VOV4.K’ho- Ơm ngài mờ tiah tờm kơnhoàl M’Drăk 50 kơi sồ, Hìu bơsram Kấp dùl La Văn Cầu tàm xã Cư San geh dùl anih hìu bơsram tờm mờ 2 anih hìu bơsram rah rài, tơl anih hìu bơsram rah rài ơm ngài wơl tai mờ gơ\p 5 kơi sồ. Ngan tài bơh ù tiah ngài ngan, lòt rê kal ke, làng bol ơm kis rơha rah rài den tàng nàng hòi jà mè bèp ai ală oh in lòt bơsram là jơnau ờ go\ [ươn dùl êt lơi. Tàm do, ală pơgru kung gam pơn jăt tai pal bơto pơgồp bal ơdu\, pal lòt gan gùng ngài, hòi jà làng bol lòt bơsram.

Sền go\ klau pơgru Đỗ Công Bắc ătbồ ơdu\ pơgồp bal ơdu\ 2 mờ ơdu\ 3 den hơ\ sồng go\ geh bơta bòl glar kal ke bơh cau pơgru tàm tiah do dê. Pa jơh bơto tiết ai kơnòm bơsram ơdu\ 2 in den pơgru wơl bơto tai ơdu\ kơnòm bơsram ơdu\ 3 môn toán in. Jơh dùl [ùi bơto, klau pơgru Bắc ờ geh tu\ jiơ nàng ơm rlô. Bulah bòl glar kal ke ngan mơya klau pơgru Bắc sùm lơh ngan jơh pràn he dê bal mờ bơta kơ\p kờ` oh lơi kung chài sền, gi\t cih lơm. Klau pơgru Đỗ Công Bắc đơs: Bồ tơngoh gi\t wa\ bal bơh kơnòm bơsram dê, bơto ơdu\ pơgồp bal den ờ gơtùi bơta jak lơh geh bè mìng bơto dùl ơdu\ lơm ờ. Bơto ơdu\ pơgồp bal den tu\ he bơto đah ne là môn toán, đah do là môn tiếng Việt, den tàm ală tu\ tàm sơlơ\u 2 môn kal ke ngan. Tu\ he đơs ơdu\ 2 den pal tam gơl ai kơnòm bơsram ơdu\ 3 in geh tu\ jiơ cribơyai halà lơh dùl broă jơnau lùp lơi tàm bài tập hơ\. Den tàng pa mu\t bơto tàm tu\ jiơ hơ\, cau pơgru sùm ơm tàm nùs nhơm  dùl tu\ geh 2 jơnau bơto. Bulah kal ke bè hơ\, mơya bol a` sùm lơh ngan nàng ală oh in bơsram jơh ơdu\ 2 mờ ơdu\ 3.

Ơdu\ bơto bal kơnòm bơsram ơdu\ 2 mờ ơdu\ 3 bơh klau pơgru Đỗ Công Bắc dê tàm hìu bơsram Kấp dùl La Văn Cầu, xã Cư San, kơnhoàl M’Drăk, càr Dăk Lăk

Ờ go\ di mìng lơh ngan tàm broă bơto kơnòm lơm, uă cau pơgru bơh hìu bơsram dê kong mờ rài kis ơm ngài mờ hìu bơnhă nàng pah poh lòt tai gùng jòng 50 kơi sồ nàng lòt bơto kơnòm. Ờ gơtùi lòt rê tàm ngai, uă cau pơgru neh ơm wơl tàm hìu bơsram bulah rài kis gam siơ\u siar ngan mơya cau pơgru tàm do kung gam pin dờn, tàm pơndờm pơnđiang bal mờ gơ\p lơh ngan bơto kơnòm. Bơto tàm hìu bơsram kấp dùl La Văn Cầu rlau 5 nam do, ùr pơgru Đinh Hồng Thiêng Phương, yal bè do: Tàm do, drà ờ geh, drà ơm ngài mờ tiah tờm kung ngài ngan sơl, uă ngan là bol a` pal jun phan sa bơh bơdìh tiah tờm cèng tàm do tơnơ\ hơ\ sa rơhời. Lòt rê tìp trồ mìu, gùng bo\ bil ntiar lơm bè lơm, ală ùr pơgru măy rơndeh ờ  pràn den tàng uă ngan ală ùr pơgru ơm wơl tơn tàm do. Tơnơ\ tu\ ơm tàm do tam tìp mờ ală oh, sền go\ ală oh bòl glar den kung là sơnđàc ngan sơl den tàng ală ùr pơgru kung lơh ngan ơm wơl tàm do nàng bơto sră ai ală oh in.

