VOV4.K’ho - Jat kuang àng càr Dak Lak, tàm ala\ ngai ơm rlô chờ pa do, kờp bal pah ngai geh 2 na\ cau chơt mờ cau gơbàn sồt sa\ bơh  rềs àr gùng lòt, ua\ ngan bơh gal gùng lòt, ua\ cau ngui ua\ ir ơlak bièr gam lòt gùng sơl. Kờp tàm 6 ngai ơm rlô chờ, gùt càr Dak Lak gơlik geh 5 dơ\ rềs àr gùng lòt aniai ngan lơh 5 na\ cau chơt, 7 na\ cau sồt sa\, gơguh ua\ ngan pơndrờm mờ dơ\ ơm rlô chờ 30/4 mờ 1/5 nam lài.  Jat đại tá Nguyễn Văn Quy atbồ cơldu\ dong broa\ kuang àng càr Dak Lak, den gơlơh bè dơ\ ơm rlô chờ lơi kung la tu\ gơlik geh rềs àr ua\ ngan, bulah gah kuang àng tơngguh broa\ lơh sền gròi. Gơbàn bơta do ua\ ngan la tàm dơ\ ơm rlô chờ, cau mờ rơndeh đì lòt tàm gùng gal ngan, ua\ cau ma\y rơndeh tàm bơta `ô ua\ ir, ờ lơh tờm khà ma\y.

                                      Cau mblàng K’ Brọp.