VOV4.K’ho- Drim ngai 1/7, tàm thị trấn M’Drak, Tỉnh đoàn Dăk Lăk bơyai lơh ai cau lòt lơh broă ơruh pơnu lơh broă dong kờl is kàl rlô bơkang càr Dăk Lăk nam 2020.

Tơlik măt ală mpồl lơh broă dong kờl is kàl rlô bơkang

Bal mờ tơngume “Ơruh pơnu Việt Nam bơceh pa, dong kờl is tài mpồl bơtiàn”, Broă lơh Ơruh pơnu lơh broă dong kờl is kàl rlô bơkang càr Dăk Lăk nam do geh lơh tàm 15 kơnhoàl, thị xã mờ [òn dờng bal mờ bơta tus bal bơh rlau 8 rbô nă đoàn viên, ơruh pơnu tàm càr mờ ală mpồl cau lòt lơh broă dong kờl is bơh ală hìu bơsram, công chức mờ mpồl ling.

Bí thư Tỉnh đoàn Dăk Lăk (cau ơm đah kiau) jàu k[àng pơrya broă lơh ơruh pơnu ai Huyện đoàn M’Drak in

Tàm 2 nhai, ală mpồl geh tus bal lơh broă ơruh pơnu tàm 15 gơl gùng tàm tiah drà; lơh niam wơl mờ lơh pa 40 kơi sồ gùng lòt [òn lơgar; lơh pa 3 kơi sồ “Pờ àng gùng [òn”. 5 nơm hìu kờ` gơboh kòn bơnus. 5 nơm [làng nhơl plai mờ 5 tiah nhơl ai kơnòm dềt in; tam pa mờ sền gàr 30 rbô tờm chi. Kham kòp mờ pà sơnơm ờ sa priă ai 3 rbô nă làng bol in; hòi jà đoàn viên, ơruh pơnu pà 2 rbô kơldung mhàm.

Cau mblàng Lơ Mu K’Yến