VOV4.K’ho- Mho ngai 4/6, Sở Giáo dục mờ Đào tạo càr Dak Lak pà g^t, neh g^i jơnau yal dùl Hìu bơsram kấp 3 tàm càr sang te\ is uă môn bơsram chính khoá, tơnguh is bơsram ală môn Toán, Văn, mờ dà Mỹ tàm jiơ bơsram tờm den hơ\ sồng ai priă bơsram tơnguh tiết bơsram bơh jơh ală kơnòm bơsram dê mờ khà priă bơh 140 rơbô đong tàm dùl môn. Broă hìu bơsram do neh ai is priă tơnguh tiết bơsram mờ 3 môn geh halà ờ, kung gam pơn jat tai geh lơh loh sơl nàng geh gùng dà lơh glài di pal.

Hìu bơsram kấp pe Chu Văn An ([òn dờng Buôn Ma Thuột) geh đơs là sang te\ is môn bơsram mờ tơnguh is tiết bơsram nàng ai priă kơnòm bơsram dê 

Jat Sở Giáo dục mờ Đào tạo càr Dak Lak dê yal:  tu\ g^t jơnau yal bè Hìu bơsram kấp pe Chu Văn An [òn dờng Buôn Ma Thuột sang te\ uă môn bơsram chính khoá, tơnguh is tiết bơsram môn Toán, Văn, dà Mỹ mờ ai priă bơsram 3 môn do. Den Sở neh crơng gơs mpồl lòt sền lơh broă mờ Ban giám hiệu hìu bơsram kấp pe Chu Văn An dê.

Đah Hìu bơsram neh dờp là geh lơh tìs tàm broă tam gơl ală môn bơsram tìs mờ jơnau sồr. Ai ngan ngồn khà tiết bơh tơl môn bơsram gơtìp tam gơl tus khà lơi, lơh mbè lơi mờ hìu bơsram neh ai priă bơh tiah lơi, kung gam geh pơn jat tai lơh loh. Jat Sở Giáo dục-Đào tạo, nùs nhơm bơh Sở dê là lơh glài krà` ală jơnau lơh tìs dilah geh.

Cau mblàng K’ Hạnh