VOV4.K’ho – Drim òr, 13/10, Mpồl Đảng càr Dak Lak mut lơh pơrjum cau ala mat dơ\ 16, tơngai lơh broă bơh nam 2015 tus nam 2020 geh bơta tus bal bơh 350 nă cau, ala mat tus mờr 64 rbô nă cau geh Đảng tàm gùt mpồl Đảng. Đại tướng Trần Đại Quang, kuang geh jơng Gah gùng dră bal dà lơgar, kuang atbồ Gah kuang àng dà lơgar, mơ là kuang atbồ mpồl đơng lam Tây Nguyên neh tus bal mờ đơng lam pơrjum. Jat jơnau yal gùng dră bal tàm dơ\ pơrjum, tơngai lơh broă lài, lơh sag eh khà bơtàu tơnguh niam, bơta dờng, bơta niam broă lơh sa pơnjat tai geh bơtàu tơnguh. Kờp jơh khà phan lơh geh tàm càr gơguh 8% pah nam, priă lơh geh tàm dùl nă cau mờr 35 tơlak priă; khà hìu nhă gơmù rlau 14%. Mpồl Đảng càr Dak Lak tơlik 20 khà mùl màl tàm tơngai lơh broă tus. Tàm hơ\, khà bơtàu tơnguh lơh sag eh bơh 8,5 tus 9%, lơh ngan tus nam 2020, priă lơh geh tàm dùl nă cau rlau 60 tơlak priă, tă dia geh mờr 5 rbô tơmàn priă. 40% khà ntum geh khà tơl [òn lơgar pa, pah nam khà hìu nhă rơbah gơmù bơh 2,5 tus 3%.

                                                                       Cau cih mờ yal tơngit K’ Duẩn.