VOV4.K’ho - Dùl nam pa gam tus mờ uă nùs nhơm kơ\p gơn pa. Nam do, uă hìu nhă rơ[ah tàm càr Dak Lak, tàm hơ\ uă ngan là ală hìu kis tàm tiah ngài di gơlan wă rò satềp nam pa chờ rơlao tu\ geh hìu pa lơh niam, kơl jăp mờ geh lơh bơh khà priă 167. ală hìu geh lơh bơh priă dong kờl, geh broă tă pơgồp bal, càn lài bơh hìu nhă, bơh cau tàm jơi nòi mờ geh broă tus bal bơh mpồl bơtiàn den tàng nùs nhơm wă rò satềp nam pa sơlo ram, mờ geh kuơ rơlao.

Ală ngai lồi nam, ùr bơklao ồng Y Tôn Niê (mờng sơnđan là ồng Ka Rit dê) kis tàm [òn Ea Knôp, xã Cư\ Ni, kơnhoàl Ea Kar, càr Dak Lak ờ ru ngan mờ broă rào hìu pa. ală kòn ồng ndrờm neh lòt lơh broă ngài, tus satềp hơ\ sồng rê, den tàng kis tàm hìu mìng geh 2 nă ùr bơklao ồng, sền gàr ală sao mờ lơh ngan pơs wàs hìu pa.

                         Ùr bơklao ồng Y Tôn Niê (dơ\ 2 mờ 3 bơh đah kiao) tềng đăp hìu pa geh lơh niam

Ồng yal, do là hìu geh gơnoar atbồ xã dong kờl lơh jăt broă lơh 167 bơh Chính phủ dê. Bal mờ khà priă dà lơgar dong kờl 9 tơlăk 500 rơbô đong, hìu nhă gam geh càn 25 tơlăk đong sa priă cồng ờ uă tàm 15 nam. Ồng lam sồr ală kòn càn tai oh mi tàm jơi nòi mờ tơrgùm bal mờ priă neh prăp gàr bơh hìu nhă dê tàm uă nam do, lơh gơs hìu niam, dờng ơnàng rơlao 70 thơ\k vuông, jơh mờr 280 tơlăk đong. Ồng Y Tôn Niê chờ hòp đơs:

-Hìu nhă lài do kal ke ngan, kòp tê jê să sùm, gal kòn den tàng phan sa, ào soh kung ờ tơl. Tềng đăp mờ rài kis kal ke bè hơ\, den gơnoar atbồ xã neh ai tơl bơta niam nàng hìu nhă gơtùi lơh geh 1 nơm hìu niam bè do, den tàng hìu nhă a` chờ hờp ngan. Bu\ lah kung gam dồs mờr 80 tơlăk đong ờ hềt tơm jơh, mơya bol a` kung chờ hờp ngan tài nam pa, ùr bơklao, oh kòn geh satềp tàm hìu pa niam, ơnàng, ờ gam ơm tàm hìu hăt, ờ su\k pah tu\ geh mìu càl bè lài tai.

Kung ndrờm mờ hìu nhă ồng Y Tôn Niê dê, hìu nhă lo\ H Mlam Byă, (gam sơnđan là mè Sơ Ri dê) kis tàm [òn ÊGa, xã Ea Kmut, kơnhoàl Ea Kar kung chờ hờp ngan sơl tu\ satềp nam do geh ơm tàm hìu pa sơl.

                    Lo\ H Mlam Byă (dơ\ 4 bơh đah kiao) chờ hờp tu\ satềp nam do jơh ală cau tàm hìu geh ơm tàm hìu pa
Lài do, pah tu\ trồ mìu, càl dờng, jơh 5 nă cau tàm hìu, tàm hơ\ geh bal mè neh kra, 2 nă kòn gam dềt mờ ùr bơklao ndrờm pal tus hờ hìu cau rềp bal nàng ơm tài ngòt hìu gơtìp tơrlah. Nggùl nam lài, geh dà logar dong kờl, hìu nhă lo\ H Mlam neh càn priă, pơgồp bal tai nàng lơh gơs dùl nơm hìu geh 140 tơlăk đong. Lo\ H Mlam chờ hờp yal, satềp nam do di gơlan là satềp chờ hờp ngan bơh lài tus tu\ do bơh hìu nhă lo\ dê.

