VOV4.K’ho – Rơndap broă lơh anih lơh niam wơl dà [ơ\ tuh tơlik geh bơcri git nđờ jơt tơmàn đong tàm Cụm công nghiệp Tân An, [òn dờng Buôn Ma Thuột, càr Dak Lak tơ nơ\ mờr 10 nam lam lơh kung ờ hềt lơh sir sơl, gơtìp sang te\ gời. Bulah bè hơ\, cau tờm lơh rơndap broă neh 3 dơ\ geh tơm pria\ mờ khà pria\ rlau 16 tơmàn đong. Mơya Sở Xây dựng Dak Lak pà git, khà broă lam lơh ngan ngồn mìng 7 tơmàn 700 tơlak đong. Rlau 8 tơmàn đong geh tềl tơnggo\ geh tă tơm blơ\ blac, ờ ngan ai ală mpồl lơh rơndap broă in. Anih lơh broă geh gơ noar gam lùp khàu lơh loh broă do.

Tàm Cụm công nghiệp Tân An 1 mờ 2, [òn dờng Buôn Ma Thuột, càr Dak Lak tu\ do geh 68 rơndap broă gam lơh broă, 18 rơndap broă gam geh lơh mờ 2 rơndap broă neh ơm ờ lơh broă. Ồng Phạm Duy Toản, Kuang atbồ Thanh tra Sở Tài nguyên mờ Môi trường càr Dak Lak pà git, bơta tuh dà [ơ\ tàm tiah ơm kis tàm Cụm công nghiệp do pal đơs lài ngan. Thanh tra sở pơgồp bal mờ Phòng Cảnh sát tiah ơm kis, Kuang àng càr neh lòt sền mờ lơh glài 6 mpồl tuh dà [ơ\ mờ khà pria\ lơh glài bơh 7 tơlak tus mờr 100 tơlak đong.

Cảnh sát lùp khàu neh lùp khàu wơl broă lơh tìs tơ nơ\ 3 nam gơtìp tơn lời ờ ai lùp khàu

Broă trạm lơh niam wơl dà [ơ\ tuh tơlik geh lam lơh bơh nam 2012 tus tu\ do kung ờ hềt lơh gơs sơl neh lơh gơ rềng ua\ ngan tus broă lơh niam wơl dà [ơ\ tuh tơlik tàm cụm công nghiệp do mờ là jơnau lơh gơbàn bơta [ơ\ tiah ơm kis: “Lơh trạm lơh niam wơl dà [ơ\ tuh tơlik geh lơh bơh nam 2012 tus tu\ do kung ờ hềt lơh sir sơl, gam gơtìp sang te\ gời. Ờ hềt geh anih lơh niam wơl dà [ơ\ tuh tơlik tơrgùm bal den kal ke ngan tàm broă lơh niam wơl dà [ơ\ tuh tơlik, lơh gơlik bơta dà [ơ\ geh tuh hơg tơnau Ea Trum, lơh [ơ\ [ơl tiah ơm kis”.

Bơh nam 2012, rơndpa broă lơh anih lơh niam wơl dà [ơ\ tuh tơlik tơrgùm bal bơh Cụm Công nghiệp Tân An dê geh pria\ bơcri lơh rlau 37 tơmàn đong geh lam lơh mờ kờp du\ lơh gơs tàm nhai 8 nam 2014. Lơh broă bal đah Kong ti TNHH Bơt bơtàu Tiến Thịnh mờ Kong ti Cổ phần Cơ khí Hà Giang Phước Tường geh rơ wah lam lơh rơndap broă, mơya neh ơm ờ lơh broă bơh nhai 5 nam 2014 tu\ broă lơh kung gam ờ hềt geh lơh sir. Bulah bè hơ\, cau tờm lơh rơndap broă neh 3 dơ\ geh tơm pria\ lơh mờ khà pria\ rlau 16 tơmàn đong. Mơya Sở Xây dựng Dak Lak pà git, khà broă lam lơh ngan ngồn mìng 7 tơmàn 700 tơlak đong. Rlau 8 tơmàn đong geh tềl tơnggo\ geh tă tơm blơ\ blac, ờ ngan ai 2 mpồl geh rơ wah lam lơh rơndap broă in.

