VOV4.K’ho- Tềng đăp bơta gơbàn kal ke bơh kòp Covid-19 dê tàm gùt lơgar mờ bơta sơbơng roh bơh bơta tam gơl să pa virus Sars CoV-2 dê, nàng kờ` lơh jăt niam mờ dùl ròt bal broă lơh rơcăng sơndră kòp tàm ù tiah càr dê, kuơmàng tàm tơngai làng bol rê hờ [òn tờm wa\ rò sơnam pa sa tềp, Ủy ban Nhân dân càr Dăk Lăk pa geh sră sồr lơh broă lơh jăt bàr pe broă lơh rơcăng sơndră kòp tàm dơ\ sa tềp bơhiàn dà lơgar dê. Jăt mờ hơ\, Ủy ban Nhân dân càr Dăk Lăk sồr gơ wèt mờ ală cau bơh tiah kòp Hải Dương, Quảng Ninh, ală kơnhoàl, [òn dờng: Ia Pa, Ayun Pa, Krông Pa, Phú Thiện, Pleiku mờ ală kơnhoàl geh kòp tàm càr Gia Lai, làng bol pal lòt tus hờ hìu sơnơm rềp ngan rlau jơh nàng lơh jăt jơnau sồr yal mờ cau lơh sơnơm in mờ nàng geh bơta bơto pơlam broă lơh jăt ai ơm yah ngài tàm hìu tàm tơngai 21 ngai.

Sồr lơh jăt niam jơnau sồr 5 K ( chèu glòm muh mat, lơh kloh khuẩn, ơm yah ngài, ba` tơrgùm gal cau, yal mờ cau lơh sơnơm in) tàm broă lơh rơcăng sơndră kòp mờ sồr ba` lòt rê uă. Càr Dăk Lăk kung geh kơrnoat lơh nền ơm ing lơh broă ală anih lơh sa kă bro drơng broă karaoke, hìu bar, hìu tam ya bơh ngai 5/2 tus ngai 25/2/2021.

Cau mblàng Lơ Mu K’Yến