VOV4.K’ho – Dak Lak geh bơyai lơh pơrlòng jơh bơsram kấp 3 lơh 2 dơ\, do là jơnau tơnggit geh Mpồl đơng lam kấp càr dơ\ pơrlòng jơh bơsram kấp 3 nam 2020 càr Dak Lak ring bal tàm mho ngai 5/8. Mpồl đơng lam kấp càr ring bal dơ\ pơrlòng kung gam geh lơh bơh ngai 8 tus ngai 10/8 do gơ wèt tus mờ 14 kơnhòal, thị xã, [òn dờng bal mờ 23 anih pơrlòng, mờ rlau 14 rbô nă cau tus bal pơrlòng. Mìng is tàm [òn dờng Buôn Ma Thuột, geh 9 anih pơrlòng bal mờ 5 rbô 400 nă cau tus bal pơrlòng geh pơrlòng tàm dơ\ tơ nơ\, ală cau pơrlòng F1, F2 kung pơrlòng tơ nơ\ tàm dơ\ do sơl.

Ồng Phạm Đăng Khoa, Kuang atbồ Sở Giáo dục mờ Đào tạo càr Dak Lak, Phó Kuang atbồ mpồl lơh broă sùm Mpồl đơng lam kấp càr dơ\ pơrlòng jơh bơsram kấp 3 nam 2020 càr Dak Lak pà git, bulah pơrlòng tàm dơ\ 1 halà dơ\ 2, den ală anih pơrlòng kung pal lơh jat nền nòn ală jơnau sồr bè pơrlòng mờ rơcang sơndră kòp. Ală cau pơrlòng dơ\ 2 kung gam geh gàr tơl gơ noar kươ tàm dơ\ sac rơ wah mut tàm ală hìu bơsram đại học, cao đẳng jat jơnau cih bơh Bộ Giáo dục mờ Đào tạo dê.

Cau mblàng K’ Duẩn