VOV4.K’ho - Bal mờ broa\ lơh sền gàr gùng nhàr lơgar jòng rlau 73 kơi sồ, rềp nhàr bal mờ lơgar Campuchia, mpồl  cau ling sền gar nhar lơgar càr Dak Lak gam nhap nhar tus bal lơh niam ròt gùng dra\ bal, bơtàu tơngguh lơh sa mpồl bơtìan tàm 4 ntum tiah nhàr lơgar di 2 kơnhoàl Ea Sup mờ Buôn Đôn. Bal mờ hơ\,  mpồl ling sền gàr lơgar càr Dak Lak sùm tơngguh broa\ lơh mờ lơgar cau, nàng lơh geh tiah nhàr lơgar ngap lơngai, git gơp mờ  bơtàu tơngguh, sùm mut lơh niam ala\ broa\ lơh kuơ màng, do la bơta pơniờ sa\  ngan bơh cau kuang, cau ling sền gàr nhàr lơgar.

Tàm dơ\ lồi nam 2014 pa do, nùs nhơm chờ gờm tơngkah 70 nam ngai crơng gơs Mpồl ling klàng làng bol Việt Nam mờ 25 nam Ngai Gùt làng bol sền gàr dà lơgar tàm ală pôs đồng ling sền gàr nhàr lơgar tàm càr Dak Lak duh hồl ngan mờ uă broă lơh geh kuơ ngan. Gơ wèt mờ kuăng bàng, cau ling tàm pôs đồng ling sền gàr nhàr lơgar Yok Đôn sơlơ chờ hờp rlau tai, tài bơh hơ\ kung là tu\ nàng tơngkah 10 nam ngai crơng gơs pôs đồng ling sền gàr nhàr lơgar Yok Đôn. Ơm tàm anih lồi du\t tàm gùng nhàr lơgar đah jum bơh càr Dak Lak dê, Pôs đồng ling sền gàr nhàr lơgar Yok Đôn rềp nhàr mờ ntum Dak Wil, kơnhoàl }ư Ju\t, càr Dak Nông. Bulah geh crơng gơs du\t ndơ\l, mơya, kuăng bàng mờ cau ling tàm do sùm lơh jơh niam kơ nòl broă, pôs đồng neh pe dơ\ geh Gah đơng lam ling sền gàr nhàr lơgar dà lơgar pà sră jờng rơ Mpồl ling lơh ngan tus jai pha. Chờ hờp ngan mờ cồng nha 3 dơ\ geh sră jờng rơ Cau ling tàm pơr lòng, Thượng uý Trần Văn Hưng pà gi\t: Bal mờ gơnuar broă là Kuang atbồ Mpồl phàu crong, bi gam là kuăng jăt jơng atbồ mpồl ơruh pơnu. Deh mờ dờng tàm ù tiah anih ơ hò ơm Hải Phòng, tơ nơ\ tu\ jơh bơ sram mờ geh tơmu\t Đảng tàm Hìu bơsram dờng Biên Phòng, bi lòt tus tiah đah tô măt tơngai mu\t dà lơgar dờp kơ nòl broă, tus bal lơh broă tàm mpồl ling sền gàr nhàr lơgar càr Sơn La, hơ\ sồng geh Gah đơng lam ling sền gàr nhàr lơgar dà lơgar sồr lòt bơ tơl tai ai tiah Tây Nguyên in nàng lơh broă. Tàm sơnam 30, klau pơnu bòn tờm tàm Hải Phòng geh bơ sram tàp bơh tiah ơm kis ling klàng mờ tơngai càl bơh tiah kơh bơ nơm Tây Nguyên dê sơlơ gơ gơs dờng kràn ngan. Thượng uý Trần Văn Hưng, đơs:“Chờ hờp ngan mờ bơtuah ngan tus să tờm a` in, geh lơh broă tàm mpồl ling sền gàr nhàr lơgar càr Dak Lak. Tây Nguyên là kơnhoàl ù tiah bềng bơta kờn gơboh, bềng nùs nhơm niam; kuơmàng là kuăng bàng, oh mi tàm mpồl ling neh dong a` sơr lèt gan jơh ală kal ke. Să tờm a` geh lơh ngan rlau tai tàm ală tu\ lơh broă, bơsram mờ tàp; lơh ngan jơh nùs mu\t lơh niam gơnuar broă kơn jơ\ kơn ju\t ngan geh kơnă hơđăng jàu. Kuơmàng là sền gàr kơ\ gơnuar tờm ngăp lơngai tiah nhàr lơgar, tơl làm ù tiah dà lơgar Việt Nam dê”.

