VOV4.K’ho- Drim ngai 19/3, tàm pơrjum tơngume, Hội đồng Nhân dân càr Dak Lak khoá 9, tơngai lơh broă bơh nam 2016 tus nam 2021 neh lam lơh broă tơn jơh at gơnoar broă, pồ bơ tơl gơnoar broă Phó Chủ tịch Hội đồng Nhân dân càr, Ủy viên Ủy ban Nhân dân càr Dak Lak khoá 9, tơngai lơh broă bơh nam 2016 tus nam 2021.

Jat hơ̆, Hội đồng Nhân dân càr Dak Lak neh pờ tê ring bal tơn jơh at gơnoar broă Ủy viên Ủy ban Nhân dân càr khóa 9, tơngai lơh broă bơh nam 2016 tus nam 2021 gơ wèt tus mờ Thiếu tướng Lê Văn Tuyến- lài do là Kuang atbồ Kuang àng càr tài neh dờp kơnòl broă ndai. Mơkung pồ bơtơl Ủy viên Ủy ban Nhân dân càr Dak Lak khóa 9, tơngai lơh broă bơh nam 2016 tus nam 2021 gơ wèt tus mờ Đại tá Lê Vinh Quy, Kuang atbồ Kuang àng càr Dak Lak.

Kung tàm dơ̆ pơrjum, ală kuang bàng neh ring bal pồ ồng Y Vinh Tơr- Ủy viên rơcang lài Đảng dà lơgar, Ủy viên Ban Thường vụ Tỉnh ủy, Bí thư Thị ủy Buôn Hồ lơh Phó Chủ tịch Hội đồng Nhân dân càr Dak Lak khóa 9, tơngai lơh broă bơh nam 2016 tus nam 2021 mờ 100% sră pồ ring bal.

Cau mblàng K’Duẩn