VOV4.K’ho- Ală ngai do, tàm ală [òn càr Dak Lak, nùs nhơm chờ gờm Noel neh tus niam ngan. Uă gơl gùng tàm [òn jăt yàng bè tam gơl ào pa.Ală săp đơs crih chờ gờm Noel geh pờ, ală ồs đèng àng gơcrà niam tu\ trồ mang tàm ală gơl gùng, tàm uă hìu mờ nùs nhơm chờ hờp.

Tus mờ [òn jăt Yàng Bàp gơwèt hìu yàng Quỳnh Ngọc, ală cau ndrờm go\ loh làng ngan nùs nhơm chờ hờp chờ gờm Noel bơh làng bol jăt Yàng Bàp tàm do dê.

                  Gơnoar atbồ xã tus còp să, chờ gờm hìu yàng Quỳnh Ngọc tàm kàl Noel nam 2020

Gơlơh bè hìu lơi kung geh tòm nho Noel, che ồs đèng bơka geh tơl ală bơta dà sơng, che kim tuyến mờ uă phan bơka ndai mờ tơl bơta dềt dờng, dà sơng krơi is. Bi Trần Văn Đỗ, cau jăt Yàng Bàp tàm hìu yàng Quỳnh Ngọc đơs:

-Bol a` kung gam bơka ală phan nàng rơcang chờ gờm Noel, bơdìh mờ rơgồng lu\ den ngan do geh sơn đờm lơh, bol a` kung neh jòi gle nàng lơh gơng lài. Jăt mờ bơta pràn nam do den chờ rơlao mờ nam lài.

Tàm hìu yàng tờm bơh tiah jăt yàng Quỳnh Ngọc dê, nùs nhơm wă rò Noel gam geh ală làng bol jăt yàng lơh mhar ngan. Geh mpồl cau tàp đơs crih tamya, geh cau ờ ru mờ broă bơka rơgồng lu\, che ồs đèng…

                                    Ală cau jăt yàng gam lơh gơs broă bơka tàm hìu yàng Quỳnh Ngọc

Jơh ală broă lơh ndrờm kơ\p kờ` geh dùl kàl Noel chờ hờp, gơboh gơbàn. Ồng Juse Nguyễn Văn Lung, kis tàm [òn Ea Na, xã Ea Na, kơnhoàl Krông Ana, càr Dak Lak pà g^t:

-Mờr tus Noel bloh, să tòm a` bal mờ ală cau tàm hìu nhă chờ hờp ngan, tus bal mờ ală broă lơh tàm hìu yàng. Hìu nhă bol a` kung lơh rơgồng lu\ tàm hìu, tàm hìu yàng, gùng che ồs đèng àng bơka tàm [òn. Đơs bal, làng bol jăt yàng nam do là chờ hờp ngan.

Bèp yàng atbồ hìu yàng Quỳnh Ngọc, kơnhoàl Krông Ana, Nicola Lưu Nhất Tâm yal, Noel ờ mìng là ngai chờ kuơ màng bơh cau jăt yàng Bàp bol a` dê mờ gam là dơ\ nàng cau tàm hìu nhă, bơyô nrơh nrang tìp măt bal mờ tus bal lơh ală broă lơh chờ niam, pơ-rài bồ tơngoh.

Làng bol jăt yàng neh mờ gam wèt tus ală broă lơh geh kuơ màng, rơcang tơn jơh nam yau, wă rò nam pa mờ ală nùs nhơm kơ\p kờ` bal mờ broă rơcang lơh niam bơne\ mờ geh cồng nha tàm tơnơ\ do. Do kung là dơ\ nàng làng bol jăt yàng, ờ jăt yàng geh dơ\ tìp bal, tam klăc đềt mềr bal:

-Làng bol gam rơcang lơh ală rơgồng lu\ kung bè yồng đèng sơrma` nàng chờ gờm Kơnrà` l^k lìng. Nùs nhơm chờ ờ mìng geh mờ cau jăt yàng mờ gam geh bal tus mờ ală cau ờ jăt yàng sơl, ală oh mi [òn lơgar tus còp sền Kơnrà` l^k lìng, còp sền rơgồng lu\ kung bè tus bal ală broă lơh drơng chờ Kơnrà` l^k lìng tàm mang Noel 24 mờ àng drim ngai 25 tus do tàm nùs nhơm chờ bal mờ Kơnrà` l^k lìng.

Noel nam do, hìu yàng Quỳnh Ngọc gam bơyai lơh tai ală broă nùs nhơm dong kờl. Bơdìh mờ broă còp, pà phan ai ală hìu nhă làng bol jăt yàng gơtìp kal ke, lài mờ Noel, hìu yàng Quỳnh Ngọc neh tă 50 tơlăk đong nàng lơh nùs nhơm nùs, pà 1 hìu kal ke tàm tiah do in. Ồng Phan Ngọc Liệu, atbồ mpồl cau jăt yàng tàm hìu yàng Quỳnh Ngọc yal:

-Ờ mìng bè broă bơ\t bơtàu [òn lơgar pa, lơh gùng lòt, làng bol pah nam di tàm Noel ha là satềp den ndrờm geh ală broă lơh nàng dong kờl cau rơ[ah, lơh hìu nùs nhơm ai ală cau geh rài kis kal ke in.

Dùl kàl Noel tai mờr tus, làng bol jăt yàng Bàp Quỳnh Ngọc neh bơka niam tàm ală tiah gùt dar tàm hìu yàng, gùng lòt tàm ală [òn nàng chờ gờm Kơnrà` l^k lìng. Jơh ală broă ndrờm geh dùl nùs nhơm rơcang lài chờ gờm dùl kàl Noel chờ hờp mờ gơboh gơbài.

Cau cih Nam Trang-Cau mblàng Ndong Brawl