Tây Nguyên gam tàm gùl kàl prang, brê bơ nơm dờng ơning ơnàng jăt tiah nhàr lơgar bơh càr Dak Lak rềp nhàr lơgar mờ càr Muldukiri, lơgar Campuchia dê neh pàl nhhòp ro jơh, mơya, ală pôs đồng ling sền gàr nhàr lơgar tàm do kung gam tơlir niam ngan chi che, tài bơh ală sươn biăp, sươn chi sa plai, tàm bơrlu\ bal mờ àu mpha tơlir bơh cau ling dê. Rê wơl hờ pôs đồng tơ nơ\ dơ\ lòt sền tiah gùt brê bơ nơm, sền gàr tiah nhàr lơgar, Binh nhất Vũ Đức Chí pà gi\t, tơ nơ\ tu\ jơh bơ sram ơdu\ bơto pơlam tàm Mpồl ling 19- di Mpồl ling sền gàr nhàr lơgar càr Dak Lak dê, bi rê lơh kơ nòl broă tàm pôs đồng ling sền gàr nhàr lơgar Bo Heng, mờ gơlơh chờ hờp ngan:“ Mu\t lơh broă tàm pôs đồng ling sền gàr nhàr lơgar Bo Heng, geh Mpồl đơng lam pôs đồng jàu broă lơh, a` lòt gròi sền, sền gàr tiah nhàr lơgar, sền gàr jrong nhàr lơgar, jrong lơh tềl. A` pơnìơ să mờ chờ hờp ngan tài a` là cau ling sền gàr nhàr lơgar, geh pơ gồp bơta pràn sền gàr bơta ngăp lơngai tiah nhàr lơgar dà lơgar dê. Mu\t lơh broă tàm mpồl ling, geh bơ sram tàp nùs nhơm bồ tơngoh gi\t sơr lèt gan, dong a` dờng kràn uă rlau”.

Lơh pôs đồng kềng gah hiòng dà dờng Srepok ndu gơn rơh, pôs đồng ling sền gàr lơgar 743- gơ wèt Mpồl ling sền gàr nhàr lơgar càr Dak Lak dê, kung sơnđăn mat hiòng dà dờng do dê là pôs đồng sền gàr nhàr lơgar Srepok. Bal mờ kơ nòl broă là ătbồ mờ sền gàr rlau 12 kơi sồ gùng nhàr lơgar mờ 2 nơm jrong nhàr lơgar, kuang bàng, cau ling tàm Pôs đồng ling sền gàr nhàr lơgar tàm tiah do gam lơh tài kơ nòl broă sền gàr ù tiah ntum Krông Na, kơnhoàl Buôn Đôn mờ pơ gồp bal sền gàr Brê dà lơgar Yok Đôn. Srơh tàm pơr lòng chờ gờm tơngkah 70 nam Ngai crơng gơs Mpồl ling klàng làng bol Việt Nam mờ 25 nam Ngai gùt làng bol sền gàr dà lơgar neh geh mpồl đơng lam Đảng, đơng lam pôs đồng mu\t lơh bơh bồ nam, tus tu\ do ală khà tàm pơr lòng ndrờm sơr lèt rlau mờ broă rơndăp lơh neh ai. Bal mờ broă sơlơ lơh sa geh tơl biăp kloh nàng ngui sa pah ngai, mpồl ling gam ròng siam sền gàr 40 nơm kơn rồ, mờ 30 nơm sur, 200 nơm iar ada, nam do, gam geh tai ờ uă broă lơh pa, hơ\ là sươn plai Thanh Long ơnàng puan chuồng, rồ ù lơh sre, neh tơnhàu geh 4 tấn kòi, mờ tờ tai tơnau ròng ka. Thiếu tá Y Be Mdrang, cau lơh broă gùng dră bal tàm Pôs đồng ling sền gàr nhàr lơgar Srepok, pà gi\t:“ Wèt tus tơngkah 70 nam Ngai crơng gơs Mpồl ling klàng làng bol Việt Nam, pôs đồng ling neh bơyai lơh ală broă lơh, bơ\t bơtàu ală broă lơh pơlam lơh mờ broă lơh. Kuang bàng lơh broă tàm tiah do den cih măt broă lơh dong làng bol bơtàu tơnguh lơh sa mpồl bơtiàn. Tàm bơta geh bơh sơn rờp hơ\, tàm nhai 12 pa do, mpồl ling neh pơ gồp bal mờ mpồl đơng lam Đảng, gơnuar atbồ tiah do nàng lòt còp, pà phan ai ală hìu bơnhă cau ling chơ\t màng tàm ù tiah ntum Krông Na”.

