VOV4.K’ho – Mho ngai òr 09/04, tàm [òn dờng Buôn Ma Thuột, ]àr Dak Lak, geh lơh dơ\ pơrjum Mpồl đơng lam Dà lơgar bè broă rơndăp lơh sền gàr mờ bơtàu tơnguh brê tơngai bơh nam 2011- 2020. Ồng Hoàng Trung Hải kuang jăt jơng gơs gơnăp gơnuar atbồ hơđang rlau jơh dà lơgar mơkung là kuang atbồ Mpồl đơng lam neh đơng lam dơ\ pơrjum. Jăt jơnau yal bơh Gah lơh broă sa mờ bơtàu tơnguh [òn lơgar dà lơgar dê, nam 2014, khà dơ\ lơh tìs adăt atbồ sền gàr brê gơmù 6% pơndrờm mờ nam lài, broă lơh jàu atbồ sền gàr brê kung geh lơh krà` mờ niam rlau. Gùt lơgar neh tam brê tơrgùm bal geh rlau 220 rbô lồ, 60 tơlak tờm chi tam rah rài, ròng gàr kis wơl mờr 380 rbô lồ brê. Khà priă phan bơna brê bơnơm lơh gơlik ta] mờ lơgar ndai geh rlau 6 tơmàn 500 tơlak dolar Mỹ. Bulah bè hơ\, ală kal ke gam geh tàm broă lơh sền gàr mờ bơtàu tơnguh brê kung gam kơ` jơ\ kơ` ju\t ngan, hơ\ là bơta lơh tìs adăt kung gam gơlik geh kal ke, broă tam brê ala tàm ală rơndăp broă lơh neh ngui ù brê ờ hềt lơh geh jơnau sồr mờ kuơmàng là bă brê tơnơ\ tu\ kờp sền pa do gơmù uă ngan, lơh aniai tus broă rơndăp lơh bơtàu tơnguh lơh sa mpồl bơtiàn bơh ală tiah dê. Bă brê bơh Tây Nguyên dê tơnơ\ tu\ kờp sền là 2 tơlak 567 rbô lồ, gơmù mờr 360 rbô lồ pơndrờm mờ ]ồng nha kờp sền wơl tàm nam 2008. Gơbàn jơnau do uă ngan là tài bơh tam gơl bă brê nàng mu\t lơh ală rơndăp broă lơh ai ù tam kau su, tam chi jo\ nam, mờ lơh ală hìu măi pờ tơlik ồs đèng, lơh bơtơ\t dơng dà mờ lơh gùng lòt bal mờ ală broă lơh ndai tai. Bal mờ broă lơh bơh ală anih lơh broă gam uă kal ke, den geh jơnau là Tây Nguyên pal ko\ng mờ bơta làng bol ntrờn ơm kis khăt gơboh ờ hềt geh lơh niam. Tàm dơ\ pơrjum, kuang bàng đơng lam bồ ală ]àr tàm Tây Nguyên mờ Bình Phước bal mờ ala măt ală Gah, sơnah lơh broă dà lơgar mờ ală kuang bàng tàm Mpồl đơng lam neh đơs uă jơnau đơs lơh loh ală bơta ờ niam tàm broă lơh atbồ sền gàr brê tu\ do, mơkung yal ală jơnau sồr nàng broă mu\t lơh niam rlau tàm tơngai tus.

Ồng Hoàng Trung Hải kuang jăt jơng gơs gơnăp gơnuar atbồ hơđang rlau jơh dà lơgar mơkung là kuang atbồ Mpồl đơng lam đơng lam dơ\ pơrjum.

Pơrjum Mpồl đơng lam Dà lơgar bè broă rơndăp lơh sền gàr mờ bơtàu tơnguh brê tơngai bơh nam 2011- 2020 tàm ]àr Dak Lak

                                                                            }au mblàng Lơ Mu K’ Yến