VOV4.K’ho - Ờ mìng dong làng bol bè ngai lơh broă, pơlam bơta chài lơh broă, ală kuang bàng, cau ling tàm pôs ling sền gàr tiah nhàr dà lơgar 737, lơh broă tàm ntum tiah nhàr lơgar Ia Rvê, kơnhòal Ea Sup càr Dak Lak gam pờ ơdu\, lam sồr làng bol tus bơsram nàng khi git sền sră, git cih. Bơta jơh nùs bơh ală cau ling neh pơ gồp bơnah tơmù bơta ờ git sră tàm ntum tiah nhàr lơgar, cèng wơl bơta git wă làng bol in.

            Sùm tàm tu\ 7 jiơ mơ gùl mang pah ngai, sap ntas bơsram jơnau geh mpong drờm ngan tàm hìu  bơsram ơdu\ bơh sơnrờp tàm  [òn 11, ntum Ia Rvê, kơnhoàl Ea Sup, càr Dak Lak. Do la ơdu\ bơsram git sra\ wơl tai bơh ala\ cau ling lam sồr làng bol, tiah pôs ling sền gàr nhàr lơgar 737 Ia Rvê lơh geh mờ khi la cau tus bơto tơn. Ơdu\ geh 26 na\ cau bơsram, sơnam bơh 15 tus 40, gal ngan la kòn cau Dao, Thái, Tày ơm kis tàm [òn 11 mờ [òn 4. Ala\ cau tus bal bơsram la ala\ cau lơh broa\  mut tus càr Dak Lak tus ơm kis jat broa\ lơh sa -sền gàr ngap lơngai bơh mpồl ling Binh đoàn 16 mut lơh, gal ngan  tàm khi la ala\ cau ờ git sra\. Geh ala\ cau ling sền gàr nhàr lơgar ờ geh mờ tus tơl hìu geh lam sồr, cau lơi kung chờ hờp lòt bơsram. Bi Lê Văn Hiếu 34 sơnam [òn tờm hờ Bến Tre tus tàm do ơm kis lơh broa\ sa bơh nam 2003. Tu\ gam  hờ [òn, bơh hìu nha\ rbah den tàng neh pal lòt lơh ơpah, bi Hiếu ờ lòt bơsram. Tơngai tơnơ\ geh tú sbal tàm ơdu\  bơsram cau ờ git sra\, bi neh git sền git cih. Bi Lê Văn Hiếu tam pà:“Tu\ ờ hềt lam lơh mut bơsram ơdu\ do den a` ờ git bơta lơi, bơh tu\ geh lòt bơsram  den kơnờm geh ala\ cau pơhru mờ ala\ bi cau ling sền gàr nhàr lơgar bơto bơtê tơl làm den tu\ do a` neh git ờ ua\ akhar, gơtùi sền geh sra\. Bơsram rê nàng he geh git, ua\ tu\ he lòt bồm sơnơm hala he geh lòt lơh bơta lơi hơ\ den he gơtùi sền git mat sơnđan sơnơm hala  bơta pơlam geh ngui nàng  he geh lơh niam rlau”.

            Oh Dương Thị Ngọc lan 15 sơnam, la bi bơh 2 na\ oh dềt. Hìu nha\ kal ke,  bơsram tus ơdu\ 2 ờư ờ bơsram bàn jơnau bơsram den tàng  Lan neh ơm nàng lòt  lơh broa\ jòi pria\ dong mè bèp. Geh  ala\ cau ling sền gàr nhàr lơgar tus hờ hìu lam sồr, Lan chờ hờp geh tus wơl lòt bơsram. Oh Dương Ngọc Lan đơs:“Oh geh bơsram toán mờ tiếng Việt, lịch sử mờ địa lý. Ưn ngài ala\ cau pơgru geh bơto, oh git đòk, git cih, oh bơsram niam nàng dong tus  rài kis, dong mè bèp  mờ nàng geh bơto wơl ala\ oh  dềt”.

