VOV4.K’ho- Tàm [òn dờng Buôn Ma Thuột, Ủy ban Nhân dân càr Quảng Ninh pơgồp bal mờ Ủy ban Nhân dân càr Dăk Lăk bơyai lơh broă hòi jà cau lòt nhơl càr Quảng Ninh nam 2020. Sở Văn hoá, Thể thao mờ Du lịch càr Quảng Ninh yal tơngi\t ală broă lơh hòi jà lòt nhơl bơh càr dê bal mờ ală bơta phan bơna niam ngan.

Kuang đơng lam bồ 2 càr gơn kơnờm broă lơh geh lơh pràn broă lơh gah nhơl chờ tơnơ\ tơngai gơbàn kòp dờng Covid-19

Mơkung yal tơngi\t bè broă dong kờl hòi jà lòt nhơl bơh càr Quảng Ninh dê bal mờ uă bơta dong kờl, bè: ờ sa jơh ală priă tă priă lòt còp pòt dà lềng Hạ Long, tiah nhơl chờ tiơng pơnrơ Yên Tử, Bảo tàng Quảng Ninh tàm ală ngai lơh chờ, bè ngai 28/6; 9/7; 27/7; 19/8; 2/9; 20/10; 20/11 mờ 22/12.

Tơrmù nggùl priă tă lòt còp ală anih nhơl chờ pa yal tàm nhai 6 mờ nhai 7 nam do. Ờ sa priă lòt còp pòt dà lềng Hạ Long, tiah nhơl chờ tiơng pơnrơ Yên Tử Du gơ wèt mờ năc tus Quảng Ninh bơh {làng rơndeh par dunia Vân Đồn. Mpồl tam klăc bal hòi jà lòt nhơl bơh 2 càr dê kung yal bè ală bơnah dong kờl hòi jà lòt nhơl bơh tơl càr dê, cribơyai lơh loh ală broă tàm ală tu\ tus bal lơh bal hòi jà lòt nhơl.

Cau mblàng Lơ Mu K’Yến