VOV4.K’ho - Tàm ală nam do, broă drơng gàr hìu nhă cau geh geh sră dong kờl, cau geh màng mờ dà lơgar geh ală cấp, gah lơh broă geh gơnoar tàm càr Dak Lak sền kuơ ngan.

Ală broă lơh: Kes priă kis g^t jơnau g^t adăt, hìu nùs nhơm, sră tềm pềr priă nùs nhơm, dong kờl rài kis lơh broă sa, ròng siam cau mè Việt Nam khin cha jăk chài... neh tơnguh bơta pràn, pơgồp bal tàm broă ring niam mờ tơnguh uă rài kis phan bơna, nùs nhơm gơwèt mờ cau geh màng mờ dà lơgar.

Nam lơi kung bè hơ\ sùm, tu\ mờr tus ngai 27 nhai 7, mò H’ Bông Niê, deh nam 1925, là cau mè cau ling chơ\t màng Y Pho Niê, kis tàm [òn Ea Ktur, xã Ea Ktur, kơnhoàl Cư\ Kuin, càr Dak Lak sồr oh kòn, kòn sao jùt  jơnang duh khoai, hơ\ sồng ai ală phan lời kir bơh cau ling chơ\t màng Y Pho nàng jùt, trang sền.

                       Bí thư Tỉnh uỷ Dak Lak pà phan cau mè Việt Nam khin cha jăk chài in

Lo\ H’ Mát Niê, kòn ùr bơh mò H’ Bông Niê pà g^t, ală nam sơnrờp bi Y Pho gơtìp chơ\t phi să, mè H’Bông moăt ngan, bơtoah ngan kơnờm mờ broă pơn diang bơh oh mi [òn lơgar, bal mờ broă sền gròi, dong kờl bè phan bơna bơh ală cấp, ală gah lơh broă den tàng mè kung rài đao, rài kis kung rơhời ring niam.

-Mè a` tu\ do kung neh kra, ờ sô tai, nam 2012, geh dà lơgar lơh hìu nùs nhơm, pa do  hìu gơtìp càl pồt gơpồ rơkàng  geh dong kờl 20 tơlăk priă nàng lơh niam wơl hìu, den tàng mìu càl pràn ờ ngòt tai.

Pah nam tu\ tus tàm dơ\ kuơ màng, satềp, mè a` gam geh uă mpồl tus còp să, pà phan. A` ưn ngài uă ngan tus mờ gơnoar atbồ [òn lơgar neh sền gròi tus mờ hìu nhă a`.

Jăt jơnau yal bơh Sở Lao động Thương binh mờ Xã Hội càr Dak Lak yal, tàm tơngai bơh nam 2016 tus 2020, càr neh hòi jà tă geh rơlao 35 tơmàn đong Kes priă “Kis g^t jơnau g^t adăt”.

Bơh kes priă do neh lơh pà 952 nơm hìu nùs nhơm, lơh niam wơl 688 nơm hìu cau geh màng mờ dà lơgar gơtìp sèt, ờ niam tai mờ pà rơlao 500 pang sră tềm pềr priă cau geh sră dong kờl bal mờ cau geh màng mờ dà lơgar in.

Kuang đơng lam sở Lao động Thương binh mờ Xã hội càr Dak Lak pà kơnrồ ai hìu nhă geh sră dong kờl bơh dà lơgar in

Mìng is tàm nam 2020 do, bal mờ broă lơh pà hìu, bơh kes priă “Kis g^t jơnau g^t adăt” càr Dak Lak gam bơyai lơh pà 867 tơlăk đong lơh khà priă nàng dong kờl ală broă tơnguh bơtàu lơh sa ai 32 nă cau là cau geh màng mờ dà lơgar gơwèt hìu rơ[ah tàm ală kơnhoàl Krông Păc, Ea Kar, Krông Bông, Krông Năng, Lăk, Ea Súp mờ Mdrăk in.

Geh dờp 15 tơlăk đong nàng blơi sur me ròng, mò Phạm Thị Nhì, là pơ-ùr cau ling chơ\t màng Cao Văn Tiến, kis tàm thị trấn Ea Kar, kơnhoàl Ea Kar kơ\p kờ` do geh là bơta tòm tàm rài kis nàng tơnguh bơtàu broă lơh sa, dong kờl mò geh tai bơta drơng gàr ròng siam kòn gơtìp kòp tê jê să, pơgồp bal ring niam rài kis:

-Ală gah, mpồl lơh broă bơh [òn, thị trấn tus mờ kơnhoàl, càr neh geh nùs nhơm dong kờl hìu nhă a`, den a` mìng kơ\p kờ` lơh bè lơi geh priă lơh sa  niam nàng mè kòn a` ròng siam bal. Tu\ do kòn a` bè do, den a` mìng kờ` geh priă nàng ròng siam. A` ưn ngài uă ngan. Geh bè do là pơnyờ să ngan.

