VOV4.K’ho – Bơh bồ nam tus tu\ do neh geh 2600 mpồl lơh sa kă bro di mơ mờ dềt tàm ù tiah càr Dak Lak càn priă ală anih priă jền dê mờ priă càn là 16 rbô tơmàn nàng bơcri tàm broă lơh sa kă bro, gơguh 16% pơndrờm bal dùl tu\ mờ nam lài. Ồng Tăng Hải Châu kuang jat jơng atbồ Anih priă jền dà lơgar tàm Dak Lak, đơs là: priă càn gơguh nisơna là tài bơh priă cồng gơmù, mìng gam tàm pơgăp bơh 7-8% dùl nam ai priă càn lơyah tơngai in, priă càn di mơ tơngai mờ jo\ tơngai uă ngan là pơgăp 9% dùl nam. “Rài lơh sa Dak Lak dê gam pơn jat tai geh ală tam gơl uă ngan, kuơmàng là tiah lơh broă sa sươn sre [òn lơgar, tiah mờ làng bol gam kờn priă uă ngan. Tu\ mờ anih priă jền dong kờl bè hơ\ den làng bol kung bè mpồl lơh sa kă bro kờn ngan càn priă anih priă jền dê, rcang jòi priă jền nàng ngui tàm broă lơh sa kă bro bơh he dê”.

Cau mblàng Lơ Mu K’ Yến