VOV4.K’ho – Ngai òr 25/06, Mpồl đơng lam Đảng kơnhoàl Krông Năng, càr Dak Lak bơyai lơh Pơrjum sền swì, ai jơnau bơsram mờng chài broă lơh đơng lam Pơrjum ală mpồl đảng kơnă hơđơm, rcang tus Pơrjum dờng Mpồl Đảng kơnhoàl dơ\ 7, tơngai lơh broă bơh nam 2015- 2020. Tus tu\ do, jơh ală 38 mpồl đảng kơnă hơđơm gơ wèt bal neh bơyai lơh pơrjum geh cồng nha. Broă pồ mpồl đơng lam Đảng kơnă pa sền bal là neh lơh tơl bè khà cau, geh nùs nhơm niam mờ broă lơh jak, rơndăp tăp sèng dipal, ală gơnoar broă dờng màng geh pồ mờ khà sră pồ jơnhoa. Cồng nha, geh 314 nă kuang bàng geh pồ tàm ală dơ\ pơrjum mpồl đảng kơnă hơđơm. Khà cau ùr geh mờr 19%; kòn cau geh 13%. Bè ală mờng chài bơh ală dơ\ pơrjum mpồl đảng tàm kơnă hơđơm, ồng Trần Phú Hùng kuang jat jơng atbồ đơng lam Đảng kơnhoàl Krông Năng, pà gi\t: “Bơh Pơrjum tàm kơnă hơđơm den ai geh bàr pe jơnau bơsram mờng chài tàm broă lơh đơng lam pơrjum. Lài ngan, ală kơnă mpồl đơng lam Đảng kờ` pal bơsram, kơlôi sơnơng, gi\t wa\ sră nggal đơng lam bơh Dà lơgar mờ bơh mpồl đơng lam đảng kơnă hơđang dê. Đơng lam niam broă rcang mờ bơyai lơh pơrjum. Broă rwah anih lơh lài, halà lơh tơrlòng lài ală broă lơh pal sền swì, kơlôi sơnơng nền, săc rwah kờ` lơh geh ală jơnau sồr. Tàm ală tu\ đơng lam pơrjum, mpồl kuang atbồ pal kơlôi sơnơng, gi\t nền ală nggal, ală kơrnoat pal jat, broă pơrjum nàng đơng lam pơrjum gơ in di, kuơmàng là broă pồ di mờ kơrnoat pal jat te\ khà tàm đảng, tơngo\ geh bơta lơh tờm, song dơ pă, pleh broă rồn bơklơn tàm broă lơh te\ khà. Bơh pơrjum kơnă hơđơm den tàng do là ală mờng chài nàng đơng lam bơyai lơh pơrjum mpồl đảng kơnhoàl niam rlau”.

Cau mblàng Lơ Mu K’ Yến