VOV4.K’ho- Tiah tàm dơlam tơnau dà Krông Pách thượng, xã Cư San, kơnhoàl M'Drak, càr Dak Lak kung gam g^t nđờ rơhiang hìu bơnhă làng bol mờ g^t nđờ rơbô nă cau ờ hềt geh ntrờ`, bulah bơtơ\t r[òng dà neh bơ\t hiòng. Kal mìu càl rơbu\t dờng gam jo\ jòng, jơh bal gơnoar atbồ mờ làng bol ndrờm kơlôi sơnơng hoàc huơr phan bơna mờ màng kis làng bol dê digơlan gơlik geh khat dùl tu\ lơi. Mơya, do là bơta kơlôi rcang ngòt gời, tài bơh ờ hềt geh ală broă lơh, rơndeh rơn dồ ma\y mok dong làng bol tiah tàm dơlam tơnau dà sơn dră mờ dà ko\ dà cò.

Ală dơ\ mìu, càl rơbu\t dờng mờ mìu nhàc sùm tàm ală ngai do, sùm lòt gan tiah tàm dơlam tơnau dà Krông Pách Thượng, xã Cư San, kơnhoàl M’Drak, càr Dak Lak lơh làng bol tàm do bè jơnau nhơl nrơ\t plai nùs mờ bơta chơ\t. Ồng Lý A Tú, ơm thôn 11, xã Cư San pà g^t, làng bol tiah kơh bơnơm, tu\ do pal bơsram bơta chài was plung tài bơh tu\ lik bơh thôn là pal ngui plung. Ồng Tú gam kah ngan pơgap mờ do 2 nhai, dơ\ sơn rờp dà tàm tiah tàm gùl tơnau dà gơguh tih jơnhoa, gơnoar atbồ ală kấp neh hơ pơr gon lơh r[àng ing halà ai plung lòs, dong làng bol lòt rê gơ in buơn boài, tơr mù [à bơta ngòt rơngơ\t. Mơya tus tu\ do, làng bol ờ go\ r[àng lơi mờ kung ờ go\ geh plung lơi sơl. Neh kis tàm bơta dà ngơr bam dà, siău siar, jơ gloh r[ah, làng bol pal ơpah plung bơh cau lơh sa kă bro is pơn diang mờ khà priă 30 rơbô đong dùl dơ\ lòt rê ai bơta ngài pơgap mìng 150 thơk lơm.

Tu\ do, mìng kơ\p kờ` là gơnoar atbồ dong kờl geh phan jun lòt rê làng bol in lòt rê buơn ai broă lơh sa mờ lòt rò oh kòn lòt bơsram, kòp jê den geh rơndeh rơn dồ lòt rê gơ in buơn. Tu\ do làng bol lòt rê den pal tă priă tờm mờ hoàc huơr ngan, pah dơ\ lòt là roh 30 rơbô đong mờ tàm tu\ pah ngai digơlan lòt rê uă dơ\ ngan.

Làng bol pal ơ pah plung nàng lòt rê

Tàm lồi nhai 9 pa do, ồng Phạm Văn Hạ - Kuang atbồ Mpồl atbồ rơndap broă lơh Bơcri priă bơt bơtàu broă lơh gùng lòt mờ Gah lơh sa bơtàu tơnguh [òn lơgar càr Dak Lak dê pà g^t, mpồl pa lơh broă mờ UBND xã Cư San mờ ring bal gùng dà dong kờl lòt rê ai làng bol kis tàm tiah ală thôn 9, 10, 11. Ngan là ală mpồl lơh broă geh gơ rềng ring bal lơh 2 nơm r[àng tàm tơr bo\ bal, Mpồl atbồ thôn mờ làng bol geh lơh tơn mờ kong tơl kơnòl broă bè bơta ờ do ờ dă tu\ lòt rê tàm hơ\. Priă jền nàng lơh r[àng kờp du\ là pơgap 50 tơlak đong. Mìng is thôn 10, xã Cư Yang den mpồl lơh broă geh ơpah plung bơh dùl nă làng bol tàm tiah do dê nàng dong kờl làng bol tiah do in lòt rê. Mơya, tus tu\ do, làng bol tàm tiah do kung gam ờ hềt geh r[àng lòt rê sơl. Làng bol kung gam pal lòt gan brê, ơpah plung nàng lòt tiah bơdìh tiah tờm gùl kơnhoàl tu\ kờ` blơi ală phan ngui sa kờ` pal geh nàng ngui tàm rài kis pah ngai.