Jăt jơnau yal bơh Gah đơng lam mpồl ling sền gàr nhàr lơgar càr Dak Lak dê, bơh 5 nam mu\t lơh Ngai sền gàr nhàr lơgar gùt làng bol, ală pôs đồng ling sền gàr nhàr lơgar bơh càr dê neh lơh kơ\ kơl jăp ală anih lơh broă gùng dră bal, bơtàu tơnguh lơh sa mpồl bơtiàn ală ntum nhàr lơgar. Tus tu\ do, jơh ală 51 bòn tàm 4 ntum di 2 kơ nhoàl nhàr lơgar neh geh mpồl Đảng. Bal mờ ală gùng lòt sền gàr tiah nhàr lơgar geh lơh ơnàng, lă cài mờ lơh mờ gùng lu\, ală ntum tiah nhàr lơgar kung neh geh gùng rơndeh lòt tus tàm ntum, geh gùng che ồs đèng dà lơgar, hìu sơnơm ntum, ală gùng che điện thoại geh lơh tơl ngan. Mpồl ling sền gàr nhàr lơgar càr Dak Lak neh hòi jà ală anih lơh broă mờ mpồl cau tàm càr mờ bơh tiah ndai tă pơ gồp geh mờr 8 tơmàn priă nàng lơh mờr 200 nơm hìu ai cau rbah in, gi\t nđờ jơ\t broă lơh ngui tàm rài kis làng bol. Bal mờ 7 nă sĩ quan là kuang ala mat Mpồl duh broă ala măt làng bol ală ntum tiah nhàr lơgar, ală cau geh Đảng tàm ală mpồl lơh broă tàm ală tiah geh ntrờn lơh broă tàm ală mpồl Đảng [òn, kờn lơh kơ\ kơl jăp pràn jak gùng dră bal, đơng lam bơtàu tơnguh tơl làm tàm bòn lơgar. Đại tá Phạm Quang Hùng kuang atbồ Mpồl đơng lam Mpồl ling sền gàr nhàr lơgar càr Dak Lak, đơs: “ Lơh kơ\ kơl jăp pràn jak gùng dră bal là kơ nòl broă bơh sơn rờp. Tàm bơta geh bơh sơn rờp hơ\ nàng mblàng yal, lam sồr mu\t lơh ală gùng dà broă lơh bơh Đảng, kơr nuăt boh lam bơh dà lơgar dê. Bơh hơ\ mu\t lơh ngan ngồn ală kơ nòl broă bơh bòn lơgar dê. Pơn yơu bè Broă lơh bòn lơgar pa den bol a` neh đơng lam tus ală pôs đồng ling mờ să tờm là ală mpồl tus bal lơh, pơnyơu bè đèng, gùng, hìu bơsram, hìu sơ nơm là pal ai lơh lài khà dùl. Sơlơ bơtàu tơnguh lơh sa, hơ\ là ală broă lơh dong làng bol, lơh kơ\ kơl jăp nùs nhơm pin dờn rcăng lài tam lơh tàm làng bol tàm bơta geh bơh sơn rờp pràn jak gùng dră bal kơ\ kơl jăp, lơh sa bơtàu tơnguh. Bol a` pin dờn là broă lơh sa mpồl bơtiàn gơ jăt bal mờ sền gàr dà lơgar mờ bơta ngăp lơngai tàm tiah nhàr lơgar bơh càr dê geh ngai sơlơ pràn kơldăng kơ\ kơl jăp rlau”.

                                                            }au mblàng Lơ Mu K’ Yến.