VOV4.K’ho- Neh 1 nhai kờp bơh tu\ kơnòm bơsram ală kấp tàm càr Dăk Lăk lòt bơsram wơl bè ờs tơnơ\ tu\ tơngai jo\ jòng ngan ơm rlô nàng rcăng sơndră kòp Covid-19, mơya tus tơngai do, uă ngan kơnòm bơsram kung gam ờ hềt tus wơl hờ ơdu\ sơl.

Jăt Sở Giáo dục mờ Đào tạp càr Dăk Lăk yal, jơh gùt càr Dăk Lăk kung gam sơl rlau 260 nă kơnòm bơsram ờ hềt lòt bơsram wơl bulah neh 1 nhai kờp bơh tu\ Sở geh sră yal lòt bơsram wơl.

Uă ngan kơnòm bơsram ơm bơsram là kơnòm bơsram kấp pe mờ giáo dục thường xuyên, hìu bơnhă geh rài kis kal ke, ơm bơsram nàng lòt lơh broă ngài, jòi priă dong kờl hìu bơnhă. Den tàng bè hơ\, broă hòi jà ală oh lòt bơsram wơl tìp uă ngan kal ke.

Jăt ồng Phạm Đăng Khoa, Kuang ătbồ Sở Giáo dục mờ Đào tạo càr Dăk Lăk yal, bal mờ broă pơn jăt lam lơh jăt ală broă lơh gàr niam bơta niam tơngai bơto mờ bơsram jăt tu\ tơngai jơnau bơsram pa bơh Bộ Giáo dục mờ Đào tạo dê, ală hìu bơsram tàm càr gam lơh pràn mblàng yal, hòi jà kơnòm bơsram lòt bơsram tơl nàng gàr khà măt kơnòm bơsram tàm ơdu\, tơnguh uă bơta niam bơto bơtê, lơh ngan lơh gơs niam kơnòl broă nam bơsram.

Cau mblàng Lơ Mu K’Yến