Klau pơgru Võ Ngọc Huỳnh, Kuang ătbồ Hìu bơsram Kấp dùl La Văn Cầu, xã Cư San, kơnhoàl M’Drăk, càr Dăk Lăk pà gi\t, jơh gùt hìu bơsram geh 13 ơdu\ bal mờ rlau 300 nă kơnòm bơsram bơh ơdu\ 1 tus ơdu\ 5, tàm hơ\ 90% ală oh là jơi bơtiàn kòn cau. Jơh gùt hìu bơsram geh 30 nă kuang bàng, cau lơh broă, mơya rlau nggùl khà hơ\ hìu bơnhă ơm ngài mờ hìu bơsram bơh 50 tus 100 kơi sồ. Bulah ờ wa\ wờng bè dà đơs kal ke tus kàr lơi, ù tiah [òn lơgar brê bơnơm ngài ngan, kal ke ngan tus gi\t nđờ, mơya jơh ală kung ờ jai kơryan geh bơta kờ` gơboh bơh ală pơgru dê lời ai ală kơnòm bơsram in. Mpồl kuang ătbồ hìu bơsram mờ cau pơgru tàm hìu bơsram sùm tam klăc bal, tàm pơndờm pơnđiang bal mờ gơ\p nàng tơl nă pơgru sơrlèt gan kal ke bơto sră ai oh kòn làng bol jơi bơtiàn kòn cau in, pơgồp bơnah uă ngan ai bơta jak bơto bơtê bơh hìu bơsram tiah sar lơgar ngài Cư San do dê ngai sơlơ gơguh tai. Klau pơgru Võ Ngọc Huỳnh, đơs: Pơgru tàm hìu bơsram mìng là pơgru ơm ngài jơh lơm. Rềp iên ngan rlau jơh là 50 kơi sồ, gam wơl là 100 kơi sồ, 70, 60 kơi sồ jơh. Hìu bơsram sùm pơndờm pơnđiang ală ùr pơgru geh bal bè nùs nhơm bal mờ phan bơna nàng ală pơgru in iang nùs bơto kơnòm. Sền bal mpồl cau pơgru iang nùs lơh broă, jơh nùs jơh tồr, bơceh pa den tàng ală srơh dơ\ pơrlòng bơh hìu bơsram dê bulah là hìu bơsram tàm tiah sar lơgar ngài mơya lòt pơrlòng den sùm lơh geh cồng nha jơnhoa ngan.

Ală ngai chờ, ngai sa tềp ờ geh bơkàu, ờ geh phan mơya ală cau pơgru bơh Hìu bơsram Kấp dùl La Văn Cầu dê ờ go\ ai jơnau hơ\ nàng lơh bơta muăt jrùm ờ. Tài bơh sền bơta bòl glar, r[ah lơ ời, siơ\u siar, tơryang bơsram bơh bol kơnòm kòn se tàm tiah do dê dong khi in sơlơ geh tai bơta pin dờn, bơta gơn kơnờm nàng pơn jăt tai lơh duh hồl bơta kờ` bơto bơta gi\t wa\ ai ală kơnòm bơsram r[ah tiah sar lơgar ngài in.

            Cau cih Vũ Hương Lý- Cau mblàng Lơ Mu K’Yến