VOV4.K’ho - Drim òr (25/9), tàm xã tiah nhàr dà lơgar Ia Lốp, kơnhoàl Ea Súp, cau ling sền gàr tiah nhàr dà lơgar càr Dak Lak pơgồp bal mờ gơnoar atbồ xã bơyai lơh tơn jơh dơ\ tơrgùm uă phào crong, siao bơrtoh ờ di mờ adăt boh lam tàm tiah nhàr dà lơgar.

Gùt tiah nhàr dà lơgar càr dê geh rơlao 22 rơbô nă làng bol ală jơi bơtiàn kòn cau ơm kis bal gơwèt 2 kơnhoàl Ea Súp mờ Buôn Đôn.

Tơngai do, broă prăp, ngui ờ di mờ adăt boh lam phào crong siao bơrtoh bal mờ phan dong kờl gơtìp kal ke, lơh gơbàn hoàc huơr uă. Tềng đăp mờ bơta do, bơh bồ nhai 9 tus tu\ do, mpồl ling sền gàr tiah nhàr dà lơgar càr Dak Lak neh chồl pràn broă lam sồr ală làng bol kis tàm tiah nhàr dà lơgar tus jào is 70 ngkơr phào ală bơta, rơlao 100 nai gar phào ală bơta, bal mờ ờ uă phan lơh chơ\t jê uă bè pềs, đào, mra.

Nàng broă tơrgùm phào crong, siao bơrtoh lơh geh cồng nha uă rơlao, tàm tơngai tus, cau ling sền gàr tiah nhàr dà lơgar càr Dak Lak pơn jăt tai chồl pràn broă lùp sền, sền wơl nàng g^t ală bơta tàm tiah do, cau kis tàm tiah nhàr dà lơgar.

Cau mblàng Ndong Brawl