VOV.K’ho - Mut lơh broa\ tam wơl kơphe bơh nam 2013 tus nam 2015, anih pria\ jền lơh sa  mờ bơtàu tơngguh [òn lơgar càr Dak Lak, kờp du\ geh ai càn 3 rbô tơmàn pria\ nàng dong kờl cau tam, mpồl lơh sa ka\ bro càn nàng lơh niam, tam wơl kơphe. Bulah bè hơ\, tơnơ\ 2 nam mut lơh, jơng kah dồs ai càn jat broa\ lơh pa do geh tus di 140 tơmàn pria\. Khà pria\ ua\ ngan mờ gut nđờ rbô lồ kơphe kờa ngan pria\ nàng geh tam wơl, mơya bơta  broa\ lơh càn pria\ den gơtìp ua\ ngan kal ke, tài ala\ bơta kờ` ờ di pal ngan bè broa\ càn pria\.

Mut lơh broa\ tam wơl kơphe bơh nam 2013 tus nam 2015, anih pria\ jền lơh sa  mờ bơtàu tơngguh [òn lơgar càr Dak Lak, kờp du\ geh ai càn 3 rbô tơmàn pria\ nàng dong kờl cau tam, mpồl lơh sa ka\ bro càn nàng lơh niam, tam wơl kơphe. Bulah bè hơ\, tơnơ\ 2 nam mut lơh, jơng kah dồs ai càn jat broa\ lơh pa do geh tus di 140 tơmàn pria\. Khà pria\ ua\ ngan mờ gut nđờ rbô lồ kơphe kờa ngan pria\ nàng geh tam wơl, mơya bơta  broa\ lơh càn pria\ den gơtìp ua\ ngan kal ke, tài ala\ bơta kờ` ờ di pal ngan bè broa\ càn pria\.

Ồng Nguyễn Văn Sơn ơm tàm bòn 13, ntum Ea Đar, kơnhòal Ea Kar geh 1 lồ 6 kơphe. Pơgap mờ do 3 nam, ồng Sơn neh dus sang 1 lồ kơphe neh kra, cồng nha tơnhàu ờ uă. Jat bơta chài lơh broă neh geh pơlam, ồng Sơn tàm pơdar tam chi tam ndai sùm tàm 3 nam. Nam 2014, ồng Sơn tus anih priă jền lơh broă sa mờ bơtàu tơnguh bòn lơgar kơnhòal Ea Kar nàng càn priă tam pa wơl kơphe, mơya anih priă jền ờ ai càn, jơnau là tài ồng ờ geh ală sră pơ àr geh gơ rềng. Ồng Sơn pà git:“ Mut tàm anih priă jền lơh broă sa mờ bơtàu tơnguh bòn lơgar Ea Kar den cau lơh sră càn priă đơs là priă dà lơgar geh ai càn. Mơya he lơ òr ù jơh nđờ, blơi phơng sih, sơntìl, priă ơpah cau lơh broă kàr lơi den pal geh sră pơ àr cih loh. mờ sră pơ àr tàm do den mìng là lơh is, bă ù ờ uă den ờ gơtùi ơpah mpồl lơh sa kă bro lơh, mờ hòi là lơh is den ờ cih mat atbồ dà lơgar den bè gơtùi geh sră pơ àr.”

Kung bè ồng Sơn, rơndap broă tam pa 7 sàu kơphe tàm nam 2014 bơh ồng Lê Hữu Dũng ơm tàm bòn 13, ntum Ea Đar, kơnhòal Ea Kar kung gơtìp săng lời tài ờ càn geh priă, tài anih priă jền sồr pal geh sră pơ àr. Ồng pà git:“ Klo yal geh priă càn dà lơgar dong kờl tus mờ broă tam pa kơphe, den tàng hìu nhă a` kơl săng nàng tam pa kơphe. Bơh klo jơnau yal tơngit tàm rơdô, sră bau\ kung bè kuang bàng tàm bòn lơgar yal, làng bol pal tus is anih priă jền nàng git bè priă càn hơ\. A` tus anih priă jền den geh kuang bàng anih priă jền pơlam ală sră nggal, đơs la geh priă ai càn, mơya bơh ală sră nggal lơh den kờ` pal geh sră pơ àr ngan ngồn, den cau lơh broă kal ke ngan nàng gơtùi geh sră pơ àr.”