Broă lơh geh tềl tơnggo\ tơm pria\ blơ\ blac, ờ ngan

Nhai 9 nam 2016, Kuang àng [òn dờng Buôn Ma Thuột neh yă broă lơh tìs hình sự, mơya 1 nam tơ nơ\, anih cảnh sát lùp khàu Kuang àng càr Dak Lak tơlik kơrnuat tơn lời lùp khàu broă lơh tìs tài pà git ờ geh tơl bơta nàng gơ gơs cau lơh tìs. Nggùl nam 2020, Thường trực Tỉnh ủy, Ủy ban Nhân dân càr Dak Lak neh sồr Ủy ban Nhân dân [òn dờng Buôn Ma Thuột dan lơh wơl broă lùp khàu broă lơh tìs. Trung tá Nguyễn Đức Tin, Phó Kuang atbồ Phòng cảnh sát lơh sa, geh Kuang àng càr Dak Lak sồr lòt pơrjum pà git, tu\ do, anih cảnh sát lùp khàu neh lùp khàu wơl broă lơh tìs: “Gơ rềng tus broă lơh glài ală mpồl cau, cau dùl nă să lơh tìs tu\ lam lơh broă lơh anih lơh niam wơl dà [ơ\ tuh tơlik bơh Cụm Công nghiệp Tân An 1 mờ 2 dê den anih cảnh sát lùp khàu Kuang àng càr neh pơgồp bal mờ Viện Kiểm sát Nhân dân càr lùp khàu wơl broă lơh tìs. Bol hi gam tơrgùm, kơ lôi sơ nơng sră nggal, cơng tàng nàng lơh glài ală mpồl cau, cau dùl nă să jat di mờ jơnau cih bơh adat boh lam dê”.

Trung tá Nguyễn Đức Tin kung pà git tai, Kuang àng càr gam pơn jat tai pơgồp bal mờ ală anih lơh broă geh gơ rềng nàng lùp khàu, kơryan mờ lơh glài krà` ală mpồl tuh dà [ơ\ tàm Cụm Công nghiệp Tân An.

Anih lơh niam wơl dà [ơ\ tuh tơlik git nđờ jơt tơmàn đong ờ hềt lơh sir mờ gơtìp sang te\ gời

Ồng Y Giang Gry Niê Knơng, Phó Chủ tịch Ủy ban Nhân dân càr Dak Lak đơs nền, càr kơp kờ` mờ lơh gơlik bơta niam nàng bơtàu tơnguh công nghiệp, bulah bè hơ\ jat nùs nhơm ờ lơh aniai tus tiah ơm kis. Đơs ngan tu\ ờ hềt lơh gơs bơnah broă anih lơh niam wơl dà [ơ\ tuh tơlik den ờ hềt ai lơh broă, mơya Cụm công nghiệp Tân An neh lơh broă mờ ai go\ gam ua\ bơta ờ niam lơh gơbàn [ơ\ [ơl tiah ơm kis. Ồng Y Giang Gry sồr ală anih lơh broă geh gơ noar bơh càr mờ [òn dờng Buôn Ma Thuột dê lơh broă nàng kơryan bơta do: “{òn dờng, kuang àng càr bdrờm geh mpồl lơh niam bè tiah ơm kis, kươmàng là Sở Tài nguyên Môi trường, a` sồr ală oh mi tàm tơngai tus pal sền gròi, lùp sền broă tiah ơm kis tàm do. Kuơmàng den dan mờ Ủy ban Nhân dân càr sồr tơn lời lơh broă ală mpồl lơh sa kă bro. Pal geh broă lơh pràn den hơ\ sồng gơtùi ơm broă tuh tơlik dà [ơ\”.

Kung jat ồng Y Giang Gry đơs, Cụm Công nghiệp Tân An pal geh anih lơh niam wơl dà [ơ\ tuh tơlik tơrgùm bal, Den tàng, Sở Kế hoạch mờ Đầu tư pal kơ lôi sơ nơng pria\ bơcri dimơ tơngai nàng tơ nơ\ tu\ geh jơnau đơs pơn dut lùp khàu, lơh glài broă lơh tìs den pơn jat tai tă pria\ lơh anih lơh niam wơl dà [ơ\ tuh tơlik.

Cau cih Công Bắc – Cau mblàng K’Duẩn