VOV4.K’ho – Mho òr 01/12, Anih duh broă làng bol càr Dak Lak bơyai lơh Pơrjum tơn jơh kàl lơh kơphê nam 2014- 2015 mờ mu\t lơh kơnòl broă kàl lơh kơphê nam 2015- 2016.

Jat jơnau yal tàm dơ\ pơrjum do, bă kơphê kàl 2014- 2015 bơh càr Dak Lak dê là rlau 203.700 lồ, kơphê lơh geh rlau 444 rbô tấn, tăc mờ lơgar ndai rlau 177 rbô tấn, priă geh rlau 640 tơlak dolar Mỹ, gơmù mờr 28% pơndrờm mờ kàl lơh kơphê nam lài. Kàl lơh kơphê 2015- 2016 tus do, Dak Lak kờp du\ digơlan bă kơphê gơmù gam 200 rbô lồ, kơphê lơh geh kờp bal mìng geh 2 tấn 2 tàm dùl lồ, kơphê lơh geh digơlan gơmù pơgăp 4 rbô tấn. Do là nam dơ\ pe sùm kơphê Dak Lak lơh geh gơmù. Gơbàn jơnau do là tài bơh bă kơphê kra jo\ sơnam jơh tơngai ai tơnhàu kờ` pal geh tam pa wơl là uă ngan, bơta trồ tiah geh uă bơta ờ kuơ. Ồng Huỳnh Quốc Thích kuang jat jơng atbồ Gah lơh sa mờ bơtàu tơnguh [òn lơgar càr Dak Lak dê, pà gi\t: “Tàm tơngai tus do, gah lơh broă sa bol a` geh pơn jat tai bal mờ ală tiah sền gròi tus bơta bơcri priă sơngka sền gàr tơnguh jơnhoa bơta niam kơphê rlau mờ broă rề ơnàng bă ù tam kơphê. Dơ\ bàr là gàr sùm kơphê lơh geh pơgăp 450 rbô tấn pah nam. Dơ\ pe là bơta niam kơphê pal geh gơguh tai, tơnguh kơphê lơh gơs phan uă rlau nàng tơnguh jơnhoa khà priă lơh geh gơguh tai bơh phan bơna kơphê dê”.

Cau cih mờ yal tơngi\t- Lơ Mu K’ Yến