VOV4.K’ho - Tu\ do, gah nhơl chờ càr Dak Lak gam mu\t lơh wơl uă broă hòi jà, lam lơh nhơl chờ mờ ai geh ală khà priă càn sa priă cồng ờ uă kờ` tơnguh wơl khà broă tơnguh tơnơ\ mờ tơngai jo\ gơtìp aniai bơh kòp Covid-19.

Pờ mpồng wă năc wơl bơh dơ\ ơm rơlô ngai 30 nhai 4 lài do, tus tu\ do, tiah nhơl chờ tàm brê, chài rơgơi mpồl bơtiàn Ko Tam ([òn dờng Buôn Ma Thuột) neh wă rơlao 11 rơbô nă năc.

     Gah nhơl chờ càr Dak Lak gam mu\t lơh wơl uă broă hòi jà, lam lơh nhơl chờ mờ ai geh ală khà dong kờl niam

Mò Nguyễn Thị Ngọc Anh, Chủ tịch Hội đồng quản trị Công ty Du lịch Sinh thái chài rơgơi mpồl bơtiàn Ko Tam pà g^t, kờ` hòi jà cau năc, pà tơl nă cau nă nhơl chờ 1 li kơphe; mờ pơn jăt tai bơcri priă, tơnguh uă bơta niam broă drơng ala.

-Công ty gam pơn jăt tai geh sùm jăt broă lơh sinh thái, chài rơgơi mờ mpồl bơtiàn. Den tàng, tơrgùm lơh bè tiah kis sinh thái. Dơ\ bàr tai là gàr niam ngai sơlơ niam rơlao bè bơta niam chài rơgơi kòn cau, tàm hơ\ geh phan sa làng bol kòn cau tàm do dê.

Mờ tai geh tiah lơh hìu ơm rơlô kờ` drơng cau năc in tu\ kờ`, mờ tus bal mờ ală cau tàm do mờ tus bal broă tam mờ lơh kơphe hùc.

Bal mờ tiah nhơl chờ Ko Tam, tàm càr Dak Lak neh geh 33 mpồl tus bal broă lam sồr tàm hơ\ geh: ờ sa priă ha là tơmù khà priă vé tu\ tus nhơl chờ, tơmù bơh 5 tus 50% khà priă ală bơta broă lơh drơng ala hìu ơm, rơndeh pơn diang, broă sào sa, broă blơi phan…

                     Nhơl chờ lơh broă là broă lơh geh uă cau năc nhơl chờ kờ` gơboh ngan

Ồng Nguyễn Tất Danh, kuang atbồ ala măt VietNam Airlines tàm càr Dak Lak pà g^t, tus bal mờ tam klăc bal hòi jà lam sồr, bal mờ broă tơmù khà priă vé mờ tơnguh dơ\ par, gah lơh broă do gam pờ tai uă gùng par pa tơrbo\ càr Dak Lak mờ ală càr, [òn dờng tàm gùt lơgar:

-Bol a` đơs niam Buôn Ma Thuột, càr Dak Lak geh bơta pràn nhơl chờ uă ngan, bơdìh mờ 3 gùng par tòm lơh bơh lài tus tu\ do là Buôn Ma Thuột – Đà Nẵng, Buôn Ma Thuột – Hà Nội mờ Buôn Ma Thuột – [òn dờng Hồ Chí Minh den VietNamAirlines neh pờ tai 4 gùng par pa.

Tàm nhai 5, di  tòm ngai deh Bác Hồ ngai 19 nhai 5 den pờ tai gùng par Buôn Ma Thuột – Vinh, ngai 27 nhai 5 pờ tai gùng par Buôn Ma Thuột – Thanh Hoá. Mờ nhai 6 do pờ 3 gùng pa là Buôn Ma Thuột – Cần Thơ mờ Buôn Ma Thuột – Hải Phòng, tơrbo\ Buôn Ma Thuột mờ tiah ring dà dờng Cửu Long kung bè ală càr tàm gùt lơgar.

Mò Nguyễn Thuỵ Phương Hiếu, Phó kuang atbồ Sở Văn hoá, Thể thao mờ Du lịch càr Dak Lak pà g^t, kờ` bơsong kal ke ai ală mpồl lơh sa kă bro mờ chồl pràn broă lam sồr hòi jà nhơl chờ, càr neh geh ală broă dong kờl mùl màl:

Lơh jăt broă bơto ai aă mpồl lơh sa kă bro, bè ală nam den Dà lơgar mờ mpồl lơh sa kă bro lơh bal, mơya nam do, tàm bơta ală mpồl lơh sa kă bro kal ke den bol a` geh ai bơh kes priă dà lơgar kờ` dong kờl broă bơto cau lơh broă mờ atbồ tàm gah broă lơh.

Pa ngan, bol a` lơh jăt broă bơto ai mpồl cau pơlam broă lơh mờ mpồl gơtìp uă kal ke ngan tàm kòp Covid-19 pa do. Pơn jăt tai là bol a` lơh jăt broă lam sồr, dong kờl ală mpồl lơh sa in tàm broă lam sồr kung bè ală broă lơh ndai bè dong kờl bè priă ồs đèng, broă lơh… bơsong di tu\ ală kal ke mpồl lơh sa kă bro in.

Tơnơ\ mờ tu\ ờ gam tam cah is mpồl bơtiàn tai, càr Dak Lak neh bơyai lơh broă lam sồr hòi jà, yal mờ pơgồp bal nhơl chờ mờ ală càr, [òn dờng rềp bal bè càr Khánh Hoà, Ninh Thuận, Bình Thuận mờ ală càr tiah đah jum măt tơngai mu\t tàm lơgar.

Jăt mò H Yim Kđoh, Phó kuang atbồ UBND càr Dak Lak yal, càr gam lơh ngan tơnguh wơl ală broă lơh nhơl chờ mờ jơnau yal càr Dak Lak là “Anih tus niam ờ do ờ dă, đềt mềr, geh uă bơta niam chài rơgơi Tây Nguyên dê” mờ “Tơmù khà priă mơya ờ tơmù bơta niam”.

-Tàm broă pơgồp bal, broă lơh mùl màl bơh ală mpồl lơh sa kă bro geh ală khà broă loh làng kờ` càr Dak Lak pơn jăt tai ai go\ rùp rài tơrgùm bal tơl ală bơta trồ tiah, bơta niam ù tiah mờ kòn bơnus đềt mềr mờ cau năc.

Kờ` lơh geh bơta do, den jơh ală bơta ờ mìng gah nhơl chờ mờ jơh ală mpồl lơh broă chính trị pal tus bal, ală sở, gah lơh broă mờ gơnoar, kơnòl is geh broă lơh mùl màl is, lơh bè lơi bal mờ ală mpồl lơh sa kă bro kờ` gơtùi tơnguh wơl tơnơ\ mờ kòp Covid-19.

Cau mblàng Ndong Brawl