VOV4.K’ho - Mờr 27 rơbô mpồl lơh sa kă bro, làng bol tàm càr Dak Lak geh ală mpồl ai càn, ngân hàng tàm càr lơh jăt ală broă dong kờl cau càn priă gơtìp aniai tài bơh kòp Covid-19.

Jăt khà kờp bơh Ngân hàng Dà lơgar Việt Nam tàm càr Dak Lak, kờp tus bồ nhai 6, gùt càr neh geh 32 tàm 47 mpồl ai càn priă geh khà priă jơnkah dồs gơtìp aniai tài bơh kòp Covid-19 mờ khà rơlao 9 rơbô 800 tơmàn đong, geh di pơgăp 10% khà priă jơnkah dồs ai càn priă.

Ală mpồl ai càn priă, ngân hàng tàm càr Dak Lak neh ai wơl tơngai tơm dồs rơlao 2 rơbô nă cau in mờ khà priă jơnkah dồs mờr 1 rơbô tơmàn đong. Mờ ală mpồl ai càn priă, ngân hàng tàm càr Dak Lak kung neh ờ sa ha là tơmù priă cồng càn priă ai rơlao 9 rơbô 300 nă cau in mờ khà priă jơnkah dồs 6 rơbô 800 tơmàn đong.

Bal mờ hơ\, mpồl ai càn priă, ngân hàng gam chồl pràn ală broă ờ sa, tơmù priă tă tàm broă lơh drơng ala điện tử kờ` dong kờl cau năc ngui broă lơh do in.

Cau mblàng Ndong Brawl