VOV4.K’ho- Ủy ban tĕ khà càr Dak Lak pa bơyai lơh jàu mat 14 sră nggal cau geh yal tơnggit tơlik mat tĕ khà Kuang bàng Quốc hội khoá 15 mờ 141 sră nggal cau geh yal tơnggit tơlik mat tĕ khà kuang bàng Hội đồng Nhân dân càr khoá 10, tàm hơ̆ geh 1 nă cau tơlik mat tĕ khà is Kuang bàng Hội đồng Nhân dân càr. Tàm dơ̆ tĕ khà do, tàm càr Dak Lak geh 3 mpồl tĕ khà Kuang bàng Quốc hội khoá 15 mờ khà kuang bàng Quốc hội geh pồ là 9 nă. Tàm hơ̆, 5 nă kuang bàng lơh broă mờ ơm kis tàm càr, 4 nă kuang bàng bơh dà lơgar yal tơnggit.

Kờp jơh khà kuang bàng Hội đồng Nhân dân càr Dak Lak tơngai lơh broă bơh nam 2021 tus nam 2026 geh pồ là 75 nă kuang bàng mờ 20 mpồl tĕ khà; ring bal tam pà ală anih lơh broă, mpồl khối càr in 44 nă kuang bàng mờ khối kơnhoàl, thị xã 31 nă kuang bàng. Tơnơ̆ tŭ dờp mat geh jàu, Ủy ban Mặt trận dà lơgar Việt Nam càr geh yal Pơrjum cribơyai dơ̆ 2 in tàm ngai 18/3/2021 nàng ring bal cih mat ing cau tơlik mat tĕ khà Kuang bàng Quốc hội mờ Kuang bàng Hội đồng Nhân dân càr.

Cau mblàng K’Duẩn