VOV4.K’ho- Tus tu\ do, Đảng bộ gơ wèt Tỉnh ủy Dăk Lăk neh bơyai lơh geh cồng nha pơrjum dờng cau ala măt, tơngai lơh broă bơh nam 2020- 2025. Mờ bơta lơh ngan jơh nùs tam gơl pa, tơrgùm, geh kơnòl, ală pơrjum dờng geh lơh tàm nùs nhơm dùl nùs bal, song dơ pă, loh làng, lơh jăt tơl ală tơngume jăt jơnau cih tàm Chỉ thị sồ 35 bơh Bộ Chính trị dê. Broă bơyai lơh geh cồng nha Pơrjum dờng Đảng bộ kấp rlau kấp hơđơm là bơnàng jă kuơmàng pơgồp bơnah tàm cồng nha lơh geh bơh Pơrjum dờng cau ala măt Đảng bộ càr Dăk Lăk dơ\ 17, tơngai lơh broă bơh nam 2020- 2025.

Tỉnh ủy Dăk Lăk geh 20 Đảng bộ gơ wèt bal, tàm hơ\ geh 15 đảng bộ kơnhoàl, thị xã, [òn dờng mờ 5 đảng bộ gơ wèt bal là Đảng bộ Gah ală anih lơh broă mờ mpồl lơh sa kă bro càr, Đảng bộ Ling klàng càr, Đảng bộ Kuang àng càr, Đảng bộ Mpồl ling sền gàr tiah nhàr lơgar mờ Đảng bộ hìu bơsram Đại học Tây Nguyên. Tus ngai 28/8, ală đảng bộ neh jơh bơyai lơh pơrjum dờng cau ala măt, tơngai lơh broă bơh nam 2020- 2025, jăt di jơnau cih tàm Chỉ thị sồ 35 bơh Bộ Chính trị dê.

Jăt Chỉ thị sồ 35 bơh Bộ Chính trị dê, tàm pơrjum dờng cau ala măt Đảng bộ kấp dờng rlau kấp hơđơm geh bơyai lơh geh tai dùl bơta pa pơndrờm mờ ală tơngai lơh broă lài. Hơ\ là pơrjum dờng geh lơh mờ ring bal broă lơh broă lơh jăt Kơrnoat tơngai lơh broă bơh nam 2020- 2025. Bơta tam gơl pa do dong ai ală gùng dà, broă lơh geh tơlik tàm pơrjum dờng gơtùi gờ` mu\t ngui ngan ngồn tàm rài kis. Broă lơh broă lơh broă tơn tàm pơrjum dờng ală Đảng bộ kấp rlau kấp hơđơm lơh jăt dùl ròt bal mờ lơh niam. Bơta tam gơl pa do geh ală cau ala măt đơs niam ngan.

Ală cau ala măt lòt pơrjum dờng cau ala măt Đảng bộ kơnhoàl Krông Pach, càr Dăk Lăk pờ tê ring bal ală broă jàu tàm kơrnoat tơngai lơh broă bơh nam 2020- 2025

Ồng Huỳnh Chiến Thắng, Bí thư Huyện ủy Krông Buk, càr Dăk Lăk đơs bè do: Dùl bơta pa kuơmàng ngan là broă lơh broă lơh broă lơh jăt kơrnoat bơh pơrjum dờng dơ\ do dê. Broă lơh bơh ală Đảng bộ dê đơs bal mờ Đảng bộ kơnhoàl Krông Buk dê neh geh lơh niam ngan, nền cê ngan. Tàm pơrjum dờng pơn jăt tai lam ală mpồl cribơyai mờ geh uă ngan jơnau đơs tă pơgồp nàng kờ` lơh loh làng ală broă lơh broă, ală tơngume tờm nàng kờ` là tơnơ\ pơrjum dờng ban chấp hành khoá pa tơn den gơtùi lam ai ală jơnau kờ`, jơnau sồr, kơnòl broă, broă jàu bơh kơrnoat dê mu\t tàm ală tu\ lơh jăt dipal mờ jơnau sồr bơta geh ngan bơh tiah he dê.

Bơh bơta tam gơl pa do, Đảng bộ ală kấp neh geh uă broă lơh loh làng, jak chài. Sră nggal pơrjum dờng geh ală kấp ủy lơh jăt niam ngan, cribơyai uă dơ\, ai jơnau đơs làm uă. Bơh hơ\, ngui niam bồ tơngoh jak bơh gal ngan kuang bàng, đảng viên, ală rơnàng làng bol dê. Ală jơnau đơs tă pơgồp cribơyai lơyah, jrô ngan, di broă, pơgồp bơnah tơnguh uă bơta niam sră nggal pơrjum dờng. Jơnau yal chính trị bơh ală Đảng bộ dê neh đơs loh tơngume mờ gùng dà lơh broă, tơngo\ bơta lơh ngan jơh nùs bơh đảng bộ dê. Broă lơh broă đơs loh ală pơlam gùng dà dờng, đơs loh kơnòl bơh kuang bàng, đảng viên mờ làng bol dê nàng lơh jăt jăt tu\ tơngai mờ geh ală broă lơh loh làng ai tơngai lơh broă tus in. Là anih tờm tiah Tây Nguyên dê jăt jơnau đơs pơndu\t sồ 67 bơh Bộ Chính trị dê, Đảng bộ [òn dờng Buôn Ma Thuột neh lam lài tàm tam gơl pa bơ\t bơtàu sră nggal pơrjum dờng.

