VOV4.K’ho- Lơh pràn broă lơh lòt sền, gròi sền nàng di tŭ kơryan bơta bơtờp bơh kòp dê tàm ù tiah càr dê là tơngume tờm geh đơs tàm Pơrjum lam lơh jăt broă lơh rơcăng sơndră kòp nam 2021 bơh Ủy ban Nhân dân càr Dăk Lăk dê bơyai lơh tàm drim ngai 11/3. Sơndră wơl mờ kòp bơtờp, càr neh rơcăng lài lơh pràn ală broă lơh gròi sền, cang tiah ờ lời kòp lơh bơtờp tus mpồl bơtiàn kung bè lơh jăt gơtùi broă lơh sơm kòp ai ală cau bơtờp kòp in.

Kơnờm bè hơ̆, mờ càr Dăk Lăk neh sơm bời ai 3 nă cau kòp Covid– 19 in, ờ geh cau bơtờp tus mpồl bơtiàn, ờ geh cau chơ̆t tài bơh kòp bạch hầu. Gĭt nền kòp geh pơn jăt tai geh ală bơta gơbàn kal ke tàm nam 2021, ală cau ala mat tus bal pơrjum neh tơrgùm cribơyai mờ sồr geh bàr pe broă lơh bơsong nàng kờñ tơrmù tus khà lơyah ngan rlau jơh bơta bơtờp bơh kòp dê tàm ù tiah càr dê.

 Cau mblàng Lơ Mu K’Yến