Jat rơndap broă neh geh ki\ den tàm nam 2014, kơnhòal Ea Kar tam pa 133 lồ kơphe, tàm hơ\ uă ngan là bă ù lơh sa bơh ală hìu nhă dê, mơya ndrờm gơ lơh bè ờ geh hìu nhă lơi geh càn priă tam pa kơphe. Bơta do kung gơlik geh tàm jơh ală kơnhòal tàm càr Dak Lak. Git nđờ rhiăng hìu nhă làng bol gam kờ` ngan priă bơcri tam pa kơphe, mơya ờ hềt geh càn priă. 1 tàm ală jơnau là làng bol ờ geh tơl ală jơnau sồr bơh anih priă jêề dê bè sră nggal, nàng lơh cơng priă jền tàm tu\ tơngai tam pa wơ. Ồng Huỳnh Quốc Thích kuang jat jơng atbồ gah lơh broă sa mờ bơtàu tơnguh bòn lơgar càr Dak Lak pà git: “ Ngan là broă càn priă tam pa kơphe kung gam geh kal ke. Ngan là bè sră nggal càn priă kung bè bơta priă cồng kung lơh làng bol kòl yan ngan.”

Ồng Phạm Xuân Cam kuang jat jơng atbồ anih priă jền lơh broă sa mờ bơtàu tơnguh bòn lơgar càr Dak Lak đơs là, ală kòl yan tàm broă càn priă tam pa kơphe neh 1 bơnah lơi geh bơ song. Mơya làng bol lơh broă sa kung kờ` pal geh ờ uă bơta sră pơ àr nàng lơh sră càn priă. Ồng Phạm Xuân Cam mblàng:“Sră pơ àr là pal geh tài kờ` pal lơh cơng tus jơnau kờ` càn priă, broă ngui priă càn do di mờ jơnau kờ` halà ờ, hơ\ là jat kơrnuat boh lam. Mơya tàm bơta do den mờ hìu nhă càn tam pa kơphe den dà lơgar kung neh geh jơnau pơlam, jat adat boh lam gam ngui tu\ do den ờ duh pal là sră pơ àr, mờ hìu nhă lơh broă sa mìng geh sră kờp tơr gùm halà sră pơr gon tàm hơ\ cih loh tơngume mờ priă jền tus mờ tơl tơngume hơ\.”

Jat rơndap broă, tus nam 2020, Dak Lak geh tam pa mờr 27 rbô 800 lồ lơphe, geh mờr 14% khà kơphe tàm càr, tàm hơ\ tus nam 2015, digơlan geh rlau 8 rbô 700 lồ kơphe geh tam pa. Kuơ màng là tàm khà do uă ngan là bơh ală hìu nhă lơh broă sa dê. mờ bơta pơn rơ bơh ală hìu nhă dê là bơcri is, lơh is nàng geh cồng. khi lơ òr is ù, tờ trồm tam, ơn phơng, geh tu\ ờng is sơntìl nàng tam. Anih priă jền lơh broă sa mờ bơtàu tơnguh bòn lơgar càr Dak Lak sồr làng bol pal tong sră pơ àr, sră pơr gon, sră kờp tơr gùm kờp, ndrờm bè là 1 bơta lòng. mờ ală jơnau sồr bè sră nggal ờ di bè hơ\, ờ hềt tus tu\ lơi den bơnah càn 3 rbô tơmàn priă tus mờ broă tam pa gơtùi tus mờ tiah tam kơphe uă ngan rlau jơh gùt lơgar do.

                                                           }au mblàng K’ Duẩn.