Ồng Từ Thái Giang, Bí thư Thành ủy [òn dờng Buôn Ma Thuột, pà gi\t: Jơnau yal chính trị bơh [òn dờng dê neh lơh loh làng gơ gơs ală mpồl kơnòl broă jơnau kờ` loh làng. Bơdìh mờ ală kơnòl broă bè gàr niam lơngăp lơngai, chính trị, sền gàr dà lơgar, bơ\t bơtàu Đảng, bơ\t bơtàu ală anih lơh broă chính trị den kơnòl broă bơtàu tơnguh lơh sa kung gam sơl là kơnòl tờm, kuơmàng, khà dùl. Kuơmàng pal kờp sền ală kơnòl broă [òn dờng gam lam lơh sền ờ tơl anih lơi, ờ pràn tàm anih lơi nàng bơh hơ\ tam gơl gùng dà kơnòl broă gơ in dipal mờ bơta pa.

Bal mờ tam gơl pa tàm bơ\t bơtàu sră nggal, dùl tàm ală cồng nha dờng ngan rlau jơh bơh pơrjum dờng kấp dờng rlau kấp hơđơm dê tàm Dăk Lăk là broă lơh kuang bàng geh rcăng lài niam ngan, kơ\ kơl jăp ngan, song niam, dipal; lơh jăt di broă rơndăp tăp sèng, bơta pal jăt tơrgùm bal dùl nùs bal lơh geh bơta ring bal uă. Broă lơh pồ kấp ủy mờ ală gơnoar broă tàm đảng bộ geh lơh kơ\ kơl jăp, di jơnau sồr, pồ dùl dơ\ là tơl khà, lơh geh jơnau sồr bè rơndăp lài. Kuơmàng, bơta niam kấp ủy khoá pa geh pồ dơ\ do neh tơnguh tai, lơh di jơnau kờ`, kơnòl broă tàm tu\ tơngai pa. Jăt ồng Bùi Văn Cường, Ủy viên Đảng dà lơgar, Bí thư Tỉnh ủy Dăk Lăk den cồng nha tàm broă lơh kuang bàng tàm Pơrjum dờng cau ala măt kấp dờng rlau kấp hơđơm geh gơ gơs là bơnàng jă kuơmàng ai lơh jăt broă rơndăp tăp sèng kuang bàng pơrjum dờng Đảng bộ càr.

Mpồl duh broă sùm Tỉnh ủy Dăk Lăk bơyai lơh pơrjum ai jơnau đơs bơh kuang bàng, gah lơh broă Dà lơgar mờ cau jak chài dê tă pơgồp jơnau đơs tàm sră rơcăng cih Jơnau yal chính trị Pơrjum dờng cau ala măt Đảng bộ càr dơ\ 17, tơngai lơh broă bơh nam 2020- 2025

Ồng Bùi Văn Cường, đơs: Pơrjum dờng kấp hơđơm mờ pơrjum dờng kấp dờng rlau kấp hơđơm bè broă lơh rcăng lài kuang bàng mờ bơh pơrjum dờng nàng pồ kuang bàng den ờ gơlik geh dùl jơnau lơi kấp rlau kấp hơđơm. Do là jơnau đơs nền pơndrờm mờ broă lơh lài do. Bal mờ broă đơng lam, lam lơh gơ wèt mờ pơrjum dờng kấp hơđơm mờ kấp dờng rlau kấp hơđơm jơh nùs ngan, jal mhar ngan nàng rcăng ai pơrjum dờng Đảng bộ càr in. Tàm hơ\, rcăng bè tơngume, bè kuang bàng, bè ală bơta geh gơrềng nàng geh bơyai lơh pơrjum dờng. Tus tu\ do, sền bal neh jơh lơh, ngan ngồn kung gam sơl ală broă, ală bơta du\t ndơl nàng tàm gùl nhai 10 tus geh bơyai lơh pơrjum dờng Đảng bộ càr.

Cồng nha tàm bơyai lơh Pơrjum dờng Đảng bộ kấp hơđơm mờ rlau mờ kấp hơđơm tàm càr Dăk Lăk là cơng tàng tơngo\ loh làng bơh bơta rcăng lài, lơh jăt niam ngan, jơh nùs mờ geh kơnòl bơh kấp ủy kấp rlau kấp hơđơm dê mờ bơta lam lơh krà` cê jơh nùs mờ geh kơnòl bơh Tỉnh ủy Dăk Lăk dê. Cồng nha do là bơnàng jă kuơmàng pơgồp bơnah tàm cồng nha Pơrjum dờng cau ala măt Đảng bộ càr Dăk Lăk dơ\ 17, tơngai lơh broă bơh nam 2020- 2025.

Cau cih Hương Lý- Cau mblàng Lơ Mu K’Yến