VOV4.K’ho – Kuang àng càr Dak Lak gam mu\t lơh dơ\ lòt sền jơh, mờ lơh glài lơh tìs tus mờ rơndeh pơndiang năc tàm ù tiah càr dê; tàm hơ\ lơh uă tàm ală gùng rơndeh dờng, kuơmàng là gùng Hồ Chí Minh pa geh ai rơndeh in lòt. Bơh tu\ do tus ngai 20 tus do, mpồl lơh broă geh gơnoar sơlơ lòt sền uă, gròi sền bơta lơngăp lơngai ờdo ờdă gùng lòt tàm ală gùng dờng 26, 27, gùng Hồ Chí Minh mờ tàm dơlam [òn dờng Buôn Ma Thuột; ngui uă ngan ală rơndeh rơndồ, măy mok mờng ngui tàm broă lơh neh geh ai nàng sền go\ mờ lơh glài kràn ală cau lơi lơh tìs tàm broă lơh sa kă bro pơndiang phan pơndiang năc; tơrgùm lơh glài kràn mờ kơryan jơh jơnau rơndeh rò jun năc khat gơboh, ờ di anih.

Rơndeh Thu Đức

Ồng Bùi Văn Ngọc kuang atbồ Cơldu\ lơh broă sră nggal Mpồl sền gàr ờdo ờdă gùng lòt càr Dak Lak, đơs: “Kuang àng càr neh geh broă rơndăp lơh sồ 259 lòt sền jơh mờ lơh glài lơh tìs tus mờ rơndeh pơndiang năc tàm ù tiah gùt càr dê. Do là dùl broă rơndăp lơh kuơmàng, lòt sền jơh mờ lơh glài lơh tìs tus mờ rơndeh pơndiang năc, lơh uă tàm ală gơl gùng kuơmàng bè gùng rơndeh dờng 14, 26, 27 mờ gùng lòt tàm dơlam [òn dờng. Tu\ mu\t lơh broă rơndăp lơh do, do geh gơ gơs là broă lơh kuơmàng nàng ai gùng Hồ Chí Minh mu\t ngui den bơta rềs àr gùng lòt ngan ngồn là geh gơmù. Tàm tơngai mờr tus, Mpồl sền gàr ờdo ờdă gùng lòt càr dê geh pơn jat tai yal mờ Anih duh broă làng bol càr in pơn jat tai mu\t lơh broă rơndăp lơh pơgồp bal ală gah nàng lòt sền bơta dờng thùng rơndeh tàm ù tiah càr”.

                                               Cau mblàng Lơ Mu K’ Yến