VOV4.K’ho- Nàng rcăng lài sơndră wơl mờ bơta gơbàn ờ kuơ bơh trồ tiah dê tu\ do, Sở Nông nghiệp mờ Phát triển Nông thôn càr Dăk Lăk neh lam lơh uă broă lơh rcăng sơndră trồ tiah lơh aniai, tơrmù [à ală rềs àr ai broă lơh sa in nàng lơh geh broă rơndăp lơh bè kờp jơh khà phan sa lơh geh tàm nam 2020.

Cau lơh broă sa kơnhoàl Lăk lòt còp sre

Jăt Sở Nông nghiệp mờ Phát triển Nông thôn càr Dăk Lăk dê yal, broă rơndăp lơh kàl duh-hàm nam 2020, jơh gùt càr sih tam mờr 257 rbô lồ chi tam pah nam, tàm hơ\, kòi sre 58 rbô lồ, tơngời mờr 97 rbô lồ.

Nàng lơh geh broă rơndăp lơh neh ai tơlik, Sở sồr Ủy ban Nhân dân ală kơnhoàl, [òn drà mờ [òn dờng sồr sơlơ lòt sền, lam lơh ală broă lơh rcăng sơndră trồ prang soăt dà, geh broă rơndăp lơh tam pà dà dipal, tềm pềr, geh cồng nha nàng drơng rài kis mờ dà tuh ai tơl bơta tờm chi tam in.

Kờp sền wơl bă ù sih tam kàl duh- hàm mờ geh broă rơndăp lơh tam gơl nàng gơ in dipal mờ bơta geh ngan tàm tiah he dê; bơto pơlam tu\ tơngai kàl lơh sa mờ rơndăp tăp sèng chi tam dipal.

Cau mblàng Lơ Mu K’Yến