VOV4.K’ho – Trồ prang soăt dà gam gơbàn uă ngan tàm ală ]àr tàm Tây Nguyên, mờ khà hoàc hươr neh gơguh tus gi\t nđờ rbô tơmàn priă. Kàl prang den soăt dà, hơ\ là jơnau nam lơi kung gơlik geh tàm Tây Nguyên, mơya hoàc hươr gơguh uă tai dùl bơnah là tài bơh ală jơnau ờ r]ang lài. Làng bol lơh sa sơrlèt rlau mờ broă rơndăp lơh, tàm tu\ broă atbồ lam ngui ală bơtơ\t tơnau dơng dà den ờ niam. Bơta geh ngan do geh mpờl go\ loh làng ngan tàm Ea H’leo, là tiah tam uă ngan kơphê, kung là tiah gam gơtìp trồ prang soăt dà lơh aniai uă ngan bơh ]àr Dak Lak dê. Kơnhoàl Ea H’leo geh 40 bơtơ\t dơng dà di mơ mờ dềt, tàm hơ\ geh 3 bơtơ\t dơng dà mờ 37 tơnau dơng dà, mờ 10 nơm rbòng dà nàng ai dà jun tus tàm sươn sre. Ală bơtơ\t rbòng dà do ndrờm bơh Anih duh broă làng bol ntum atbồ. Mờ pràn jak ờ geh, mờ ờ geh kơnòl tai tàm broă atbồ sền gàr, den tàng broă atbồ tàm ală bơtơ\t rbòng dà do ndrờm ờ krà` ]ê dùl e\t lơi. Jơnau do lơh tus ală bơtơ\t rbòng dà mhar ngan gơtìp ờ niam. Ală tơnau dơng dà Ea Trang tàm ntum Ea Nam, Phù Mỹ tàm ntum }ư\ Mốt, tơnau dà A6 tàm ntum Ea Wy ờ tơl pràn dơng dà jăt broă rơndăp lơh den tàng pa mu\t tàm kàl prang là dà soăt jơh tơn. Ồng Võ Văn Tập kuang atbồ Anih duh broă làng bol kơnhoàl Ea H’leo đơs: “Anih duh broă làng bol kơnhoàl geh kơnòl là pal lơh niam wơl ală tơnau dơng dà gam kờ` ngan, ală bơtơ\t tơnau dơng dà gơtìp soăt dà, halà ờ diơng, nàng bal mờ Mpồl lơh sa kă bro lơh bơtơ\t rbòng dà Dak Lak geh jơnau đơs bal, dan mờ ]àr, kung bè dà lơgar, nàng geh bơta sền gròi lơh niam wơl tàm tơngai tus, kung bè tiah lơi kờ` pal lơh niam wơl”.

Tơnau dơng dà A6 tàm ntum Ea Wy

Tơnau dơng dà A6 tàm ntum Ea Wy

                 }au mblàng Lơ Mu K’ Yến