VOV4.K’ho - Rơlao 10 nam lơh jăt jơnau kờ` bơh Dà lơgar dê bè bơ\t bơtàu [òn lơgar pa, xã Ea Đar kơnhoàl Ea Kar, càr Dak Lak neh hòi jà ală bơta pràn nàng bơcri priă bơ\t bơtàu broă lơh, tàm hơ\ uă ngan là khà broă lơh gùng lòt tàm [òn.

Bơh khà priă dong kờl bơh Dà lơgar mờ broă pơgồp bal bơh làng bol dê tai, tus tu\ do, jơh ală gơl gùng lòt tàm [òn, tàm xã neh geh dă mờ bê tông, ai geh bơta [uơn tàm broă lòt rê mờ tơnguh bơtàu broă lơh sa mpồl bơtiàn, pơgồp bal tàm broă ai xã Ea Đar tơl khà bơ\t bơtàu [òn lơgar pa tàm lồi nam do.

Là hìu geh rài kis gam kal ke, mơya tu\ geh gùng dà broă lơh bơh UBND xã ai bè broă pờ ơnàng gùng lòt tàm [òn kờ` tơrbo\ mờ anih tòm tàm xã, hìu mò Nguyễn Thị Dinh, kis tàm [òn 4, xã Ea Đar neh kơl sơbì is bàr sèng kơphe nàng ai 104 thơ\k vuông ù geh khà rơlao 100 tơlăk priă nàng lơh gùng lòt. Bal mờ broă ai ù, hìu mò Dinh gam tus bal tă priă, ngai lơh broă nàng lơh gơs gơl gùng do.

                            Geh gùng dă mờ bê tông, làng bol kis tàm xã Ea Đar lòt rê [uơn

Mò Nguyễn Thị Dinh kis tàm [òn 4, xã Ea Đar yal, do là gùng dà broă lơh di, den tàng hìu nhă ring nùs mờ lơh jăt. Broă geh gùng bê tông lòt gan geh dong kờl làng bol [uơn tàm broă lòt rê mờ lơh sa geh tơnguh bơtàu.

-Tu\ geh lam sồr ai ù den hìu nhă a` lam lài mờ kờ` bal. Bol a` ai rơlao 2 thơ\k ù  ơnàng mờ jòng rơlao 50 thơ\k nàng lơh gùng. Bal mờ hơ\ là hìu nhă kung tă tai 10 ngai lơh broă mờ 12 tơlăk đong nàng lơh gùng lòt.

Tu\ do neh lơh gơs den broă lòt rê làng bol dê geh [uơn, ờ gơtìp mbè, ntiar bè lài do tai. Làng bol bol a` bu\ lah pal tă pơgồp bal priă, mơya chờ hờp ngan mờ sùm lơh is.

Dờp bal broă ai ù lơh gùng lòt tàm [òn, xã Ea Đar ờ mìng geh hìu mò Nguyễn Thị Dinh mờ gam geh rơlao 700 hìu làng bol ndai tàm ală [òn kis tàm xã do tus bal.

Hìu nhă ồng Nguyễn Ngọc Thiêm, kis tàm [òn 10, xã Ea Đar, là hìu geh pơnrơ. Bu\ lah gam gơwèt hìu ndrờm mờ rơ[ah, mơya hìu ồng Thiêm tu\ lơi kung rơcang ai 1 sào 2 ù suơn nàng lơh gùng lòt tàm [òn.

-Lài do den gùng gơtìp btiar, mbè, làng bol lòt rê gơtìp kal ke, broă pơn diang phan geh bơh bơh broă lơh sa suơn sre glar ngan là kàl mìu.

Tu\ do gùng bê tông neh geh lơh, broă lòt rê [uơn niam, rơndeh lòt tus tơn tàm [làng, tềm pềr geh nggùl tơngai. Tiah hìu a` ală kơnòm lòt bơsram kung ờ gơtìp ntiar, mbè bè lài do tai sơl.

Ồng Huỳnh Bằng, kuang atbồ [òn 10 xã Ea Đar yal, bơh tu\ lơh jăt broă bơ\t bơtàu [òn lơgar pa tus tu\ do, tàm [òn 10 geh 150 hìu den geh tus 2 bơnah 3 hìu tus bal mờ broă ai ù lơh gùng lòt tàm [òn.

                                            Muh măt [òn lơgar tàm do geh tam gơl ngan

Ồng Huỳnh Bằng đơs, geh cồng nha do là kơnờm mờ broă “lam sồr làng bol niam” bơh ală gah, mpồl lơh broă tàm xã bal mờ broă dờp bal jơh nùs bơh làng bol dê.

-Tàm ală dơ\ pơrjum làng bol, bol a` mblàng broă geh kuơ bơh broă ai ù dê, pơgồp bal tàm broă lơh gùng lòt tàm [òn nàng tơnguh bơtàu broă lơh sa mpồl bơtiàn mờ làng bol wă hơ\ sồng ring bal.

Tu\ geh priă bơcri bơh Dà lơgar ai 30% den bol a` pơrjum bơh mpồl [òn tus mờ [òn nàng ring bal tă priă lơh. Tơnơ\ mờ 2, 3 dơ\ pơrjum geh ring bal uă den hơ\ sồng tă mờ lơh gùng. Bol a` lơh jăt loh làng, ndrờm bal, làng bol sền gròi is mờ bè hơ\ den làng bol ring nùs bal uă ngan.

Jăt ồng Nguyễn Thanh Huấn, Chủ tịch UBND xã Ea Đar kơnhoàl Ea Kar yal, tơnơ\ mờ rơlao 10 nam lơh jăt broă bơ\t bơtàu [òn lơgar pa, tus tu\ do làng bol neh ai rơlao 26 rơbô thơ\k vuông ù mờ tă pơgồp rơlao 15 tơmàn đong nàng lơh ơnàng, lơh jòng rơlao 63 kơi sồ gùng lòt tàm [òn, crăp geh uă kơi sồ gùng ồs đèng àng tàm [òn, lơh hìu chài rơgơi tàm ală [òn…

Tu\ do, xã Ea Đar neh geh 16 tàm 19 khà broă bè bơ\t bơtàu [òn lơgar pa. Ồng Nguyễn Thanh Huấn pà g^t:

-Gơnoar atbồ xã ai pơrjum [òn nàng pơgồp jơnau đơs bè ală khà priă tă pơgồp bal bơ\t bơtàu [òn lơgar pa. Làng bol tă is 100% tu\ tă pơgồp. làng bol là cau tòm bơh broă bơ\t bơtàu [òn lơgar pa gơdê.

Bè broă ai ù kung geh làng bol kis tàm xã Ea Đar ai is mờ dờp bal uă ngan. Uă hìu ai bơh 50 tus 70 thơ\k vuông, mơya geh hìu geh g^t nđờ rơhiang thơ\k vuông, làng bol kơl is tòm tiên, kơphe nàng ai ù lơh gùng.

Mùl màl pà go\, broă ai ù pơgồp bal ngai lơh broă nàng lơh gùng lòt tàm [òn xã Ea Đar neh cèng geh cồng nha loh làng, tơl gơl gùng lơh gơs neh pơgồp bal kuơ màng tàm broă lơh tam gơl muh măt [òn lơgar, chồl pràn broă tơnguh bơtàu lơh sa, tơnguh rài kis phan bơna, nùs nhơm ai làng bol in, tàm hơ\ uă ngan là tàm tiah [òn tiah kơh bơnơm càr Dak Lak dê.

Cau cih Tuấn Long-Cau mblàng Ndong Brawl