Covid-19 do den mìng drơng piang sào tus tàm ală tiah sền gròi, drơng sùm pah ngai mờr 100 pò piang ai ală anih sền gròi hơ\ in. Den tàng, tàm bơta he geh den lơh, bu\ lah là cau dờng sơnam mơya a` kung gam lơh ngan nàng dong kờl ală cau do in, jơh 2 nă ùr bơklao a` ndrờm tus bal sùm.

Mờ bơta kuơ mpồl bơtiàn tus bal, bơh tu\ geh crơng gơs tus tu\ do, hìu tru\ piang mpồl neh dờp geh broă pơgồp bal, dong kờl bal uă mpồl lơh broă, cau dùl s\nă să tus bal. Kuơ màng, tàm dơ\ kòp gơtòp do, uă cau geh nùs nhơm niam neh rơcang tus bal nàng dong kờl phan sa mờ phe nàng hìu tru\ sa lơh broă.

Di gơlan hìu tru\ piang geh pơn jăt tai dong kờl dơ\ sào ai ală anih sền gròi bal mờ cau rơ[ah in tus tàm tu\ jơh dơ\ tam cah is mpồl bơtiàn, tơnơ\ mờ hơ\ geh lơh broă wơl mờ pơn jăt tai lơh broă nàng drơng ală dơ\ sào ngai ờ kas priă ai cau lơh broă rơ[ah neh geh lơh bơh lài mờ hơ\ in.

Cau cih H’ Xíu-Cau mblàng Ndong Brawl