VOV4.K’ho- Tơnơ\ rlau dùl ngai geh mìu dờng tài gơrềng bơh mìu nhàc tiah duh sùh ìo dê, tiah dơlam tơnau dà Krông Pach Thượng, càr Dăk Lăk pơn jăt tai gơtìp ngơr bam dà uă ngan. Gi\t nđờ rhiang hìu bơnhă làng bol bal mờ gi\t nđờ rbô nă cau tàm do pal kong tai mờ bơta sơbơng roh ngan tài bơh mìu dà tih. Broă lơh ntrờn làng bol gam geh gơnoar ătbồ tàm tiah do lam jal mhar ngan. Pal sền ngăc là, do neh là dơ\ ntrờn làng bol jal mhar dơ\ 3 geh lơh tàm kàl mìu nam do, ală cồng nha lơh geh dùl êt ngan.

Uă hìu làng bol dê gơtìp ngơr bam tàm dà

Tus đơng lam tơn broă lơh rơcăng sơndră mờ mìu dà tih, ồng Nguyễn Thế Thập, Kuang ătbồ Phòng Nông nghiệp mờ Phát triển Nông thôn kơnhoàl M’Drăk dê pà gi\t, pơgăp 70 nă kuang bàng, cau ling gơ wèt ală mpồl ling bơh kơnhoàl dê neh geh ai tus tàm ală thôn: 9, 10, 11 bơh xã Cư San dê nàng lơh broă lơh ntrờn làng bol. Mơya, broă lơh ntrờn làng bol geh lơh rơle\ ngan. Dà mìu was geh tàm do gơguh tus mờr 160 milimet, dà ngơr tàm dơlam tơnau dơng dà tu\ do neh rlau 478 thơk. Dà tih bơh bồ tô dà pơn jăt tai gơ rê tus tàm tiah dơlam tơnau dơng dà lơh ngơr bam dà uă ngan.

Cau mblàng Lơ Mu K’Yến