            Nàng geh ơdu\ bơsram bè do la cồng nha bơh broa\ lơh pal sơr lèt gan ua\ ngan kal ke, cơldu\ bơsram geh jồm bơh hìu bơsram ơdu\ bơh sơnrờp, pria\ jền den ê\t ngan, pơgru ờ hềt geh bơto bè bơta chài bơto, ua\ cau bơsram geh bơsram gùl gơl den ờ kờ` lòt bơsram, ua\ ngai cau ling geh tus hờ hìu lam sồr,  tus lòt rò cau bơsram. Mờ bơta jơh nùs, ala\ cau ling drơng ơdu\ gam lơh ngan bơto bơtê mờ pơlam, tus bơto tơl na\ cau bơsram tàm tu\ bơsram, mơ kung geh kơnờm cau  pơgru bơh hìu bơsram kai I Nguyễn Đình Chiểu geh dong kờl bè bơta chài bơto. Lo\ Hồ Thị Thuỳ Dung cau pơgru bơh hìu bơsram kai I Nguyễn Đình Chiểu, ntum Ia Rve đơs:“Bulah ala\ cau ling tàm do ờ hềt geh bơto bơtê bơta lơh pơgru, mơya mờ nùs nhơm jơh nùs kờ` bơto git sra\ bơh ala\ làng bol tàm do, làng bol tàm do den ala\ bi neh lơh is mờ jòi git wa\ bơto git sra\ tus làng bol tàm do,  làng  bol tam do den ala\ bi neh sa\ tờm geh lơh is mờ geh jòi bơta chài bơto nàng tus bơto. Mang lơi den ala\ bi kung tus bơh gờ` ngan , lam sồr làng bol. Làng bol tus  tơngai lòt  tam bùm den lòt tam bùm,  rê  jơla ngan mờ geh ua\ cau ờ kờ` bơsram tai. Mơya,  mờ bơta jơh nùs ngan bơh ala\ bi den neh tus tơl hìu nàng lam sồr”.

Thượng uý Phạm Văn Hiếu atbồ mpồl lam sồr làng bol cau ling pôs ling sền gàr nhàr lơgar 737, cau neh sa\ tờm tus bơto ơdu\ cau ờ git sra\, bơh nam 2008 tus tu\ do, ala\ bi neh pờ 4 ơdu\ bơto cau ờ git sra\ tàm ntum. Ơdu\ bơsram geh pờ bơh nam 2012, geh 27 na\ cau bơsram. Khà cau bơsram do tu\ do ndrờm neh git đòk, git cih,  geh cau tơnơ\ bơsram jơh  gam pờ geh hìu tac phan, kờp du\ is tac phan. Do la bơta chờ dờng ngan tus mờ ala\ cau ling tus bal broa\ lơh pờ ơdu\ bơto cau ờ git sra\. Thượng uý Phạm Văn Hiếu boh bơr:“Tu\ lơi gam làng bol ờ git sra\ tàm tiah do den tus tu\ hơ\ bol a` gam lơh ngan nàng pờ ơdu\, bulah 1 hala 2 na\ cau den gam lơh ngan bơto.  Broa\ lơh bơh bol a` tàm tơngai tus tu\ bơto gơs ơdu\ bơsram tàm [òn 11 do geh pơnjat tai sền rwàng mờ bơyai lơh tàm  hờ [òn ndai tai. Geh tus sền tàm jơh ala\ [òn mờ [òn lơi geh ua\ cau ờ git sra\ ngan den he pal tus sền gròng, he tus pơlam sồr mờ gơlơh cau lòt bơsram geh ua\ ngan den he lơh lài. Lơh rhời nàng gàr geh tàm tơngai tus kơryan ngan tus khà lơyah ngan  mờ jơh ala\ cau ờ geh git sra\ tàm tiah nhàr lơgar”.

Mang tàm tiah nhàr lơgar, sap đòk jơnau bơsram bơh 26 na\ cau geh mpong ntas tàm cơldu\ àng đèng. Ala\ klau pơgru cau ling sền gàr nhàr lơgar gam lơh ngan pơlam bơto tus ala\ cau bơsram git akhar. Nùs nhơm ling klàng làng bol tiah nhàr lơgar slơ đềt mềr rlau tai bal.

                                                          }au mblàng K’ Brọp