-Satềp nam do neh geh hìu pa niam nàng ơm den tàng a` gơlơh chờ hờp ngan tài dà lơgar neh dong kờl ai càn priă nàng geh priă lơh hìu. Tu\ do, a` iang nùs ngan, lơh ngan tàm broă lơh sa nàng tơm dồs mờ brồ guh lơh sa tàm rài kis.

Lơh jăt kơrnoăt sồ 33 ngai 10 nhai 8 nam 2015 bơh Thủ tướng Chính phủ bè broă dong kờl lơh hìu gơwèt mờ hìu rơ[ah (gam sơnđan là broă lơh 167 tơngai dơ\ 2), tus jơh nam 2020, càr Dak Lak neh dong kờl lơh hìu ơm rơlao 7 rơbô 800 hìu làng bol mờ kờp jơh khà geh rơlao 312 tơmàn đong. Ală hìu geh lơh tơl niam 3 kră (kră bơnàng, kră kơl l^k gùt dar, kră rơkàng) di jăt mờ kơrnoăt geh ai, khà priă geh lơh di pơgăp bơh 40 tus 50 tơlăk đong tàm 1 hìu. Uă hìu geh broă dong kờl bơh ală cau tàm jơi nòi, [òn lơgar neh lơh geh hìu dờng niam.

Tàm broă lơh, geh ờ uă tiah neh rơcang lơh jăt broă dong kờl, jăt cơ chế atbồ mờ broă bơyai lơh cèng geh cồng nha niam. Bè tàm kơnhoàl Ea Kar, mìng is tàm nam 2020 neh lơh geh 133 nơm hìu cau rơ[ah in. Ồng Trần Duy Trường, Phó kuang atbồ phòng Kinh tế - Hạ tầng, Phó kuang atbồ mpồl đơng lam lơh jăt kơrnoăt 33 kơnhoàl Ea Kar pà g^t, jơh ală mpồl lơh broă chính trị mờ tơl nă kuang bàng tàm mpồl đong lam neh lơh ngan tus bal nàng dong kờl ai ală hìu nhă rơ[ah gờ` geh hìu ơm, dong kờl cau rơ[ah ring niam bè hìu ơm, iang nùs tàm broă lơh sa.

-Tàm ală ngai sơnrờp bol a` neh crơng gơs mpồl đơng lam geh ồng Phó chủ tịch UBND kơnhoàl lam bồ. Mpồl đơng lam bol a` bal mờ mpồl đơng lam tàm ală xã tus jơh ală [òn bơyai lơh ală dơ\ pơrjum lam sồr ală gùng dà broă lơh, ală broă gơrềng bal tus mờ lơh hìu 167 nàng ală hìu làng bol in wă, mờ tơrgùm ală khà nàng yal pah poh.

Bơyai lơh pơrjum pah poh mờ yal pah nhai bè khà kờp mờ broă lơh, mờ di tu\ bơsong ală kal ke tàm broă lơh nàng gàr niam jơh ală broă lơh gơrềng bal tus mờ broă lơh hìu ơm tàm kơnhoàl geh lơh niam.

Kờ` tus bal tơn jơh hìu sèt ai ală hìu rơ[ah, bơdìh mờ broă lơh 167, mpồl lơh broă ală cấp tàm càr Dak Lak kung lơh ngan hòi jà lơh hìu ơm bơh uă broă lơh geh kuơ dê, lơh broă dong kờl bè lơh hìu tam klăc, Chữ thật đỏ, hìu nùs nhơm… bơh tu\ hơ\, neh dong kờl ai uă hìu nhă kal ke ring niam hìu ơm, iang nùs tơnguh bơtàu broă lơh sa, klàs mờ rơ[ah. Nam pa do, geh tai uă hìu nhă rơ[ah tàm càr Dak Lak geh wă rò satềp hờm ram, geh kuơ tàm hìu pa lơh niam bơne\ rơlao.

Cau cih H’ Xíu H Mốc-Cau mblàng Ndong Brawl