Tơnơ\ hơ\, tàm bồ nhai 9, Mpồl lơh broă bơh Bộ Nông nghiệp mờ Phát triển Nông thôn bơh Thứ trưởng Nguyễn Hoàng Hiệp lam bồ neh lòt sền tiah tàm dơlam tơnau dà Krông Pách Thượng neh tơngkah sùm bè broă lơh jat niam jơnau hơ do, gàr tơl niam bơta ờ do ờ dă làng bol in tàm tu\ gơn ai wơl ù mờ tiah tàm dơlam gơlik geh ngơr bam dà.

Tus ngai 12/10, den UBND càr Dak Lak pa ai sră nggal “dong kờl priă jền dong kờl làng bol gơbàn jơgloh mờ rơndeh rơn dồ ma\y mok lòt rê ai ală hìu bơnhă ơm tàm tiah dơlam tơnau dà thôn 9, 10 mờ 11 xã Cư San, kơnhoàl M’Drak” dê in. Nàng sră nggal dong kờl jơ gloh geh lơh jat neh ờ hềt g^t tus tu\ lơi, kơ\p gơn r[àng ing mờ plung dong kờl den sơlơ ngài ngan. Tài bơh jat ồng Nguyễn Đình Thìn, Phó Kuang atbồ bồ Mpồl A càr Dak Lak dê, đơs, plung dong kờl, ờ di là gam geh lơh, mờ là gam tàm bơta kơ\p gơn geh lơh.

Gam gơn lơh plung pa den neh geh plung yau bơh làng bol tàm tiah do dê bloh. Tềng đap mat ờ hềt thàn lơh plung den ơ pah wơl tơn plung làng bol dê. Dơ\ 2 là broă lòt rê do ờ uă ir, tàm tơngai do sre mìr den làng bol kung ơm rơlô bloh. Mơya, bol a` ờ go\ sền ờ sơ\p ờ. Bơta do den neh tiah do neh rcang tàm hơ\ blơh.

Tiah dơlam tơnau dà Krông Pách Thượng gam gơtìp kòl gùng 

Kờp du\ lài, mìu càl rơbu\t dờng tàm tơngai tus geh gam gơlik geh kal ke, màng kis, phan bơna làng bol dê tàm tiah tàm dơlam tơnau dà Krông Pách Thượng kung gam pơn jat tai gơ pơ hìn. UBND càr Dak Lak neh bơtơl uă kuang bàng tờm, ai kuang bàng, cau lơh broă tàm ală kơnhoàl rê tàm tiah rơndap broă lơh nàng lơh mhar tu\ tơngai broă lơh mơya tu\ tơngai lơh broă kung gam ờ hềt lơh geh jat jơnau sồr sơl. Broă ntrờ` làng bol bơh tàm dơlam tơnau dà Krông Pách Thượng, uă bơta digơlan là ờ gơtùi lơh gơs tàm tơngai lơyah. Den tàng nàng tơr mù [à bơta pơhìn mờ mpồl làng bol do, ală kấp tàm Dak Lak kờ` pal pà go\ ală bơta đơs lòt bal mờ broă lơh, di tu\ ai tiah do in ală broă lơh, rơndeh rơndồ ma\y mok nàng dong làng bol sơr lèt mờ tơngai gơbàn dà ko\ dà cò bè jơnau neh hơ.

Tơngai pa do, Anih jơnau đơs Việt Nam sùm đơs ală bơta ờ niam bơh rơndap broă lơh bơtơ\t r[òng dà rơbô tơmàn đong tơnau dơng dà Krông Pách Thượng do dê ( kờp jơh priă bơcri rlau 4 rơbô 400 tơmàn đong) bơh Bộ Nông nghiệp mờ Phát triển Nông thôn bơcri priă lơh tàm Dak Lak. Broă gơnoar atbồ càr Dak Lak ờ gơtùi gờ` ai ù tiah tiah tàm dơlam tơnau dà neh lơh tàm tơngai mìu, g^t nđờ jơ\t lồ phan tam lơyah tơngai bơh ală hìu bơnhă ơm tàm xã Cư San gơtìp hoàc huơr kơn jơ\ ngan, gùng lòt tàm tiah do gơtìp tam cah is uă ngan.

VOV Tây Nguyên- Cau mblàng K’ Hạnh