VOV4.K’ho - Broă sền wơl, tam cah phan OCOP (broă lơh tơl xã dùl bơta phan) gam gơs bơta pràn nàng lam lơh, lơh pa broă lơh sa [òn lơgar tàm càr Dak Lak.

Bơta do kung gam lơh geh bơta pràn dờng màng ngan ai broă bơ\t bơtàu [òn lơgar pa jăt broă lơh kơl jăp bơh broă ai go\ bơngă phan geh lơh bơh broă lơh sa suơn sre tàm xã dê.

{òk ca cao nguyên chất bơh Công ty TNHH Ca cao Nam Trường Sơn, xã Ea Na, kơnhoàl Krông Ana là phan OCOP 4 sơrma`, uă ngan tàm khà 11 bơta phan pa geh càr Dak lak sền, rơndăp khà. Ồng Trương Ngọc Quang, kuang atbồ công ty yal: Cao cao geh tam uă ngan tàm càr Dak Lak, ală phan geh lơh bơh ca cao càr dê kung geh bơta niam, mơya cau lơh sùm gơtìp kal ke tàm broă pơgồp bal broă lơh mờ broă kă bro, lơh broă bal tàm broă kă bro, ai broă lơh drơng ala.

Dà lơwe Cư\ Yang Sin càr Dak lak dê tus bal mờ broă yal phan geh lơh tàm dơ\ ràng tơl^k drà kă bro suơn sre mờ phan OCOP tàm Tây Nguyên nam 2019 (rùp tư liệu)

Den tàng, mờ broă dong kờl bơh càr dê, công ty neh ai [òk ca cao nguyên chất tus bal tàm broă lơh OCOP. Tài lơh jăt nền nòn jăt broă atbồ bơta niam, ndrờm bal phan geh lơh, ca cao Nam Trường Sơn geh rơndăp khà OCOP 4 sơrma`.

Jăt ồng Trương Ngọc Quang yal, do geh là dùl bơta [uơn nàng pha geh lơh gơtùi mhar tus bal tàm drà kă bro tàm lơgar mờ lơgar bơdìh:

-Nam Trường Sơn neh tus bal tàm ală broă lơh geh dờp kung bè là ală khà pơn jờng uă, mơya mờ broă lơh OCOP là dùl broă lơh ờ mìng càr dê mờ gam là dà lơgar dê, den tàng broă tus bal sền bơta dờp OCOP công ty kờ` geh 1 bơnah broă nàng ai tơngo\ wơl bơta kuơ khà măt kă bro nàng geh ală khà bơh OCOP dê, dùl bơnah kờ` lơh geh dùl mpồl bơtiàn ală bơta phan OCOP nàng gơtùi tìp bal, tam gơl ală broă lơh bal, lơh sa.

Mùl màl pà go\, broă lơh tơl xã dùl bơta phan lơh geh, ai geh bơta pràn tus mờ uă broă lơh pa, ală phan pa lơh geh tàm ală tiah. Mò Trần Thị Kim Luyến, cau tòm hìu lơh [òk rơm^t Kim Luyến pà g^t: Tus bal mờ broă lơh gơs phan jăt broă lơh OCOP là broă lơh nàng hìu lơh sa kă bro ai geh bơta tòm tàm broă ai să tòm mu\t tàm ală broă mblàng, sền wơl nền nòn gơtùi dờp loh làng ală bơta ờ pràn, ờ tơl nàng pơn jăt tai sền wơl broă lơh mờng chài nàng lơh gơs niam să tòm:

-Kung là dùl bơta tơlòng, mơya kung là bơta niam nàng phan lơh geh bơh a` dê geh drà kă bro g^t tus mờ kung geh mpồl duh broă sền ală bơta pràn, bơta ờ pràn nàng sền wơl mờ tơnguh bơtàu kơl jăp di pal mờ bơta kờ` bơh drà kă bro dê.

Jăt ồng Nguyễn Hoài Dương, kuang atbồ Sở Nông nghiệp mờ Phát triển Nông thôn càr Dak Lak yal, tam cah is, rơndăp khà, lir sơrma` ală phan geh lơh OCOP là cơng tàng bè bơta niam phan lơh geh.

Broă lơh do pơgồp bal tàm broă tơnguh jơnau g^t wă, kơnòl bơh làng bol, mpồl lơh sa kă bro dê tàm broă lơh, gàr niam khà măt bơh phan lơh geh OCOP kung bè gơnoar bơh cau ngui sa.

Do kung là bơta niam nàng broă lơh sa suơn sre càr Dak Lak tơnguh bơta niam ală phan lơh geh neh geh lơh tàm càr mờ tơnguh uă priă geh tus mờ mpồl lơh sa kă bro, hợp tác xã, hìu lơh sa kă bro. Den tàng, tàm tơngai tus, càr Dak Lak pơn jăt tai dong kờl ală cau tòm lơh tus bal sền wơl, tam cah is khà phan lơh geh OCOP geh cồng nha rơlao.

-Bè bơta tòm den ală phan neh geh tàm drà kă bro, mơya nàng lơh gơs ală khà niam jăt ală khà sơrma` den cau tòm lơh pal kơlôi sơnơng nền nòn rơlao mờ lơh gơs, kuơ màng là ală sră nggal di jăt mờ kơrnoăt geh nền nòn ngan.

Kờ` lơh geh bơta do, tàm tơngai tus, bol a` tơnguh broă bơto mpồl atbồ bal mờ mpồl ală cau tòm lơh do in nàng g^t nền nòn ală kơrnoăt mùl màl ngan.

Bơh tu\ hơ\, ai geh ală cau do in rơhời bơ\t bơtàu geh broă lơh, bơ\t bơtàu gùng dà broă lơh phan geh lơh, lơh jăt broă bơ\t bơtàu phan geh lơh mờ kuơ màng ngan là pơgồp bal tàm broă kă bro phan lơh geh.

Broă lơh OCOP geh sền là broă lơh geh cồng nha nàng tơnguh bơtàu mpồl phan geh lơh tàm xã, kơnhoàl dê. Bơh tu\ hơ\, ai broă bơ\t bơtàu [òn lơgar pa geh lơh nền nòn rơlao, geh cồng nha mờ kơl jăp.

Den tàng, càr Dak Lak ai khà tus jơh nam 2020 geh lơh gơs, tơnguh niam 27 bơta phan OCOP tàm gah lơh sa suơn sre mờ broă drơng ala, nhơl chờ lơh sa suơn sre, [òn lơgar tu\ do geh bơh ală tiah dê; dờp sră dờp bơh 1 tus 2 bơta phan geh 5 sơrma` cấp dà lơgar, bơh 10 tus 12 bơta phan geh bơh 3 tus 4 sơrma` cấp càr; lơh ngan bơ\t bơtàu bơh 1 tus 2 [òn nhơl chờ sinh thái mpồl bơtiàn, [òn chài rơgơi pơgồp bal mờ  [òn ơm kis lam lài.

Tu\ do, càr neh rơndăp khà geh 11 bơta phan, ală bơta phan gam tai geh pơn jăt tai sền wơl tàm dơ\ 2 nam 2020.

Cau cih Hương Lý-Cau mblàng Ndong Brawl