VOV4.K’ho - Jăt jơnau yal bơh UBND kơnhoàl Ea Kar, càr Dak Lak, broă chu, mus kơl brê, sơgràm ù brê tàm kơnhoàl do kàl prang pa do gơbàn kal ke tàm bơnah bă brê geh Công ty Lâm nghiệp Ea Kar dê, tiah rềp bơh kơnhoàl Ea Kar mờ ală kơnhoàl Krông Bông mờ Mdrak.

        Jăt khà kờp ờ hềt tơl, bă brê gơtìp chu aniai, mus sơgràm di pơgăp bơh 130 tus 140 lồ

Jăt cồng nha sền gròi ing geh ală gah lơh broă geh gơnoar kơnhoàl Ea Kar dê, bă brê gơtìp chu aniai, sơgràm di pơgăp bơh 130 tus 140 lồ.

Cau mus aniai brê, chu brê mờ sơgràm ù brê geh sền là cau kòn cau H’mông gam kis tàm xã Cư\ Pui, kơnhoàl Krông Bông mờ xã Cư\ San, kơnhoàl Mdrak.

Ală gah lơh broă geh gơnoar tàm kơnhoàl Ea Kar bal mờ gơnoar atbồ ală xã do gam pơgồp bal lùp sền bă brê kờ` g^t loh broă do nàng bơsong di jăt mờ adăt boh lam.

Broă mus, chu aniai brê tàm Công ty Lâm nghiệp Ea Kar kung neh geh kơnhoàl Ea Kar yal tus mờ đah sền gàr brê, gơwèt Sở NN mờ PTNT bal mờ UBND càr Dak Lak kờ` geh jơnau đơng lam bơsong di jăt gơnoar broă.

Cau mblàng Ndong Brawl