VOV4.K’ho – Drim òr ( 09/7), Mpồl duh broă ala mat làng bol càr Dak Lak kơnă 8 mut pơrjum dơ\ 10. Jơnau yal tàm dơ\ pơrjum đơs: 6 nhai bồ nam, Dak Lak geh 11 tàm khà 18 jơnau kờ` lơh sa - mpồl bơtiàn geh gàr niam tơngai mut lơh mờ digơlan geh lơh jơh rơndap broă. Ală khà lơh geh lơyah rlau mờ rơndap broă là khà gơguh lơh sa, lam sồr priă bơcri gùt mpồl bơtiàn, tă dia dà lơgar mờ priă lơh geh bơh tac phan hờ lơgar cau…Tàm dơ\ pơrjum do, ală kuang bàng Mpồl duh broă ala mat làng bol càr Dak Lak cribơyai, ai tơlik ală broă lơh tă bơsong kal ke tus mờ ală khà lơh sa - mpồl bơtiàn ờ hềt lơh geh jat rơndap broă. Ồng Nguyễn Ngọc Những kuang atbồ mpồl lơh sa, tă dia, Mpồl duh broă ala mat làng bol càr Dak Lak đơs: “ Kơnòl 6 nhai gam wơl kơnjơ\ kơnjut ngan, Anih duh broă làng bol càr pal geh broă lơh pràn rlau tai nàng ngui khà ai priă dia, ngan là chồl mhar broă ai dồs jơngkah priă dia. Bal mờ hơ\, kơnòl ai tơlik bè bơt bơtàu [òn lơgar pa tus nam 2015 digơlan mìng geh 12 ntum, tàm tu\ hơ\ khà ai tơlik là 30 ntum. Tu\ do, bol he tơrgùm priă bơcri kes priă là uă ngan, priă lam sồr bơh làng bol, ngan là bơh ală mpồl lơh sa kă bro gam ờ hềt uă; den tàng, pal tơrgùm tơl bơta pràn bơh kes priă kung bè mpồl lơh sa kă bro mờ lam sồr bơh làng bol dê nàng lơh geh ală khà bè [òn lơgar pa.”

                                                                                   Cau mblàng K' Duẩn.