Bal mờ broă dong kờl priă, dong kờl hìu nhă geh sră dong kờl, cau geh màng mờ dà lơgar ring niam tàm rài kis, brồ guh klàs mờ rơ[ah, tàm nam do, Sở Lao động Thương binh mờ Xã hội càr Dak Lak neh ai ngui anih kham mờ sơm kòp cau geh màng mờ dà lơgar càr. 

Di ngai 27 nhai 7 do, anih do neh bơyai lơh dơ\ kham mờ sơm kòp ai 49 nă cau geh geh màng mờ dà lơgar. Tàm do, cau geh màng mờ dà lơgar geh sền gàr bè bơta pràn kơl dang să jan, gơrgùm tàm broă sơm kòp, lòt nhơl sền ù tiah niam bal mờ ờ uă anih tềl kah yau rài lài do tàm càr.

Bơh kơnhoàl Krông Păc tus tàm anih do nàng kham mờ sơm kòp, cau ling kòp tê jê să Nguyễn Long Biên, kis tàm xã Ea Phê pà g^t:

-Tu\ tus tàm anih kham mờ sơm kòp pa, a` gơlơh iang nùs ngan tài broă wă rò bơh cau lơh broă tàm anih do niam ngan. Wă bol a` bè cau pròc mhàm pa rê. Anih kham sơm kòp do neh wă jơh ală cau bơh kơnhoàl tus nền nòn ngan.

Ală broă lơh sơnrờp bồ nam bè do den chờ hờp ngan, cau lơh broă lơh jơh nùs, y bác sĩ den lùp lăp nền nòn ngan, mùl màl ală wa geh broă lơi bè kòp tê jê să den ndrờm geh gùng dà sơm kòp mờ sền gàr niam.

Ồng Trần Phú Hùng, kuang atbồ Sở Lao động Thương binh mờ Xã hội càr Dak Lak pà g^t, tàm ală nam do, ală broă lơh drơng gàr rài kis nùs nhơm bal mờ phan bơna ai cau geh màng mờ dà lơgar sùm geh ală cấp, ală gah lơh broă, ală tiah  tàm càr sền gròi, lơh jăt.

Mơya, jăt khà kờp, tu\ do gùt càr gam 125 hìu nhă geh sră dong kờl bơh dà lơgar gơwèt hìu rơ[ah. Den tàng, tàm tơngai tus càr Dak Lak geh pơn jăt tai chồl pràn ală broă lơh nàng dong kờl ală hìu geh sră dong kờl, cau geh màng mờ dà lơgar gơguh uă rài kis, mờ jonau kờ` lơh ngan tus jơh nam 2020, càr ờ gam geh hìu rơ[ah gơwèt hìu nhă geh sră dong kờl, cau geh màng mờ dà lơgar:

-Kờ` lơh jăt rơndăp broă tơmù rơ[ah gơwèt mờ cau geh màng mờ dà lơgar geh cồng nha niam, Sở Lao động Thương binh mờ Xã hội càr Dak Lak neh crơng gơs ală mpồl lơh broă lòt tus tơl hìu cau geh màng mờ dà lơgar gơwèt hìu rơ[ah nàng cri bơyai, sền gròi nàng g^t tài bè lơi gơtìp rơ[ah, tàm hơ\ uă ngan là g^t bè nùs nhơm kơ\p kờ` bơh ală cau geh màng dê nàng geh broă dong kờl.

Mờ pơgồp bal mờ Uỷ ban mặt trận dà lơgar Việt Nam càr, Hội Chữ thập đỏ càr lam sồr ală mpồl lơh broă, mpồl lơh sa kă bro, ală cau geh nùs nhơm niam nàng dong kờl cau geh màng mờ dà logar lơh pa, lơh niam wơl hìu ơm, dong kờl nàng tơnguh tai priă geh tàm rài kis. Lơh ngan tàm nam 2020 do ba` geh ală hìu geh cau geh màng mờ dà lơgar là hìu rơ[ah.

Ală broă lơh mùl màl, geh cồng nha kờ` drơng ai hìu nhă cau geh sră dong kờl bơh dà lơgar, cau geh màng mờ dà lơgar geh càr Dak Lak lơh tàm tơngai do neh di tu\ lam sồr, ai tơl bơta nàng cau geh màng mờ dà lơgar lơh ngan tơnguh bơtàu broă lơh sa, ring niam rài kis.

Cau cih Nam Trang- Cau mblàng Ndong Brawl